Lugu 10:2 - Mbede Lə Luba Kone Gə Sigi

² N-pa n-ar-je na: Ko gə asə kunja le bo ya̰, ngaa njekunja-aje ꞌnjɛbərɛ baa. May kar-si ꞌdəjije Mbayɓe ar-ɛje ula njekunja koje mə ndɔɔ gə.

Testament ke Siki 1960 (Kabba Laka)

² Nè mpa naredè, Ko ke ndoo baya nya, a ndjè kouladjé éh baya ang, tokou ban edoudjidjé Mbaibé ke ndjè ndoo ko ta koula ndjè kouladjé mè ndoo ko té la.

Lugu 10:2 ပူးပေါင်းရင်းမြစ်များ

Matiye 20:1

Be ɓa, ɓeko̰ gə dara le to asə naa gə dəw gə njekəy gə ce gə ndɔɔ-sḭ baa mba kodo njekulaje kar d-aw mə ndɔ bḭyə̰ gə lə-a.

Marəke 13:34

Ɓeko̰ lə Luba le to ɗəw kara baa to gə dəw gə aw gə mba gə be, ɗaa ḭya̰ neje tɔ̰y mə ji ngan njekulaje gə lə-a, na-na kara gə kula lə-a kula lə-a, ngaɓa n-un ndu n-ar njegəm ta ɗəw kəy kar ngom gə maj-ɛ.

Marəke 16:15

Ngaɓa, n-pa n-ar-je na: Awje gə lo tɔ̰y dɔ nangə nee, ilaje mbərə Tar gə May ar-je dəwje tɔ̰y.

Marəke 16:20

Be ɓa d-ɔdə d-aw d-ila mbərə gə lo-lo. Mbayɓe ɗa gə je kula, ngaɓa ore kudu tar lə-a gə netɔjije.

Lugu 9:1

Jeju ɓar ngan njenendoje gə dɔg gə gir-je gə joo, ɗaa ar-je singamongə gə to gə mbangə dɔ njilje gə kṵra̰y gə nəm, gə kar d-aji ne njerɔko̰je nəm tɔ.

Koula 11:19

Nje gə ꞌja̰rɛ̰ naa mba nekəmtondoo gə ce dɔ-je ɔji dɔ Etiyɛn le d-a̰y saar ꞌce Penisi, gə Sipərə ngaɓa ꞌce ɓebo Antiyos tɔ ɗaa ꞌpa tar neje nee le d-ar dəwje gə ɗangə ang ngaa ꞌpa d-ar Jiibije ja baa.

Koula 13:2

Logə d-aw ꞌpolo Luba ngaɓa ꞌtɔl mə-je ɓo ɗaa Njil Njerɔsangə na: Ɔrəje Barənabas je gə Sɔl undaje-je ɓədə mba kula gə m-ɓar-je mb-ɛ.

Koula 13:4

Barənabas je gə Sɔl le Njil Njerɔsangə ula-je to gə be ɗaa d-aw ꞌce mə ɓebo gə Seləsi ngaɓa d-al to mba kaw dɔ-je gə ɓe gə Sipərə.

Koula 20:28

Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e.

Koula 22:21

Be ɓa n-pa n-ar-m na: Aw, mba m-a kula-i əw dɔ-i gə ɓe lə dəwje gə ꞌgərə Luba ang.

Koula 8:4

Nje gə ꞌja̰rɛ̰ naa le d-aw gə lo-lo d-ila mbərə Tar gə May.

1 Corinthiendjé 12:28

Be ɓa mə Mbo̰ naa lə njetakagəje le, Luba unda njeka̰ykulaje dɔngɔr, njekum gə joo lə-a to pajambərəje, njekum gə munda lə-a to njenetɔjije, go-e gə ɗaa gusu ɗa nemisije, cibi gusu kaji dəwje, kar la gə dəwje, kar kɔr no dəwje, kar pa ndo̰ tarje dang-dang.

1 Corinthiendjé 15:10

Ngaa gə go mənuji lə Luba ɓa m-to ne ne gə m-to ɓogəne, ngaɓa mənuji gə m-inga le to ne gə baa ang, m-ɗa kula m-unda-je tɔ̰y, gə go singa-m ꞌma ang ngaa gə go mənuji gə Luba ɓa nay sə-m.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Philippiendjé 2:21

dəwje tɔ̰y ja, ꞌsangə ne gə ɔji dɔ-je dɔ-je ɓo ꞌsangə kar Jeju Kirisi ang.

Philippiendjé 2:25

Be ɓa kəm kar m-ula Epaporoditə ɓə lə-si, ngon ko̰-m, nje baa kula gə nje baa ɗɔ lə-m, gə ula-aje, ꞌne gə ar-ɛje ne gə a la sə-m;

Philippiendjé 2:30

mba n-əndə ba̰y yo mba kula lə Kirisi, n-ila rɔ-ɛ da, n-ta ne toro si n-la ne sə-m.

Colossiendjé 1:29

Mba ye gə nee ɓa m-ɗa ne kula, m-ɗɔ ne gə singa-a gə ɗa kula rɔ-m gə gə mong-e.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

1 Thessaloniciendjé 2:9

Ngan ko̰-mje, oleje mə-si dɔ rɔ-sijee gə j-ula ndubu ngaɓa gə dɔ kɔrje gə j-ɔr gə, j-a ɗa kula cil gə kar le, ɓa mba to ne nekodo dɔ dəw kara horo-sisəy gə ang ja ɓa j-ila ne mbərə Tar gə May lə Luba j-ar-si.

1 Thessaloniciendjé 5:12

Ngan ko̰-mje, j-a dəji-si kar ilaje kuji dɔ nje gə d-aw ɗa kula horo-si gə, gə d-ɔr no-si ɗəw gə lə Mbayɓe ngaɓa d-aw ndəji-si.

2 Thessaloniciendjé 3:1

Ngan ko̰-mje, tar gə j-a pa tɔl ne t-ɛ ɗaa, ꞌdəjije Luba ɔji dɔ-si, mba kar tar lə Mbayɓe ta lo gə ngɔdə baa, ngaɓa d-ila riɓar dɔ-ɛ gə to gə d-ila ne riɓar dɔ-ɛ horo-sisəy gə be tɔ.

1 Timoce 4:10

to gə ɓo ja ɗaje kula gə singa-si cibi ja ɗɔje mba j-unda mə-si dɔ Luba gə nje kisi kəm baa gə nama, ꞌne gə n-to Njekaji dəwje tɔ̰y, ngaa njetakagəje ja ɓa.

2 Timoce 4:5

Ngaa ꞌi le, unda kəm karə dɔ rɔ-i gə, uwa gədərə dan ꞌməsərə gə, ɓo ɗa kula lə njekila mbərə Tar gə May gə Luba um ji-i gə le gə maj-ɛ.

Pilimo 1:1

ꞌMa Pɔl gə m-to kəy kula gə lə Kirisi Jeju gə je gə ngon ko̰-si Timoce ja ɗa mbede nee j-ar Pilimo, nje baa kula m-ar-si gə j-a njigi-e ya̰,

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Apocalypse 2:1

ꞌƊa mbede ula ne ar anji lə mbo̰ naa lə njetakagəje gə Epɛs: O tar gə nje kuwa ndɛ̰ndərɛ̰ndɛ̰je gə siri ji-a gə kɔl gə nja ne horo lambe maa̰je gə siri pa: