Lugu 1:70 - Mbede Lə Luba Kone Gə Sigi

⁷⁰ To gə pajambərəje gə njerɔsangəje ꞌpa nee kede ləw baa gə ɓal-ɓal na:

Testament ke Siki 1960 (Kabba Laka)

⁷⁰ Deo kadaba tokou nè mpa deo ta té lo prophètedjé la ke madji toï, ndò té ke leo.

Lugu 1:70 ပူးပေါင်းရင်းမြစ်များ

Marəke 12:36

Dabidi gə darɔ-ɛ ja pa gə ɗəw gə lə Njil Njerɔsangə ɔji dɔ Kirisi na: Mbayɓe Luba pa ar Mbayɓe lə-m: Isi dɔ ji kɔl-m gə, Saar gə mba kar-m m-təl ne njeba̰a̰je lə-i mba kar ꞌnja dɔ-je gə.

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Koula 28:25

Be ɓa d-aw d-ɔdə gə kəji lə-je gə um naa gə tɔ̰y ang le ɗaa, Pɔl ila tar dɔ mar-ɛ gə na: Tar gə Njil Njerɔsangə pa ar ka-sijee gə ndu Pajambərə Ejay le tɔgərɔ ja, tar gə na:

Romaindjé 1:2

Tar gə May nee le, n-uwa dɔ gɔl-ɛ ɗəw gə lə pajambərəje lə-a mə mbede gə to gə losang-ɛ gə,

Ebərəje 3:7

Gəl-e gə nee ɓa, gə go tar gə Njil Njerɔsangə pa na: To gə ɓo oje ndu-e ɓogəne nama,

1 Piyɛr 1:12

Be ɓa ꞌkila gəl-e d-ar-je to gə neje nee le ɔji dɔ ꞌjejee ang, ngaa ɔji dɔ sisəy, ɓa ꞌto ne nje kula-ɛje. Ɓisine ɗaa nje gə d-aw d-ila mbərə Tar gə May ꞌpa tar neje nee le d-ar-si ɗəw gə lə Njil Njerɔsangə gə ḭ dara ngaɓa anjije ja kara ꞌsangə mba gərə tɔ.

2 Piyɛr 1:21

mba tar gə pajambərəje ꞌpa le, ɗe gə go kəm karə lə dəw kara ang, ngaa Njil Njerɔsangə ɓa ar-je singamongə ꞌpa ne tar gə ndu Luba.

2 Piyɛr 3:2

mba kar mə-si ole ne dɔ tarje gə pajambərəje gə to gə losang-ɛ ꞌpa kede, ngaɓa gə dɔ ndu gə Mbayɓe gə Njekaji-si un ar njeka̰ykulaje lə-si.

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.