Lugu 1:32 - Mbede Lə Luba Kone Gə Sigi

³² N-a tɔgə ngaɓa d-a ɓar-ɛ na Ngon gə Dəw gə sam dara gə. Mbayɓe Luba a kar-ɛ ngəndəng mbay lə k-eje Dabidi.

Testament ke Siki 1960 (Kabba Laka)

³² Nè na dé tokou, ke da barè ngon lo nè ke nouta toï. Ke Mbaibé Allah a karè ngèndé mbai lo bèdjè David,

Lugu 1:32 ပူးပေါင်းရင်းမြစ်များ

Matiye 1:1

Mbede gəl kuji Jeju Kirisi, ngon ka Dabidi, ngon ka Abəraham.

Matiye 12:42

Mbay jene gə go ɓe gə dɔ kɔl a kuba nangə kḭ ndɔ gangə tar gə naa gə gə gəl kuji gə nee ngaɓa a kila tar dɔ-ɛ gə, mba n-ḭ ko̰ nangə gə ja n-ɗe mba ko kəm karə lə mbay Salomo, ngaa oje dəw gə to ɓəəl unda Salomo ja ar nee.

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Matiye 3:11

ꞌMa m-ɗa-si batɛm mə man gə, ɔji dɔ turu kəji, ngaa dəw gə njekore go-m le singamong-ɛ nday-m, ngaɓa m-asə kɔr sabɔgɔ gɔl-ɛ gə ang. ꞌNe ɓa n-a ɗa si batɛm lə Njil Njerɔsangə gə pər.

Marəke 14:61

Jeju ar t-ɛ munduru, ila tar gə ang. Buba njekapolo dəji-e tar to gə ɗangə na: ꞌTo Kirisi, Ngon lə Luba gə ndu tɔr to dɔ-ɛ gə le wa?

Marəke 5:7

ngaɓa n-uru ꞌkuwi ɓolong na: Se ɗi ɓa ꞌnjigi rɔ-m gə wa? Jeju, Ngon lə Luba gə sam dara gə. M-pa m-ar-i, no-gɔl Luba gə ja, əw rɔ-i kula kəm-m ndoo.

Lugu 1:15

Cibi, n-a to dəw gə bo no Mbayɓe gə. N-a kay man bḭyə̰ ang nəm, ngaɓa n-a kay kodo gə ḭ ang mag nəm tɔ. Njil Njerɔsangə a ɗusu m-e mə ko̰-ɛje gə ja baa

Lugu 1:35

Anji le ila-a kəne na: Njil Njerɔsangə a ɗe dɔ-i gə, ngaɓa singamongə gə dara a dəbə-i gə njil. Gəl-e gə nee ɓa, ngon gə a kuj-e le a to ngon gə Njerɔsangə, d-a ɓar-ɛ Ngon lə Luba.

Lugu 1:76

Ɗaa ꞌi, ngon gə kasə le, d-a ɓar-i pajambərə lə Nje kisi sam dara gə; mba ꞌi a nja no Mbayɓe gə mba gɔl ɗəw lə-a,

Lugu 3:16

Ja̰ ila-je kəne na: ꞌMa, m-ɗa-si batɛm mə man gə, ngaa dəw gə aw ɗe le to ɓəəl ya̰ unda-m, ngaɓa n-to dəw gə m-asə tudu kula sabɔgɔ lə-a ang. Be ɓa, ꞌne le, n-a ɗa si batɛm gə Njil Njerɔsangə gə pər.

Lugu 6:35

Ngaa sisəy le, ꞌnjigije njeba̰a̰je lə-si, ꞌɗaje may ngaɓa ar-je ꞌtuna si ne lal kunda mə-si kəne. Nekuga dɔ ji lə-si a bo ya̰ ngaɓa a toje nganje lə Nje kisi sam dara gə, mba ꞌNe le n-ɗa məmay gə nje ɗa gasəraje nəm gə njeməndulje nəm tɔ.

Jean 12:34

Bula dəwje d-ila-a kəne na: Torondu tɔji sijee ar j-a gərə to gə Kirisi le isi kəm baa saar gə no. Ngaa ɗa na ban cibi ɓa ꞌI pa na: May kar d-un Ngon lə dəw le d-unda-a taar cibi wa? Ngon lə dəw nee le, to na wa?

Jean 6:69

Sijee le, j-a ta kagə ngaɓa j-a gərə to gə ꞌI ja ꞌto Kirisi, Njerɔsangə lə Luba.

Koula 16:17

N-dole go si gə Pɔl naa gə ngaɓa n-uru ꞌkuwi na: Dəwje gə d-aw nee le ꞌto njekulaje lə Luba gə nje kisi sam dara gə ngaɓa d-aw d-ila mbərə ɗəw kaji.

Koula 2:30

Ngaa n-to pajambərə ɗaa Luba naji dɔ rɔ-ɛ gə to gə dəw kara gəl kuji gə lə-a a kisi dɔ ngəndəng mbay gə lə-a.

Koula 2:36

May kar dəwje gə Ijirayɛl tɔ̰y ꞌgərə gə maj-ɛ to gə Jeju gə ꞌɓərə-eje kagə dəsə gə le, Luba unda-a gə Mbayɓe ngaɓa gə Kirisi tɔ.

Koula 7:48

Be ja kara Nje kisi sam dara gə le a kisi mə kəy gə dəw ɗa gə ji-a ang, to to gə pajambərə pa nena:

Romaindjé 1:4

ngaɓa, ꞌɓar-ɛ Ngon lə Luba ɗəw singamongə gə lə Njil Njerɔsangə Jeju Kirisi to Mbayɓe lə-sijee go kuy gə uy ɓa ndol horo nje gə d-uy gə;

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.