Lugu 1:76 - Mbede Lə Luba Kone Gə Sigi

⁷⁶ Ɗaa ꞌi, ngon gə kasə le, d-a ɓar-i pajambərə lə Nje kisi sam dara gə; mba ꞌi a nja no Mbayɓe gə mba gɔl ɗəw lə-a,

Testament ke Siki 1960 (Kabba Laka)

⁷⁶ I ngon, da bari prophète lo nè ke nto wota toï, mbata i a kao kèté no Mbaibé Seigneur té ta da deo la.

Lugu 1:76 ပူးပေါင်းရင်းမြစ်များ

Matiye 14:5

Be ɓa Erɔdə sangə ɗəw mba kar ꞌtɔl-ɛ, ngaa ɓəəl bula dəwje mba d-o Ja̰ gə pajambərə gə tɔgərɔ ja.

Matiye 21:26

To gə ɓo j-ila kəne na: Ḭ rɔ dəwje gə nama, j-a kinga tar ta bula dəwje gə, mba dəwje tɔ̰y ja ꞌgərə to gə Ja̰ to pajambərə.

Matiye 3:11

ꞌMa m-ɗa-si batɛm mə man gə, ɔji dɔ turu kəji, ngaa dəw gə njekore go-m le singamong-ɛ nday-m, ngaɓa m-asə kɔr sabɔgɔ gɔl-ɛ gə ang. ꞌNe ɓa n-a ɗa si batɛm lə Njil Njerɔsangə gə pər.

Matiye 3:3

Ye ɓa pajambərə Ejay pa tar lə-a na: To ndu dəw gə ɓar mə ndag lo gə ꞌGɔl-je ɗəw lə Mbayɓe le, ꞌNduji-je kila ɗəwje lə-a ar-ɛje nduji rad-rad.

Marəke 11:32

To gə ɓo j-ila kəne na: Ḭ rɔ dəwje gə nama, ꞌɓəəl dəw mə ɓeje, mba dəwje tɔ̰y ja ꞌgərə to gə Ja̰ to pajambərə gə tɔgərɔ.

Lugu 1:32

N-a tɔgə ngaɓa d-a ɓar-ɛ na Ngon gə Dəw gə sam dara gə. Mbayɓe Luba a kar-ɛ ngəndəng mbay lə k-eje Dabidi.

Lugu 1:35

Anji le ila-a kəne na: Njil Njerɔsangə a ɗe dɔ-i gə, ngaɓa singamongə gə dara a dəbə-i gə njil. Gəl-e gə nee ɓa, ngon gə a kuj-e le a to ngon gə Njerɔsangə, d-a ɓar-ɛ Ngon lə Luba.

Lugu 6:35

Ngaa sisəy le, ꞌnjigije njeba̰a̰je lə-si, ꞌɗaje may ngaɓa ar-je ꞌtuna si ne lal kunda mə-si kəne. Nekuga dɔ ji lə-si a bo ya̰ ngaɓa a toje nganje lə Nje kisi sam dara gə, mba ꞌNe le n-ɗa məmay gə nje ɗa gasəraje nəm gə njeməndulje nəm tɔ.

Jean 1:23

Ja̰ ila kəne na: ꞌMa m-to dəw gə uru ꞌkuwi mə ndag lo gə na: ꞌGɔl-je ɗəw lə Mbayɓe. To gə pajambərə Ejay pa.

Jean 1:27

ꞌMa m-asə tudu kula sabɔgɔ lə-a ang.

Jean 3:28

Tar gə m-pa na: ꞌMa le, m-to gə Kirisi ang baa, ngaa kula ɓa d-ula-m no-ɛ gə kede le ɗaa, sisəy ja kara, ꞌtoje gə njetar najije lə-m tɔ.

Koula 16:17

N-dole go si gə Pɔl naa gə ngaɓa n-uru ꞌkuwi na: Dəwje gə d-aw nee le ꞌto njekulaje lə Luba gə nje kisi sam dara gə ngaɓa d-aw d-ila mbərə ɗəw kaji.