Lugu 12:9 - Mbede Lə Luba Kone Gə Sigi

⁹ Ngaa dəw gə ma̰y tar lə-m no dəwje gə to gə n-gərə-m ang nama, ꞌma kara m-a ma̰y tar lə-a no anjije gə lə Luba to gə m-gər-e ang tɔ.

Testament ke Siki 1960 (Kabba Laka)

⁹ A nè ke mbetem no dooudjé té, da mbetè no angedjé té lo Allah tò.

Lugu 12:9 ပူးပေါင်းရင်းမြစ်များ

Matiye 10:33

Ngaa dəw gə ɗa-ɗa gə ma̰y tar lə-m no dəwje gə to gə n-gərə-m ang nama, ꞌma kara m-a ma̰y tar lə-a no Bɔ-mje Luba gə dara to gə m-gər-e ang tɔ.

Matiye 25:12

Ngaa jingaw le ila-je kəne na: Tɔgərɔ ja, m-pa m-ar-si to gə m-gərə-si ang.

Matiye 25:31

Ndɔ gə ꞌma gə Ngon lə dəw, m-a ɗe gə riɓar gə anjije tɔ̰y naa gə le, m-a kisi dɔ ngəndəng riɓar gə lə-m.

Matiye 25:41

Ngaɓa n-turu kəm-e n-pa n-ar nje gə dɔ ji gəl-e gə le na: Ɔdəje gə nu, sisəy gə Luba ugu ne ar-si, awje gə kəm pər gə a ko̰ gə ndɔ gə ndɔ gə Luba gɔl mba ꞌSɛ̰ngərɛ̰ je gə anjije lə-a.

Matiye 7:23

Lo-e gə əng ɗaa m-a pa karəje təsərə na: M-gərə-si ndɔ kara ang, sə-i nje ɗa ne dɔ buguruje, ɔdəje ta-m gə gə nu.

Marəke 8:38

Be ɓa, dəw gə ɗa rɔ kul mba-m ngaɓa gə mba tarje lə-m horo dəwje gə ɓogəne gə ꞌto nje ɓogo lo toje gə njeneɗaje gə kṵra̰y nee le, ꞌma gə Ngon lə dəw kara logə m-a ɗe dan rɔnduba gə lə Bɔ-mje naa gə kara gə anjije gə njerɔsangəje nama, m-a ɗa rɔ kul mba tar lə-a tɔ.

Lugu 15:10

Ɗəw kara baa, m-pa m-ar-si, logə njeneɗa gə kṵra̰y turu kəji lə-a nama, rɔ anjije lə Luba ləl-je.

Lugu 22:57

Ngaa Piyɛr ma̰y na: Jene, ꞌma m-gər-e ang.

Lugu 9:26

Mba, dəw gə ɗa rɔ kul mba ꞌma, ngaɓa gə mba tar lə-m nama, logə ꞌMa gə Ngon lə dəw m-a ɗe dan rɔnduba gə lə-m, gə dan rɔnduba gə lə Bɔ dəwje gə ngaɓa gə anjije gə njerɔsangəje ɗaa, m-a kila rɔ kul dɔ-ɛ gə.

2 Timoce 2:12

To gə ɓo j-uwaje gədərə nama J-a ko̰je sə-a ɓe naa gə tɔ; To gə ɓo j-a mbad-eje nama N-a mbadə si tɔ;

1 Jean 2:23

Dəw gə ɗa-ɗa ɓa mbadə Ngon nama mbadə Bɔ dəwje, dəw gə gərə Ngon nama gərə Bɔ dəwje tɔ.

1 Jean 2:28

Ɗaa nganje, ɓisine ɗaa, umje naa gə sə-a, mba kar dɔ ndɔ gə n-a tɔji rɔ-ɛ gə ɗaga ɗaa j-a ɓəəl ang, ngaɓa rɔ kul a kuwa-si ndɔ təl gə lə-a ang.

Apocalypse 3:8

M-gərə kula ɗa-ije. A o, m-ɔr ta ɗəw m-ila tagə no-i gə, dəw kara kara a kasə kudu ang. Singa-i njɛ̰ ja baa ngaa, ꞌngom tar lə-m ngaɓa ꞌma̰y tar dɔ ri-m gə ang tɔ.