Koula 9:40 - Mbede Lə Luba Kone Gə Sigi

⁴⁰ Be ɓa Piyɛr ar dəwje tɔ̰y ꞌce ɗaga ngaɓa um kəj-e nangə dəji Luba, cibi turu kəm-e gə dɔ nin Tabita gə le ɗaa pa na: Ḭ taar. Dɔ kar-ɛ gə nee ja Tabita cɛ̰ kəm-e o ne Piyɛr ɗaa ḭ isi taar.

Testament ke Siki 1960 (Kabba Laka)

⁴⁰ A Pierre aredè ntéh daka toï, nè nongou mekedjé gòlè nange, nè ndoudjou Allah. Goukoudang nè ntourou rè ke rò nin té, nè mpana, Tabitha, ï tarr. Nè nteï kèmè, tokou nè no Pierre, nè nï nisi dò gòlè té.

Koula 9:40 ပူးပေါင်းရင်းမြစ်များ

Matiye 6:6

Ngaa ꞌi le logə a kaw dəji Luba nama, andə kəy lə-i, kudu ta ɗəw ta-i gə bugum, ngaɓa dəji bɔ-ije Luba lokiya gə, ɗaa bɔ-ije gə to nje ko neje lokiya gə le a kuga dɔ ji-i.

Matiye 9:25

Logə ꞌtɔbə bula dəwje d-ar ꞌce ɗaga ɗaa, Jeju andə kəy, uwa ji ngon gə jene le ɗaa ngon le ḭ taar.

Marəke 9:25

Logə Jeju o to gə bula dəwje d-a̰y ngɔdə dɔ-je gə ɓə lə-a, ɗaa ndangə njil gə kṵra̰y le na: Njil gə nje təl dəwje gɔdə gə mbigi, m-un ndu-m kar-i ꞌce mə ngon gə nee ngaɓa a təl kandə kəne gugu ang gə dɔbo̰ ja.

Lugu 22:41

Ɗaa, ꞌne n-ɔr rɔ-ɛ n-aw nganga̰ əw ɓəəl asə naa gə lo koso lə kɔr ər gə d-ila be, n-um məkəji-e nangə ɗaa n-dəji Luba na:

Lugu 8:54

Ngaa, Jeju uwa ji ngon gə jene ɗaa ɓar-ɛ ngaɓa pa na: Ngon, ḭ taar.

Koula 20:36

Logə n-pa to gə be ɗaa, n-um ta kəj-e nangə n-dəji gə je Luba tɔ̰y.

Koula 21:5

Ngaa logə ndɔje nee nday ɗaa j-un ɗəw ngaɓa ꞌdan-si tɔ̰y gə jeneje lə-je gə nganje, d-aw gə si saar gir ɓebo gə ɗaga. Cibi j-um takəji-si nangə dɔ kungu gə j-a dəji Luba.

Koula 28:8

Rɔ bɔ Pubiliyus-je to-e, n-njɛgə məsə ngaɓa rɔ-ɛ ta pər baa lam-lam ngaa Pɔl andə dɔ-ɛ gə, dəji Luba, ila ji-a dɔ-ɛ gə ɗaa aji-ɛ.

Koula 7:60

Cibi, n-um məkəji ngaɓa n-uru ꞌkuwi gə ndu-a gə boy ɓolong na: Mbayɓe, ila tar neɗa gə kṵra̰y nee le dɔ-je gə ang. Logə n-pa to gə be ɗaa n-uy tɔ.