Lugu 11:42 - Mbede Lə Luba Kone Gə Sigi

⁴² Nekəmandoo to kar-sisəy Parijiyɛ̰je! Ɔrəje ne ndu kara dan ne gə dɔg gə kɔr t-ɛ kara mə mbi kam uma gə, gə mbi kamje dang-dang. Ngaa oje neɗa gə gadə-gadə gə njigi lə Luba gə ne ang nəm tɔ. Ye ɓa to ne gə kəm kar-si ꞌɗaje lal kiya̰ kɛs-ɛ gə kɛm.

Testament ke Siki 1960 (Kabba Laka)

⁴² A ongou a dasè Pharisiendjé, mbata sésè oukaidjé dîme kam menthe, ke kam rue, ke kamnai toï, a sésè woidjé tar ke gaté gaté ke ndiki lo Allah tokou né ke ba, to tar losè ta da yéh nèn, ke to tar losè ta kare maredjé ikisè ang.

Lugu 11:42 ပူးပေါင်းရင်းမြစ်များ

Matiye 23:13

Nekəmandoo to kar-sisəy, njekɔr gəl toronduje gə Parijiyɛ̰je gə to njetar mulaje! Mba uduje ta ɗew ɓeko̰ gə dara dɔ dəwje gə ngaɓa sisəy ja kara andəje kəne ang nəm, cibi ɔgəje nje gə mə-je njigi mba kandə kəne tɔ.

Matiye 23:23

Nekəmandoo to kar-sisəy, njekɔr gəl toronduje gə Parijiyɛ̰je gə njetar mulaje! Mba ɔrəje ne ndu kara dan ne gə dɔg gə kɔr t-ɛ kara mə mbi kam uma gə, gə mbi kamje dang-dang, ɗaa iya̰je ne gə to ɓəəl unda mar-ɛje tɔ̰y mə torondu gə: ne gə gadə-gadə, ɗa məmay, gə to ngon kuji; ye ɓa to ne gə kəm kar-si ꞌɗaje lal kiya̰ kɛs-ɛ gə kɛm.

Matiye 23:27

Nekəmandoo to kar-sisəy njekɔr gəl toronduje gə Parijiyɛ̰je gə njetar mulaje! Mba ꞌta-je naa gə dɔbarə gə d-ɔr pɔr kəne gə to pə̰ ɗaga nee baa ngaa kinga nje gə d-uy ɗusu m-e njḭ ngaɓa ne gə ndum mbudugu ja tɔ̰y nəm tɔ.

Lugu 18:12

M-tɔl mə-m ɓo gɔl joo mə dɔmasi kara ngaɓa, m-uga ta ne gə dɔg lə nekingaje lə-m tɔ̰y.

Jean 5:42

ngaa m-gərə-si som, sisəy le, njigi lə Luba godo mə-si gə.

1 Jean 4:20

To gə dəw pa na: M-njigi Luba, ɓa n-njigi ngon ko̰-ɛ ang gə kɔrɔ nama, n-to nje ɗəgərə, mba dəw gə o ngon ko̰-ɛ nda̰ ɓa njigi-e ang, ngaa a njigi Luba gə o-e ang na ban wa?