Lugu 11:13 - Mbede Lə Luba Kone Gə Sigi

¹³ To gə ɓo sisəy gə ꞌtoje dəwje gə kṵra̰y baa ja, ꞌgərəje kar-je ngan si neje gə may-may ngaa ɓədə ɓa Bɔ-sijee Luba gə isi dara a kar Njil Njerɔsangə dəwje gə ꞌdəji-e ang wa?

Testament ke Siki 1960 (Kabba Laka)

¹³ Tokou ban, tokou sésè ke etoidjé madjang egeridjé ta kare né kinga ba ke madji ngansè, Bòsésè ke dara ndiki madji wota ta kare Ndil ke madji toï dèdè ke ndoudjè ang wa?

Lugu 11:13 ပူးပေါင်းရင်းမြစ်များ

Matiye 5:16

Be ɓa ar-je pər lə-si ndogo no dəwje gə, mba kar d-o ne neɗa-sijee gə may-may, ngaɓa d-a kɔsə ne gaji Bɔ-sijee Luba gə isi mə dara gə.

Matiye 5:45

Be ɓa sisəy a toje ne nganje lə Bɔ-sijee gə isi mə dara gə, mba n-ar kar ɔsə dɔ njeməndulje gə nəm gə njeməmayje gə nəm tɔ, ngaɓa n-ar nji ər ndɔɔ lə dəwje gə gadə-gadə gə nje ɗa ne dɔ buguruje naa gə tɔ.

Matiye 6:14

To gə ɓo ɔrəje tar kal tar lə dəwje dɔ-je gə nama, Bɔ-sijee gə isi dara kara a kɔr tar kal tar dɔ sisəy gə tɔ.

Matiye 6:30

To gə ɓo mu gə to ne gə ce mə ndɔɔ gə ɓogəne baa ngaɓa bara nama a pər a ko̰ ɓa ɓo Luba ula-a kubu le se, Luba asə kula sisəy kubu ang wa? Njeməkəngəje!

Matiye 6:32

Mba neje gə to gə be le, dəwje gə ꞌgərə Luba ang ɓa ꞌsangə. Ngaa Bɔ-sijee gə dara gərə neje gə aw-je ndoo-e.

Matiye 7:11

To gə ɓo sisəy gə ꞌtoje dəwje gə kṵra̰y baa ja, ꞌgərəje karəje ngan si neje gə may-may ngaa ɓədə ɓa Bɔ-sijee Luba gə isi dara a kar ne gə may dəwje gə ꞌdəji-e ang wa?

Lugu 11:12

Ose bɔ ngon je gə ɗa ɓa ngon-e dəji-e kaw ɗaa a kar-ɛ yḭ wa?

Lugu 11:2

Jeju pa ar-je na: Logə ꞌdəji-je Luba ɗaa, ꞌpaje na: Bɔy! May kar ri-i to ɓədə gə losang-ɛ; May kar ɗe o̰ ɓe dɔ si gə

Lugu 18:7

Ɗaa Luba a pa tar dɔ dəwje gə lə-a gə n-mbərə-je, gə no no gɔl-ɛ gə kar gə cil ang wa? N-a kar-je ꞌngɔb-ɛ wa?

Jean 4:10

Jeju ila-a kəne na: To gə ɓo ꞌgərə nekarə baa lə Luba ose ye gə pa ar-i na ar-m man m-ay le nama, ꞌI ja a to kiigi mba dəji-e man dɔngɔr kay, ɗaa n-a kar-i man gə kar kisi gə təbə ay.

Koula 2:38

Piyɛr pa ar-je na: ꞌTuruje kəji lə-si, ngaɓa na-na ja kara ar ꞌɗ-ɛ batɛm gə ri Jeju Kirisi, mba kar tar neɗa gə kṵra̰y ɔr ne dɔ-ɛ gə, ɗaa a kingaje nenuji lə Njil Njerɔsangə.

Romaindjé 5:17

To gə ɓo mba kal tar lə dəw kara baa ɓa yo o̰ ne ɓe ɗəw gə lə-a, ngaa ɓədə ɓa nje gə d-inga mənuji gə nekarə baa kar gadə-gadə gə al dɔ lo d-a ko̰ ɓe dan təbə gə ɗəw gə lə Jeju Kirisi gə gə kar-e ne wa?

Romaindjé 7:18

Mba m-gərə: m-njigi pa to gə darɔ-m ꞌma gə ja, ne gə may godo kəne. Mba mə-m njigi ɗa may ja ngaa m-ɗa ang.

Romaindjé 8:32

ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa?

Tite 3:3

Mba kede ləw le sijee ja kara j-a gərə ne kara ang. J-a mbadə koso kul no Luba gə nəm, j-a ndəəm nəm, j-a to ɓərəje lə ɓoje gə darɔ gə gə mal neje dang-dang. Ja to gə njeməngo̰yje, gə nje ɗa məje, kəm njigi-si ang ngaɓa ja njigi naa ang gə yo gə nee tɔ.