Lugu 13:11 - Mbede Lə Luba Kone Gə Sigi

¹¹ Ɗaa jene kara gə to njerɔko̰ asə ɓal dɔg gir-e gə ji nay joo isi kəne əng tɔ. Njil gə kṵra̰y uwa-a ɗug-e, ɗaa n-asə nduji rɔ-ɛ rad ang.

Testament ke Siki 1960 (Kabba Laka)

¹¹ Dènè kada éh nou ke isi ke ndil ke toudjou singa la bal dòkou gérè djidjo, dounè doukou nya ke nè nase karr ke tarr mbarang ang.

Lugu 13:11 ပူးပေါင်းရင်းမြစ်များ

Matiye 4:23

Jeju nja dɔ nangə gə Galile tɔ̰y, tɔji dəwje ne mə kəy nendoje gə lə Jiibije, ngaɓa ila mbərə Tar gə May ɔji dɔ ɓeko̰ nəm, aji njerɔko̰je ɓədə-ɓədə gə njeməndəje ɓədə-ɓədə horo dəw mə ɓeje nəm tɔ.

Marəke 9:21

Jeju dəji bɔ-ɛje na: Un kud-e ndɔ gə ɗa gə wa? N-ila kəne na: Gə kas-ɛ baa ja;

Lugu 13:12

Logə Jeju a jene le jii ɗaa, ɓar-ɛ ngaɓa pa ar-ɛ na: Jene, rɔko̰ ɔr ji-a rɔ-i gə.

Lugu 13:16

Ngaɓa jene gə nee le, to ngon ka Abəraham, ꞌSu uwa ɗug-e asə ɓal dɔg gə gir-e gə ji nay joo ngaa nee ja, to may mba tud-e kila-a taar gə ndɔ kuwa kɔr ang wa?

Lugu 21:28

Logə neje nee a kun kudu mba ɗa ne nama ar-je dɔ gɔl si gə ɓo ɔrəje dɔ-si gə taar mba kar ta dɔ-si nay dəb baa ngaa.

Lugu 8:2

Ngan njenendoje gə dɔg gə gir-je gə joo je gə jeneje gə kɛm gə ꞌtɔbə njilje gə kṵra̰y mə-je gə, gə nje gə d-ɔr rɔko̰ lə-je, to gə: Məri gə Magədala, ꞌne gə njilje siri ce m-e gə le,

Lugu 8:27

Logə Jeju uru nangə ɗaa, dəw kara gə mə ɓe gə tila kəm-e ɗe inga-a. Dəw nee le njilje gə kṵra̰y ꞌbula m-e gə. Ar ləw baa ja, n-aw kud-e dum baa ngaɓa n-to kəy ndɔ kara ang nəm, ngaa dɔbarəje ɓa to gə lo kisi-e.

Lugu 8:43

Ngaɓa jene kara gə məsə ɗe rɔ-ɛ gə asə ɓal dɔg gə gir-e gə joo ja ga̰ horo-je gə. N-tuji nekingaje lə-a ɓə lə dɔgətoroje ngaa dəw kara gə asə kaj-ɛ godo.

Koula 3:2

Be ɓa ꞌɗe gə dəw kara gə d-uji-e gə njeməndə d-unda ta kəy gə lə Luba gə ꞌɓar-ɛ Bɛl gə ndɔ-ndɔ d-ar aw kɔy ne dəwje gə d-aw gə kəy gə lə Luba.

Koula 4:22

Mba dəw gə inga kaji gə go ɗəw nemisi nee le ɓal-ɛ nday dɔg sɔɔ.