Lugu 15:24 - Mbede Lə Luba Kone Gə Sigi

²⁴ mba ngon-m gə nee le to dəw gə uy ɓa təl ndol, ꞌne gə n-igi ɓa m-təl m-inga-a. Ɗaa d-uma kudu ɗa rɔləl.

Testament ke Siki 1960 (Kabba Laka)

²⁴ Mbata ngonem nèn woei mbä, ke nè ntél ke tébe marè bai, nè nai mbä, ke djingè to ke siki. Dèdè dao ndam nya.

Lugu 15:24 ပူးပေါင်းရင်းမြစ်များ

Matiye 8:22

Ngaa Jeju ila-a kəne na: Iya̰ nje gə d-uy ar-je ꞌdubu yo lə-je, ꞌi ɗaa uwa go-m.

Marəke 8:22

Go-e gə ɗaa d-ɔdə d-aw Bɛdəsayida; ꞌɗe gə nje kəm tɔ d-ar Jeju, ngaɓa ꞌɗ-ɛ kɔgərɔ gə mba kar n-ɔr rɔ-ɛ.

Lugu 10:19

Oje, m-ar-si singa mba kar ꞌnjaje dɔ lije je gə gə ḭje, ngaɓa a dumje singamongə lə njeba̰a̰, cibi ne kara kara a ɗa si ang.

Lugu 15:23

Uwaje ngon mangə gə ər ndub-ndub, Tɔl-ɛje ar-si j-usa-je, ja ɗaje ne rɔləl;

Lugu 15:25

Ngaa ngon dəər le nay ndɔɔ, logə n-ɗe n-unda dɔ kəy dəb ɗaa, n-o ndu nekɛmje gə ndu njelaje.

Lugu 15:32

Ngaa ngon ko̰-i gə nee le, nay to gə dəw gə uy ɓa ndol, n-igi ɓa m-inga-a nee le ja, may ɗa ndam ɗa ne rɔləl ɔji dɔ-ɛ ja.

Lugu 15:4

Se dəw gə ɗa ɓa horo-sisəy gə nee, badəmje lə-a tɔl kara, ɗaa ꞌye gə kara igi, se n-a kḭya̰ nje gə dɔg gə ji nay kara gir-e gə ji nay kara ndag lo gə mba kaw sangə ꞌye kara gə igi le saar kinga-a ang wa?

Lugu 19:10

Mba ꞌma gə Ngon lə dəw m-ɗe mba sangə gə kaji nje gə d-igi.

Lugu 9:60

Ngaa Jeju ila-a kəne na: Ḭya̰ nje gə d-uy ar-je ꞌdubu yo lə-je, ɗaa ꞌi le aw ila mbərə ɓeko̰ lə Luba.

Jean 11:25

Jeju pa ar-ɛ na: ꞌMa ja m-to gə kuy ɓa ndol gə kisi kəm baa nəm tɔ: Dəw gə ta kagə-m le, uy gə kuy ja kara, a kaw kəm baa.

Jean 5:21

Be ɓa, to gə Bɔ Ngon-je ndol ne nje gə d-uy ngaɓa n-ar-je d-isi kəm baa le, to gə be ja tɔ, Ngon ar na-na kara isi kəm baa to gə m-e ye ja njigi.

Romaindjé 11:15

Mba to gə ɓo kɔsə gə d-ɔsə-je ngərəng le ɓa ar dɔ nangə nee um ne naa gə gə Luba nama logə d-a təl gə je gugu le ɗi ɓa a ɗa ne wa? Se to to gə d-uy ɓa ꞌtəl d-inga təbə be ang wa?

Romaindjé 12:15

Nje gə d-aw ꞌɗa rɔləl nama ꞌɗaje gə je rɔləl, ɓo nje gə d-aw no nama ꞌnoje gə je.

Romaindjé 6:11

Be ɓa, sisəy ja kara, may kar oje rɔ-si to gə uyje ɗəw neɗa gə kṵra̰y gə, ɗaa isije kəm baa ɔji dɔ Luba ɗəw gə lə Kirisi Jeju.

Romaindjé 6:13

Uwaje bar kəm rɔ-sijee ꞌɗa-je ne neɗa gə kṵra̰y ang, gə ne ɗɔ gə kar neɗa gə dɔ buguru ang; ngaa unje darɔ-sisəy ja ar-je Luba, to gə nje gə d-uy ɓa ꞌtəl d-isi kəm baa be, unje bar kəm rɔ-sijee ar-je Luba, gə ne ɗɔ kar neɗa gə gadə-gadə.

Romaindjé 8:2

Mba torondu lə Njil gə ar təbə dəw andə ne naa gə gə Kirisi Jeju le ɔr-m ji torondu gə lə neɗa gə kṵra̰y gə ngaɓa kar yo gə.

1 Corinthiendjé 12:26

Ngaɓa to gə ɓo bar kəm rɔ kara o ko̰ ne nama bar kəm rɔje tɔ̰y ja d-o sə-a ko̰ ne tɔ; to gə ɓo ꞌɗɔy bar kəm rɔ kara nama bar kəm rɔje tɔ̰y ja ꞌɗa sə-a rɔləl.

Ephésiendjé 2:1

Ye gə ɔji dɔ sisəy le ɗaa, ꞌtoje dəwje gə uyje mbudugu ɗəw neɗaje gə gə dɔ gɔl-ɛ ang gə ɗəw neɗaje gə kṵra̰y gə lə-si,

Ephésiendjé 2:5

Sijee gə j-uy ɗɔdə mba neɗa-sijee gə gə dɔ gɔl-ɛ ang le n-ar-si ja təl j-isi kəm baa gə Kirisi naa gə – mbɔr dɔ mənuji ɓa sisəy ajije ne kəbərə.

Ephésiendjé 5:14

Mba ne tɔ̰y gə to gadəmagay gə le to lokarə. Gəl-e gə nee ɓa Mbede pa na: ꞌI gə ꞌcibi le, ꞌndol dɔ ɓi gə, Uba nangə ḭ horo nje gə d-uy gə, Ɗaa Kirisi a ndogo dɔ-i gə.

Colossiendjé 2:13

Sisəy le uyje mbudugu ɗəw neɗaje gə gə dɔ gɔl-ɛ ang gə lə-si ngaɓa mba unjaje bərə-si ɗəw darɔ gə ang, n-ar-si ꞌtəl isije sə-a kəm baa, n-ɔr ne tar neɗaje gə kṵra̰y lə-si tɔ̰y dɔ-si gə;

1 Timoce 5:6

Ngaa, jene nduba gə un rɔ-ɛ ar ne rɔləl gə dɔ nangə nee le, isi kəm baa ja kara, nay to gə dəw gə uy.

Jude 1:12

Dəɓ-eje nee le to ꞌnjɛgərɛ mə nekusa lə sisəy ngan ko̰ naaje, ꞌmbula nekusa gə mbula, ꞌɗa mə bo nekusa d-ar rɔ kul uwa-je ang, ꞌta naa gə nji gə ḭ ɗaa ləl ɔr-ɛ gə ər ang be, ose ꞌta naa gə kagəje gə ta ngaw nji gə gə kand-e godo, d-uy gɔl joo d-ɔr gə ngiraje ɓɔgɔdə-ɓɔgɔdə,

Apocalypse 3:1

ꞌƊa mbede ula ne ar anji lə mbo̰ naa lə njetakagəje gə Sarədə: A o, tar gə dəw gə uwa njilje gə siri lə Luba gə ndɛ̰ndərɛ̰ndɛ̰je gə siri ji-a gə pa le ɓa nee: M-gərə kula ɗa-ije; m-gərə gə maj-ɛ to gə ꞌpa tar lə-i gə lo-lo na aw kəm baa, ngaa uy.