Koula 9:31 - Mbede Lə Luba Kone Gə Sigi

³¹ Mbo̰ naa lə njetakagəje gə Jude tɔ̰y, gə Galile gə Samari le dɔ-ɛ to ləl pɛ, inga singa, gə n-nja dan ɓəəl Mbayɓe gə ngaɓa uji mar-ɛ gə kede-kede ɗəw gə lə Njil Njerɔsangə.

Testament ke Siki 1960 (Kabba Laka)

³¹ Tokou ban dooudjé ke kei Allah isi ke mè woul nange té ke Judée ke Galilée ke Samarie toï, ke dèdè ntòkou tokou dao ndja ke bel lo Mbaibé Seigneur deo ndedji té lo Ndil ke madji toï, dèdè ndé baya wota.

Koula 9:31 ပူးပေါင်းရင်းမြစ်များ

Koula 12:24

Ngaa tar lə Luba ja̰rɛ̰ kɔr pa-pa ngaɓa aw dɔ-ɛ gə kede-kede.

Koula 16:5

Mbo̰ naaje lə njetakagəje uba singa dɔ takagə gə ngaɓa kɔr njetakagəje kara oso dɔ mar-ɛ gə gə ndɔ-ndɔ.

Koula 2:47

D-ɔsə gaji Luba ngaɓa kula ɗa-je ləl dəw mə ɓeje tɔ̰y nəm tɔ. Be ɓa gə ndɔ-ndɔ ja Mbayɓe ila kɔr dəwje gə d-inga kaji dɔ-je gə taar-taar.

Koula 20:32

Ngaɓa ɓogəne m-iya̰ si mə ji Luba gə, gə tar mənuji gə lə-a, gə a kar-si singa kar tɔgə dɔ takagə gə ngaɓa gə go tar lə-a ja na kar-si ne neduba horo dəwje tɔ̰y gə ꞌto gə losang-ɛ.

Koula 5:11

Be ɓa Mbo̰ naa lə njetakagəje tɔ̰y gə dəwje gə d-o tar neje gə nee le ɓəəl unda-je gangə-je.

Koula 6:7

Tar lə Luba ɓar mii gə kede-kede ngaɓa kɔr ngan njenendoje ɔsə dɔ mar-ɛ to gə boy ja mə ɓe gə Jerujalɛm, cibi ɓa bula bo njekapoloje d-ila kuji dɔ takagə gə.

Koula 8:1

Be ɓa Sɔl njigi gə je go ꞌtɔl gə tɔl Etiyɛn le. Dɔ ndɔ-ɛ gə əng le nekəmandoo gə boy ja oso dɔ Mbo̰ naa lə njetakagəje gə d-isi Jerujalɛm ɗaa njeka̰ykulaje ja gə kar-je baa ꞌnay ngaa ꞌjejee tɔ̰y ja ꞌja̰rɛ̰ naa dɔ nangə gə Jude gə Samari.

Romaindjé 14:17

Mba ɓeko̰ lə Luba le to nekusa ose nekay ang, ngaa to neɗa gə gadə-gadə, gə ɗɛgɛgɛ ngaɓa rɔləl ɗəw gə lə Njil Njerɔsangə.

Romaindjé 14:19

Be ɓa may kar-si ja sangəje ne gə ɔsə kudu ɗɛgɛgɛ gə ne gə a kar-si singa gə yo gə nee.

Romaindjé 15:13

May kar Luba gə to gəl məkunda, ar rɔləl gə ɔr njal ɗusu mə-si ngaɓa ar-si ɗɛgɛgɛ gə uy bɛm ɗəw takagə gə, mba kar məkunda lə-si ɓar ne mii, ɗəw singamongə gə lə Njil Njerɔsangə!

Romaindjé 5:5

ngaɓa, kunda mə ɗa nerɔkul ang, mba Njil Njerɔsangə gə d-ar-si le, ar njigi lə Luba ta mə-si ya̰-ya̰.

1 Corinthiendjé 14:12

Ɗəw kara baa to gə sisəy kara, tar neje gə kar Njil oso ur-si le, ar-je kəji ne gərə lə-si tɔ naa gə gə njil, ngaa mba kula ne jingaw mə mbo̰ naa lə njetakagəje gə ɓa.

1 Corinthiendjé 14:26

Ngan ko̰-mje, ɗi ɓa to ne gə kəm ɗa wa? Logə uwaje dɔ naa nama, na-na kara asə kɔsə pa, dəw kara gə nje tɔji ne, dəw gə nee pa tar ne gə ꞌkila gəl-e d-ar-ɛ, dəw gə kən pa ndo̰ tar, dəw ɗangə to njendaji-e, ngaa may kar neje tɔ̰y nee le ar-si singa tɔ̰y ja ɓa.

2 Corinthiendjé 10:8

Ngaɓa, le m-unda kar-m ya̰ ɓəəl ɔji dɔ singa gə Mbayɓe ar-sijee kar j-ula ne jingaw mə-sisəy kara rɔ kul uwa-m ang, singa gə n-ar-sijee mba kar mbo̰ naa lə-sisəy aw ne gə kede ɓo mba tuji ne sisəy ang.

2 Corinthiendjé 12:19

Ləw baa ja le, sisəy əjije to gə j-aw sangə mba to gadə-gadə no sisəy gə. Sisəy gə ja njigi-si ya̰ le, sijee le ja pa tar no Luba gə, gə no Kirisi gə mba kar takagə lə-sisəy mongə ne.

2 Corinthiendjé 13:10

Gəl-e gə nee ɓa, m-godo ɓi ja m-ɗa mbede nee le mba kar logə m-a ce nama, m-ɗa m-ar kədərə ang, gə go singa gə Mbayɓe ar-m ɓa tɔji-si ne kar-si awje ne kəm-si gə kede ɓo mba tuji-si ne ang.

2 Corinthiendjé 7:1

Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

Ephésiendjé 4:12

mba tɔji ne ne njerɔsangəje kar ꞌto ne ngan njekulaje gə may pɛdə mba kar darɔ Kirisi ərə ne ɓər-ɓər,

Ephésiendjé 4:16

Ɗəw gə lə-a ꞌne, ngaɓa mbɔr dɔ lokurugo̰je tɔ̰y ɗaa, darɔ ja tɔ̰y nam ta naa gə to ne kara baa, ngaɓa mbara rɔ kara kara tɔ̰y ja ɗa kula ar darɔ le tɔgə ne dan njigi gə.

Ephésiendjé 4:29

May kar tar gə ha̰rə̰w ce ta-si gə ang, ngaa to gə ɓo ɗəw to nama, ꞌpaje Tar gə May gə a kula jingaw mə naa gə nəm, ngaɓa dəwje d-o nama d-inga mənuji kəne tɔ.

Ephésiendjé 5:21

ꞌƁəəlje Kirisi, osoje kul no naa gə yo gə nee mba ɓəəl gə ꞌɓəəlje Kirisi.

Philippiendjé 2:1

To gə ɓo kinga singa ɓəəl ɗəw lə Kirisi ga̰, to gə ɓo kula jingaw mə naa gə dan njigi gə ga̰, to gə ɓo ɗa mə kara lə Njil ga̰, to gə ɓo ko kəmtondoo gə ɗa məmay ga̰,

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

1 Thessaloniciendjé 5:11

To gə be ɓa may kar ꞌndəjije naa ngaɓa ulaje jingaw mə naa gə, gə yo gə nee to to gə aw ꞌɗaje ne kede le ja.

1 Timoce 1:4

Ulaje ar d-ḭya̰ kɔr suje ose gə tura gəl kuji dəwje mba to ne gə a ɗe gə tar ma̰y ja baa horo-je gə ɓo a kɔsə kudu kula lə Luba gə go ɗəw takagə ang baa.

Ebərəje 4:9

Kuwa kɔr nay mba dəwje lə Luba ja ɓi. Kuwa kɔr nee le ta naa gə kuwa kɔr gə ndɔ gə njekum gə siri.

Jude 1:20

Ngaa sisəy gə m-njigi-si ya̰ le, ꞌtɔsəje kəm-si dɔ takagə lə-si gə to losang-ɛ. ꞌDəjije Luba ɗəw gə lə Njil Njerɔsangə.