Lugu 14:21 - Mbede Lə Luba Kone Gə Sigi

²¹ Ngon njekula le təl aw inga ꞌɓəə-eje, ɗaa ndaji ndu-je le tɔ̰y ar-ɛ. Mə njekəy le o̰-ɛ, ɗaa pa ar ngon njekula lə-a na: Ɔdə aw gə tɔg-ɛ nada gə ɗəw booje gə, gə mə ɓe gə, ꞌɗe gə njendooje, gə njeməndəje, gə nje kəm tɔje je gə nje nja məndəje.

Testament ke Siki 1960 (Kabba Laka)

²¹ Tokou ban ngonlokisi dé pa tar nèn are ebèèdjè. Tokou ban ongou da doou ke ndjè kei, nè mpa nare ngonlokisi la, Ao deo té ke bo, ke deo té ke ngadji mè béh té loshénè loshénè. Edé ke dooudjé ke to dangetédjé, ke ndjè ke djidè woei mba, ke ndjè kem tòdjé, ke ndjè metedjé.

Lugu 14:21 ပူးပေါင်းရင်းမြစ်များ

Matiye 11:28

ꞌƊeje gə rɔ-m gə nee, sisəy tɔ̰y gə ɔrəje gə nekodo uway-si le, ɗaa m-a kar-si uwaje kɔr-si.

Matiye 11:5

Nje kəm tɔje d-o lo, njeməndəje ꞌnja, gə rɔ njebənjije arə ngadə nəm, mbigije kara d-o tar nəm, dəwje gə d-uy kara ꞌtəl ndol nəm ɓa, d-ila mbərə Tar gə May d-ar njendooje nəm.

Matiye 15:12

Be ɓa, ngan njenendoje ꞌɗəm gə mbɔr Jeju gə ꞌpa d-ar-ɛ na: Tar lə-i gə ꞌpa le to Parijiyɛ̰je ya̰ le, ꞌi gərə ang wa?

Matiye 18:31

Logə njeba-ɛje lə-a gə kɛm d-o ne gə n-ɗa le be ɗaa mə-je ləl-je ang ar ꞌtəl d-aw ꞌpa tar-ɛ tɔ̰y d-ar ꞌɓəə-jeje o.

Matiye 20:7

D-ila-a kəne na: Mba dəw un si kula gə ang. N-pa n-ar-je na: Ɓo be ɗaa ɔdəje awje ndɔ bḭyə̰ gə lə-m tɔ.

Lugu 14:13

Ngaa logə ꞌgɔl nekusa gə bo nama, ꞌɓar njendooje, gə njeməndəje, gə njenja məndəje, gə nje kəm tɔje.

Lugu 14:20

Ye gə ɗangə ja cibi pa na: M-ta jene sigi ɓi, ɗaa m-asə kaw ang.

Lugu 14:22

Ngon njekula le pa na: ꞌƁəə-mje, ndu gə un ar-m le m-ɗa tɔ̰y ngaa kɛsə lo nay baa.

Lugu 14:24

Be ɓa, m-pa m-ar-si, dəwje gə m-ɓar-je kede ɓa ꞌmbadə nee le, dəw kara baa ja kara nekusa lə-m a kɔr t-ɛ ang.

Lugu 24:47

Ɗaa, d-a kila mbərə turu kəji gə kar kɔr tar neɗa gə kṵra̰y gə ri-a dɔ gəl kuji dəwje gə tɔ̰y, a kun kud-e mə ɓe gə Jerujalɛm gə.

Lugu 9:10

Njeka̰ykulaje gə Jeju ula-je le ꞌtəl ꞌɗe d-inga-a ngaɓa d-ɔr gəl neje tɔ̰y gə ꞌɗa d-ar-ɛ. Ɗaa n-um-je dɔ-ɛ gə, n-aw gə je ngərəng mbɔr ɓe gə Bɛdəsayida.

Jean 9:39

Ngaɓa Jeju pa cibi na: ꞌMa le, gangə tar gə dɔ nangə gə nee le ɓa m-ɗe gə mb-ɛ, mba kar nje gə kəm-je o lo ang nama d-o lo, ngaɓa nje gə kəm-je o lo nama d-a təl to gə nje kəm tɔje.

Ebərəje 13:17

Oje tar ta njekɔr no-sijee gə ngaɓa osoje kul no-je gə. Mba ꞌtɔsə kəm-je dɔ təbə gə lə-si gə d-a tura go-e. ꞌƊaje gə maj-ɛ mba kar ꞌɗa gə rɔləl ɓo gə man no ang mba ꞌtura go-e gə man no kara ne may kara gə a kingaje kəne godo.

Ebərəje 2:3

ngaa sijee, to gə ɓo j-a dabə kaji gə boy dasəra le, j-a kuba tuji ang to gə ban wa? Kaji nee le Mbayɓe ila mbər-e dɔngɔr, ngaɓa nje gə d-o t-ɛ gə kara d-ila mbər-e tɔ,

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

Apocalypse 19:15

Kiya bayi gə t-ɛ adə pəm-pəm ce t-ɛ gə, ye ɓa n-a tuji ne gəl kujije. N-a kul-je gə kagə ngaw lar, n-a kunda dura kodo wungu gə to ɓəl ya̰ lə Luba gə njesingamongə, gə gɔl-ɛ kila.

Apocalypse 22:17

Njil je gə jene nje ngaw ꞌpa na: ꞌƊe! May kar dəw gə o tar gə nee nama pa na: ꞌƊe! Dəw gə kunda man tɔl-ɛ nama may kar-ɛ ɗe, dəw gə njigi nama m-a kar-ɛ man təbə baa ja.