Lugu 15:29 - Mbede Lə Luba Kone Gə Sigi

²⁹ Ngaa ngon dəər le ila bɔ-ɛje kəne na: O, m-ɗa sə-i kula gə singa-m ɓal bula, m-al tar ta-i gə ang, ndɔ kara ɓa ar-m ngon biya̰ be m-tɔl m-ɗa ne rɔləl gə ngan mar-mje ang.

Testament ke Siki 1960 (Kabba Laka)

²⁹ Nè ntél tar nare bèdjè mpana, Wo, bal baya nya mam nda koula sei. Ma mbeté tar ke tai té ndò kada ang, nga i arem ngon mange kada ang, ta karem ndam né ke ndjè bokoradjé lom.

Lugu 15:29 ပူးပေါင်းရင်းမြစ်များ

Matiye 20:12

na: Nje gə ɗe dɔ gugu gə kuru-je kara əw asə kar kara baa ja kara, uga-je asə naa gə sijee gə j-ula rɔ-si ndubu dan kara saar ɓisine wa?

Lugu 15:28

Mə ngon dəər le o̰-ɛ ya̰ ar mbadə kandə kəy. Bɔ-ɛje ce inga-a dəji-e kar n-andə kəy.

Lugu 15:30

Ngaa logə ngon-i gə nee, gə nje tuji nekingaje lə-i dɔ kaya jeneje gə ɗe ɗaa, ꞌi ar d-uwa ngon mangə gə ər ndub-ndub ar-ɛ.

Lugu 15:7

Ɗəw kara baa, m-pa m-ar-si, logə njeneɗa gə kṵra̰y turu kəji nama, to rɔləl ya̰ mə dara gə unda dəwje gə gadə-gadə dɔg ji nay kara gə gir-je gə ji nay kara gə ꞌturu kəji lə-je ang.

Lugu 17:10

Ɗəw kara baa, sisəy kara, lo gə ꞌɗaje neje tɔ̰y gə d-un ndu d-ar-si nama, paje na: Jeje j-a to gə ngan njekulaje gə j-asə kinga ne kara ang. Kula gə kəm kar-si j-a ɗa le ja baa j-a ɗa.

Lugu 18:9

N-pa gusutar gə ɗangə cibi n-ar nje gə kɛm gə d-o rɔ-je gə dəwje gə dana gadə-gadə ɗaa ꞌdaɓə ne nje gə kɛm dasəra le na:

Lugu 19:21

M-ɓəəl-i mba ꞌi le ꞌto dəw gə kədərə ya̰: ne gə to kar-i ang ja baa kara uwa ar-ɛ təl kar-i nəm, ne gə ꞌdubu ang ja baa kara unja nəm tɔ.

Romaindjé 10:3

Mba ꞌgərə go ɗəw gə Luba o ne dəw, gə dəw gə gadə-gadə ang, ɗaa ꞌjejee ja ꞌsangə ɗəw lə-je mba to ne gadə-gadə, ngaɓa ꞌnjigi-je go ɗəw gə Luba o ne dəw gə dəw gə gadə-gadə le ang;

Romaindjé 3:20

Mba dəw kara ja gə a to gadə-gadə no Luba gə go kila kuji dɔ torondu gə ang, mba torondu le ɔr ta ɗəw ar dəwje ꞌgərə ne neɗa gə kṵra̰y.

Romaindjé 3:27

Ɗi ɓa to ne kunda kar wa? Ne kara godo. Gə go torondu gə ɗa wa? Ɔji dɔ kula ɗaje wa? Be ang baa, ngaa gə go torondu takagə.

Romaindjé 7:9

Kede ləw, gə torondu godo le, m-aw kəm baa ja, ngaa logə ndu ɗe ngaɓa neɗa gə kṵra̰y təl təbə,

Apocalypse 2:17

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama m-a kar-ɛ muru misi gə to nekusa gə ḭ dara gə to lo kiya gə, m-a kar-ɛ kɔr ər gə nda; ɗaa kɔr ər gə nee le, ꞌɗa ri gə sigi kəne kara, gə dəw kara kara gərə ang, ngaa nj-ɛ gə ta ja baa ɓa.

Apocalypse 3:17

Mba ꞌpa na: M-to njenekinga, m-isi dan nekinga gə dana badagə ɗaa m-aw ndoo ne kara ang, cibi ngaɓa ꞌgərə to gə ꞌto gə njendoo ang nəm, gə njekəmtondoo ang nəm, gə nje ko məsərə ang nəm, gə njekəmandoo ang nəm, gə nje kəm tɔ ang nəm, gə nje kaw kudu dum ang nəm tɔ.