Lugu 14:13 - Mbede Lə Luba Kone Gə Sigi

¹³ Ngaa logə ꞌgɔl nekusa gə bo nama, ꞌɓar njendooje, gə njeməndəje, gə njenja məndəje, gə nje kəm tɔje.

Testament ke Siki 1960 (Kabba Laka)

¹³ Tokou i a da mourou kousou, ebar dooudjé ke to dangetédjé, ke ndjè ke djidè woei mbä, ke ndjè metedjé, ke ndjè kem tèdjé.

Lugu 14:13 ပူးပေါင်းရင်းမြစ်များ

Matiye 15:30

Be ɓa bula bo dəwje ꞌɗe rɔ-ɛ gə gə nje nja məndəje, gə nje kəm tɔje, gə njeməndəje gə mbigije nəm ngaɓa gə njerɔko̰je gə kɛm bula ya̰ nəm tɔ. ꞌƊe gə je ꞌɗe d-umje no gɔl Jeju gə ɗaa aji-je.

Matiye 22:10

Ngan njekulaje le d-ɔdə d-aw tɔ ɗəwje gə, ꞌmbo̰ dəwje tɔ̰y gə d-inga-je, njeməyɛrje gə njeməmayje, ar njekusa neɗa ndam ta naaje ꞌɗusu lo pur-pur.

Lugu 11:41

May kar ar-je njendooje ne gə mə gə arə ngadə, ɗaa a karəje ngadə kəm Luba gə.

Lugu 14:12

Cibi, Jeju pa ar njekəy le na: Logə ꞌgɔl nekusa gə bo gə ndɔɔ-sḭ ose kar kumatagə nama, əw rɔ-i ɓar njekuraje lə-i, ose ngan ko̰-i, ose njenujije lə-i, ose Njembɔr kəyje lə-i gə to njenekingaje mba d-a təl ɓar-i kar aw usa ne kəy lə-je, ɗaa nay to gə d-uga dɔ ji-i nam be.

Lugu 14:14

A to njenokarə mba dəwje nee le d-a kasə kuga dɔ ji-i ang, ngaa Luba ja ɓa a kuga dɔ ji-i ndɔ gə dəwje gə gadə-gadə gə d-uy d-a ndol ne.

Lugu 14:21

Ngon njekula le təl aw inga ꞌɓəə-eje, ɗaa ndaji ndu-je le tɔ̰y ar-ɛ. Mə njekəy le o̰-ɛ, ɗaa pa ar ngon njekula lə-a na: Ɔdə aw gə tɔg-ɛ nada gə ɗəw booje gə, gə mə ɓe gə, ꞌɗe gə njendooje, gə njeməndəje, gə nje kəm tɔje je gə nje nja məndəje.

Koula 9:39

Piyɛr uba nangə ḭ aw gə je ja tɔ. Logə ꞌce ɗaa d-aw gə Piyɛr mə kəy gə taar gə le. Jene ndubaje tɔ̰y ja ꞌɗe gə rɔ-ɛ gə gə man no kəm-je gə ngaɓa ꞌtɔj-ɛ ne kubuje gə Dɔrəkas uji ar-je.

1 Timoce 3:2

Be ɓa, may kar nje ka dɔ lo kuwa dɔ naa le tar a kuwa dɔ-ɛ ang, n-a to nje jene gə kara, n-a ɗa mə bo nekusa ang, n-a kunda kəm karə dɔ rɔ-ɛ gə, n-a to njekuwa nuji, n-a to nje kuwa mbaje cibi n-a kasə mba tɔji ne dəwje.

1 Timoce 5:10

may kar neɗaje lə-a gə may to ɗaga pay-pay kəm dəwje gə: ɗəw siri ngan-ɛ gə gə maj-ɛ, ɗəw kuwa mbaje gə, ɗəw togo gɔl njetakagəje, ɗəw la gə nje gə d-isi dan nekəmtondoo gə, ɗəw ɗa ne gə may gə lo-e lo-e.

Tite 1:8

ꞌne n-a to njekuwa mbaje, n-a njigi neɗa gə may, n-a to dəw gə gadə-gadə, n-a sangə rɔ-ɛ mba Luba ngaɓa n-a ko̰ dɔ darɔ-ɛ,

Pilimo 1:7

Be ɓa rɔ-m ləl-m ya̰ ngaɓa singa-m oso dɔ mar-ɛ gə ɔji dɔ njigi lə-i, ngon ko̰-m, mba ɗəw gə lə-i ɓa mə njerɔsangəje oso nee nangə po̰.

Ebərəje 13:2

Ar-je mə-si uy dɔ kuwa mbaje ang, mba kuwa mbaje le ɓa nje gə kɛm d-ɔsə ne dɔ-je dɔ anjije gə lal gərə.