Lugu 14:23 - Mbede Lə Luba Kone Gə Sigi

²³ Njekəy le pa ar ngon njekula le na: Un kila ɗəwje gə mə ndɔje gə, ɔsə dəwje ꞌɗe gə je mba kar mə ndogo lə-m ɗusu tubu.

Testament ke Siki 1960 (Kabba Laka)

²³ Ebèèdjè pa arè, Ao ke tokou deo bo ke deo ke mè mou té to, eda ke singa ta kare dooudjé dé, ta kare kei lom dousou.

Lugu 14:23 ပူးပေါင်းရင်းမြစ်များ

Matiye 21:43

Gəl-e gə nee ɓa, m-pa m-ar-si, Luba a kɔr ɓeko̰ lə-a ji-si gə mba kar gəl kuji dəwje gə ꞌɗa kul-ɛ mba kar kand-e to.

Matiye 5:41

To gə ɓo dəw uwa-i kar-i nja sə-a kula mɛdərɛ kara nama n-nja aw sə-a kula mɛdərɛ jo.

Lugu 14:22

Ngon njekula le pa na: ꞌƁəə-mje, ndu gə un ar-m le m-ɗa tɔ̰y ngaa kɛsə lo nay baa.

Lugu 14:24

Be ɓa, m-pa m-ar-si, dəwje gə m-ɓar-je kede ɓa ꞌmbadə nee le, dəw kara baa ja kara nekusa lə-m a kɔr t-ɛ ang.

Lugu 24:29

Ɗaa, ngan njenendoje gə joo le ꞌgang-ɛ nangə ꞌpa na: Isi gə si nee mba kar a kaw kandə, ngaɓa lo a kaw ndul ngaa. Be ɓa n-gangə n-aw gə je, mba kisi gə je.

Koula 16:15

Logə ꞌɗ-ɛ batɛm gə njeməkəyje lə-a ɗaa n-ɗa-si kɔgərɔ na: To gə ɓo o-mje gə njetakagə Mbayɓe to gə tɔgərɔ nama ꞌɗe andəje kəy lə-m isije kəne. Ɗaa n-ɗa n-ar j-a njigi go-e.

Koula 18:6

Ngaa d-ɔsə ngərəng ngaɓa ꞌtaji Luba ɗaa Pɔl uwa kubu sugu bugu-bugu ngaɓa pa ar-je na: Tar məsə-si a kuwa dɔ sisəy ja ɓo ɔr-m ꞌma ang ngaa, un kud-e ɓogəne ja m-a turu kəm gə ɓə lə dəwje gə ꞌgərə Luba ang.

Koula 28:28

May kar-si ꞌgərəje kaji lə Luba gə nee le ula ne ar dəwje gə ꞌgərə Luba ang, ɗaa ꞌjeje le d-a ko gə mbi-je ja.

Koula 9:15

Ngaa Mbayɓe təl pa ar-ɛ na: Aw, mba dəw nee le ꞌma ja m-mbər-e gə neɗa kula lə-m, mba kar n-un ri-m n-aw ne no dəwje gə ꞌgərə Luba ang gə, gə no mbayje gə, ɓa no ngan Ijirayɛlje gə;

Romaindjé 10:18

Ngaa m-pa na: Ko ɓa d-o ang wa? Ngaa gə Ndu-je ta lo dɔ nangə nee tɔ̰y le, Ngaɓa tarje gə ꞌpa le ɔr sṵra̰ dɔ nangə njal.

2 Corinthiendjé 5:11

Gəl-e gə nee ɓa, sijee ja gərə ɗəw kila kuji dɔ Mbayɓe gə ɗaa, ja sangə mba kar dəwje d-aw ne go tar gə tɔgərɔ lə-a. Luba gərə gəl-si gə maj-ɛ, m-unda mə-m to gə sisəy kara ꞌgərəje sijee mə kəji gə lə-si tɔ.

2 Corinthiendjé 5:20

Be ɓa, sijee le ja to dəwje gə nje pa tarje ta ne toro Kirisi, ɗəw lə-sijee ɓa Luba ɓar-si ne. Gə ri Kirisi, j-oso kul no-si gə: Umje naa gə gə Luba.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Colossiendjé 1:28

ꞌNe ja j-ila mbərə lə-a, j-a ndəji ne dəwje kara kara ngaɓa j-a ndo dəwje kara kara gə kəm karə tɔ̰y, mba kar na-na kara to ne dəw gə may pɛdə ɗəw gə lə Kirisi.

2 Timoce 4:2

Dɔ ndɔ gə may ose may ang kara, ꞌpa tar lə Luba dɔ-i gə kede, ḭ gə je, ꞌndangə-je ɓo ꞌndəji-je gə kore ur, ngaɓa ꞌtɔji-je ne.