Lugu 12:37 - Mbede Lə Luba Kone Gə Sigi

³⁷ Nokarə to kar ngan njekulaje gə ꞌɓəə-jeje ɗe inga-je kəm baa. Tar gə tɔgərɔ, m-pa m-ar-si, njekəy a təl rɔ-ɛ gə ngon njekula, n-a kar-je d-isi nangə gə maj-ɛ ɓa, n-a ɗe gə nekusa kar-je ɓi.

Testament ke Siki 1960 (Kabba Laka)

³⁷ Madji éh ke nganlokisidjé ke tibi ang tokou ebèèdèdè dé. Tokoro ma mpa maresè, nè na tò koubou berè té ndja, nè na karedè disi ta table té, ke nè na dé da karedè.

Lugu 12:37 ပူးပေါင်းရင်းမြစ်များ

Matiye 24:42

Ar-je kɛgɛgɛ, mba ꞌgərəje ndɔ gə Mbayɓe lə-si a ɗe ne ang.

Lugu 12:36

Sisəy le, ꞌɗaje ne to gə ngan njekulaje gə d-aw ꞌngina ꞌɓəə-jeje gə aw lo ɗa nay ta naa gə, mba kar lo gə n-a təl ɓa n-unda ta kəy nama, a kɔrəje gə tɔg-ɛ baa.

Lugu 12:43

Nokarə a to mba ngon njekula gə to gə be mba ꞌɓəə-eje a təl ɗe kinga-a dɔ kula ɗ-ɛ gə may gə.

Lugu 17:8

A paje kar-ɛje to gə be na: Uwa dɔ gɔl nekusa lə-m, ɓo odo kubu kula ꞌtula rɔ-i gə ɗaa, ar-m nekusa m-usa, gə ar-m nekay m-ay ngaɓa, go-e gugu ɗaa, a kusa gə a kay kar-i ɓi ang wa?

Lugu 21:36

Ɔsəje kəm-si kɔrə ɓo ꞌdəjije Luba gə karje ja tɔ̰y, mba kar d-ɔr-si d-unda si gə kəm-e mba kar-si ꞌce-je nee ta neje gə a ɗe dɔ ndɔ gə bara gə, ngaɓa gə mba kar ar-je ne dɔ gɔl si gə njang no Ngon lə dəw gə.

Lugu 22:27

Na ja ɓa to dəw gə to ɓəəl ya̰ wa, to dəw gə nje kisi ta ka nekusa gə ose dəw gə njekay nekusa wa? Se to dəw gə nje kisi ta ka nekusa gə ang wa? Ngaa, ꞌma le, m-ga̰ horo-si m-to gə ngon njekula.

Jean 12:26

To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

1 Corinthiendjé 2:9

Ngaa to gə ꞌɗa ne mə mbede gə na: Ne gə kəm o ang, ne gə mbi o ang, ngaɓa andə dɔ ɓəngərə dəw gə ang, ne gə Luba gɔl mba nje gə ꞌnjigi-e.

Philippiendjé 1:21

mba ꞌma le, Kirisi ɓa to təbə lə-m ɗaa yo to gə may lə-m.

Philippiendjé 1:23

M-ndəbə ɓe joo kɛm: m-njigi ya̰ mba kɔdə kaw kisi gə Kirisi, mba ye ja ɓa may unda neje tɔ̰y;

2 Piyɛr 1:11

Be ɓa ɓeko̰ lə Mbayɓe lə-si gə Njekaji-si Jeju Kirisi gə to gə ndɔ gə ndɔ le, d-a kɔr t-ɛ kila bəndəng kar-si.

2 Piyɛr 3:14

Gəl-e gə nee ɓa, sisəy gə m-njigi-si ya̰, uwaje rɔ-si ngang ar-ɛje n-ɗe n-inga-si gə rɔ gə arə ngadə ngaɓa kar tar uwa dɔ-si ang mba kar ɗɛgɛgɛ to ne horo-si gə gə Luba.

Apocalypse 14:13

Ɗaa m-o ndu ḭ dara pa na: ꞌƊa mbede, nokarə to kar dəwje gə ɓisine d-uy gəl Mbayɓe gə! Njil pa na, oyo, may kar d-uwa kɔr-je dɔ kula rɔ ndubu gə lə-je gə, mba kula ɗa-je ɔr go-je.

Apocalypse 16:15

A o, m-ɗe to gə nje ɓogo be. Nokarə to kar dəw gə isi kəm baa dɔ rɔ-ɛ gə ngaɓa ngom kubuje lə-a, mba nja kud-e dum ang, ngaɓa mba kar d-o lo rɔ kul lə-a ang nəm tɔ!

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.

Apocalypse 7:17

Mba Ngon badəm gə ar dan ngəndəng mbay gə dana le a to gə njekuul-je, ɗaa n-a kɔr no-je kaw gə je kəm ɗəw man təbə gə kul gə. Ngaɓa Luba a bḭ man no tɔ̰y kəm-je gə.