Lugu 16:15 - Mbede Lə Luba Kone Gə Sigi

¹⁵ Jeju pa ar-je na: Sisəy ꞌtɔjije neɗa gə gadə-gadə lə-si gə ɗaga kəm dəwje gə baa, ngaa Luba gərə tar gə mə-si gə tɔ̰y: mba ne gə dəwje d-o gə ne gə to ɓəəl ya̰ ta kəm-je gə le to ne gə mina ta kəm Luba gə.

Testament ke Siki 1960 (Kabba Laka)

¹⁵ Jésus pa aredè, Sésè etoidjé to dèdè ke epaidjé tar losè ndja to gaté gaté no dooudjé té, a Allah geré mèsè, mbata né ke dooudjé piti horodè té to né ke madjang nya kem Allah té.

Lugu 16:15 ပူးပေါင်းရင်းမြစ်များ

Matiye 23:5

ꞌƊa kulaje lə-je tɔ̰y mba tɔji ne rɔ-je kar dəwje d-o neje. To gə be ɓa d-um ngon ku ndaar gə bo ꞌtɔ ɓida noje ose kagə ji-je gə, cibi ꞌɗaje ta njəbə kubuje lə-je d-ar-ɛ tadə.

Matiye 6:16

Logə ꞌtɔlje mə-si ɓo ɗaa, ꞌɗaje kəm-si to ndoo ang, to gə njetar mulaje gə ɗa kəm-je to ndoo ɓa gə mba tɔji ne dəwje to gə ꞌtɔl mə-je ɓo. Tɔgərɔ ja, m-pa m-ar-si to gə d-inga nekuga dɔ ji-je nam.

Matiye 6:2

Lo gə un ne ar dəw ɗaa, uru ꞌkuwi dɔ-ɛ gə ang, to gə njetar mulaje d-aw ɗa mə kəy nendoje gə lə Jiibije, gə dan ɗəw booje gə, mba kar d-ɔsə ne gaji-je. Tar gə tɔgərɔ ja m-ula-si to gə d-inga kug-ɛ nam ngaa.

Matiye 6:5

Logə aw dəji-je Luba nama, əwje rɔ-si ɗaje to gə njetar mulaje be, mba ꞌjeje le ꞌnjigi kar taar mə kəy nendo gə lə Jiibije, gə kar taar mbɔr ɗəw boo ɓa dəji Luba mba tɔji ne rɔ-je kəm dəwje gə. M-pa tar gə tɔgərɔ ja m-ar-si to gə d-inga kuga lə-je nam ngaa.

Lugu 10:29

Ngaa dəw le sangə kar kudu tar lə-a ar, ɗaa pa ar Jeju na: Se naa ɓa to njemar-m wa?

Lugu 11:39

Ngaa Mbayɓe pa ar-ɛ na: Sisəy, Parijiyɛ̰je, ꞌtogoje gir ngo kay man gə gir ngo kusa ne ar-je arə ngadə, ngaa mə-sisəy ɗaa kəji bogo gə məndul ja ɗusu nji.

Lugu 18:11

Parijiyɛ̰ le ar gə ngal-ɛ taar ɗaa dəji ɔji dɔ-ɛ ye ja pa na: Əy Luba, m-ar-i oyo mba ꞌma le, m-unda rɔ-m to gə dəwje gə kɛm gə ꞌto gə nje ɓogoje, njeneɗa dɔ buguruje, nje ɓogo lo toje ose m-asə naa gə njembo̰ lar gədə ɓe gə ar nee ang nəm tɔ.

Lugu 18:14

Jeju pa dɔ mar-ɛ gə cibi na: M-pa m-ar-si, njembo̰ lar gədə be nee le aw kəy lə-a gə maj-ɛ, tar ɔr dɔ-ɛ gə, ngaa ye gə kara ɗa bənəng ang baa, mba dəw gə ɗa-ɗa gə unda dɔ-ɛ taar gəgəgə nama, Luba a kuwa dɔ-ɛ kula nangə, ngaa dəw gə ula dɔ-ɛ ɓa Luba a kun-e kunda-a taar.

Lugu 18:21

Buba ɓe le ila-a kəne na: Neje gə tɔ̰y nee le, m-ila kuji kəne gə kasə-m baa ja.

Lugu 18:9

N-pa gusutar gə ɗangə cibi n-ar nje gə kɛm gə d-o rɔ-je gə dəwje gə dana gadə-gadə ɗaa ꞌdaɓə ne nje gə kɛm dasəra le na:

Lugu 20:20

D-un kudu kunda kəm-je go Jeju gə ɗaa, d-ula dəwje gə ꞌɗa rɔ-je gə dəwje gə dana gadə-gadə be, d-ar d-aw ꞌnga̰ Jeju. ꞌSo̰-ɛ gə mba kinga tar gə ban wo̰yḭ t-ɛ gə, ɓa gə mba kuwa-a kula-a ne mə ji njeko̰ ɓeje gə Rɔm gə.

Lugu 20:47

D-o̰ mə kəy lə jene ndubaje ləm-ləm d-ore dɔ-ɛ nangə ndəng ꞌdəji Luba ngɔɔgɔ-ngɔɔgɔ d-ar koro-je əwu mba kar dəwje d-o-je ne. D-a gangə tar gə to ɓəəl ya̰ dɔ-je gə.

Jean 2:25

ngaɓa mba Jeju gərə dɔ ɓəngərə dəw gə maj-ɛ le ɗaa, n-njigi kar dəw gə ɗangə ɓa ɗe pa tar naji lə-a ar-ɛ ang.

Jean 21:17

N-pa n-ar-ɛ gə njekum gə gɔl munda na: Simo, ngon lə Ja̰, ꞌNjigi-m wa? Kəm Piyɛr ɗa ndoo mba pa gə Jeju pa ar-ɛ gə njekum gə gɔl munda na: ꞌNjigi-m wa? Ɗaa n-pa n-ar-ɛ na: Mbayɓe! ꞌI le, ꞌgərə ne tɔ̰y! ꞌI le, ꞌgərə som to gə, ꞌma le, m-njigi-i ja! Jeju pa ar-ɛ na: Uul badəmje lə-m.

Koula 1:18

Be ɓa lar gə kṵra̰y gə d-uga-a ne mba dəw gə n-un dɔ-ɛ le, n-aw ndogo ne lo ndɔ, ɗaa lo ndɔ nee le ja n-ce n-oso kəne n-ar m-e nduba ar sḭ mbad-ɛ tɔ̰y ɓugu nangə hɔlɔgə.

Koula 1:24

Ɗaa ꞌdəji Luba to gə be: Mbayɓe, ꞌi gə ꞌgərə mə-si tɔ̰y, ɔsə ji-i dɔ dəwje gə joo nee se na ɓa ꞌmbər-e,

Koula 15:8

Ngaɓa Luba gə to nje gərə mə dəwje le, tɔji gə ɗaga, ar-je Njil Njerɔsangə to to gə ar-sije tɔ.

Romaindjé 3:20

Mba dəw kara ja gə a to gadə-gadə no Luba gə go kila kuji dɔ torondu gə ang, mba torondu le ɔr ta ɗəw ar dəwje ꞌgərə ne neɗa gə kṵra̰y.

Romaindjé 8:27

ngaɓa ꞌne gə nje njenga̰ mə dəwje le n-gərə ne gə Njil njigi dəji, mba Njil le ɗaa dəji Luba mba njerɔsangəje gə go ɗəb-e gə Luba njigi.

1 Corinthiendjé 4:5

Gəl-e gə nee ɓa may kar ꞌgangəje tar ne kede ɓa dɔ kar asə ang, kede no ɗe gə lə Mbayɓe, gə a kila dɔ neje gə d-iya dan cil ciməri gə ngaɓa a kila kəjije gə mə dəwje gə. Be ɓa na-na kara Luba a pid-e.

1 Piyɛr 3:4

ngaa may kar ꞌɗaje mandə gə a tuji ang, gə kəji kaw yururu ngaɓa uy bɛm, gə ḭ mə-si gə kəy kɔrɔgə, ye ɓa to ne gə ta kəm Luba ya̰.

1 Piyɛr 5:5

Ɗəw kara baa, basa̰je, osoje kul no ngatɔgəje gə. Kula gə aw ɗaje horo naa gə le, ar-je kula dɔ ngulum ɓa o̰ dɔ-si, mba Luba ɔsə njekunda karje ngərəng, Ngaa n-ar mənuji lə-a nay gə nje gə d-ula dɔ-je ngulum.

Apocalypse 2:23

Ngan-ɛ le, m-a kar-je d-uy, ɗaa mbo̰ naa lə njetakagəje tɔ̰y d-a gərə to gə ꞌma m-to gə dəw gə nje gərə mə dəwje gə dɔ ɓəngərə-je, ɗa m-a kuga dɔ ji si, na-na nama ɔji dɔ kula ɗ-ɛje.