Koula 9:2 - Mbede Lə Luba Kone Gə Sigi

² n-dəj-e mba kar ɗa mbede un ne ɗəw kar n-aw ne kəy nendo gə Damasə, mba kinga nje gə kɛm, jingawje gə jeneje, gə d-un ɗəw gə əng le, ɓo ꞌga̰ nama tuwa-je tɔ-je ɗe gə je Jerujalɛm.

Testament ke Siki 1960 (Kabba Laka)

² Nè ndoudjè mbata maketourou ta kao né kei Allah té ke Damas, tokou ban tokou nè ninga maredjé ke Deo té nèn ndja, dingaodjé aséh dènèdjé, nè nase tòdè ta dé kedè Jérusalem té.

Koula 9:2 ပူးပေါင်းရင်းမြစ်များ

Matiye 10:17

Aje rɔ-si rɔ dəwje gə, mba d-a kaw gə si no ngɔ gangə tar gə lə Jiibije nəm ɓa d-a kunda-si gə abəlay kəy nendo gə lə-je.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Koula 18:25

ꞌNe nee le ꞌtɔj-ɛ ɗəw lə Mbayɓe ngaɓa batɛm lə Ja̰ baa n-gərə ngaa kəji lə-a to njang ɗəw Njil gə ar n-ila mbərə ngaɓa n-tɔji ne gə ɔji dɔ Jeju gə dɔ gɔl-ɛ.

Koula 19:23

Dɔ ndɔ-ɛje gə nee le ndu kasə naa ang gə boy ja to horo dəwje gə ɔji dɔ ɗəw lə Mbayɓe.

Koula 19:9

Ngaa nje gə kɛm mə-je kədərə al dɔ lo ɗaa ꞌpa tarje gə kṵra̰y ɔji dɔ ɗəw lə Mbayɓe be ɓa n-ɔr kəm ngan njenendoje ɗədə n-aw gə je kəy nendo gə lə dəw gə ri-a na Tiranus ɗaa gə ndɔ-ndɔ ja n-to̰ gə je tam.

Koula 24:14

M-pa gə ɗaga no-i gə: M-aw m-polo Luba lə ka-sijee gə ɗəw gə ꞌɓar-ɛ na dəwje gə d-unda rɔ-je ꞌgangə, m-ta kagə torondu tɔ̰y gə tarje tɔ̰y gə Pajambərəje ꞌɗa mə mbede gə,

Koula 24:22

Pilis le ꞌpa tarje gə ɔji dɔ ɗəw nee le d-ar gərə ya̰ ɗaa ɔr ndɔ ɗa tar lə-si ila gə kede pa na: Ndɔ gə njekun dɔ njeɗɔje gə tɔl-tɔl dɔg, gə ri-a na Lijiyias a ɗe ɓa m-a kuru ngira tar lə-si nee gə maj-ɛ ɓi.

Koula 26:10

Ye ɓa m-ɗa mə ɓe gə Jerujalɛm tɔ, logə buba njekapoloje d-un ndu d-ar-m nama m-tuwa njerɔsangəje bula m-um-je kəy kula gə ngaɓa ꞌnjigi mba tɔl-je nama ꞌma ja kara m-njigi gə je go-e tɔ.

Koula 26:12

Mba neje gə nee le ja ɓa m-aw ne gə Damasə gə go ndu gə buba njekapoloje d-um ne kula ji-m gə.

Koula 6:9

Nje gə kɛm horo-je gə d-ḭ kəy nendo gə lə Jiibije gə to kar ɓərəje gə d-ɔr kula gɔsə-je gə, horo nje gə d-ḭ ɓe gə Sirɛn gə ɓe gə Alɛgəjandəri ngaɓa nje gə d-ḭ dɔ nangə gə Silisi gə dɔ nangə gə Aji d-un kudu ma̰y tar gə Etiyɛn.

Koula 7:19

Mbay nee le unda buguru ɗa ne gəl kuji-si məyɛr cibi ɓa n-uwa ka ka-sijee gə singa mba kar ꞌmbadə nganje d-ar d-uy.

Koula 9:14

Ngaɓa buba njekapoloje d-un ndu d-ar-ɛ n-ɗe nee mba kar n-tuwa ne dəwje tɔ̰y gə ꞌɓar ri-i.

Koula 9:21

Dəwje tɔ̰y gə d-o ndu-e le lo tar igi-je sɛl ar ꞌdəji rɔ-je tar na: ꞌNe ja ɓa n-ula kəm nje gə ɓar ri gə nee le ndoo Jerujalɛm gə ang wa? Ngaɓa n-ɗe nee mba tuwa-je tɔ-je kaw gə je no buba njekapoloje gə ang wa?

2 Corinthiendjé 11:32

Mə ɓe gə Damasə gə, njeko̰ ɓe lə mbay Aretas ar dəwje gə Damasə ꞌngəm ta ɓebo mba kuwa-m,

Galatedjé 1:17

m-aw m-inga njeka̰ykulaje gə kede gə isi mə ɓe gə Jerujalɛm ang baa ja, ngaa m-ɔdə m-aw dɔ nangə gə Arabi. Cibi, ɓa m-təl ɗe to gə ɗangə mə ɓe gə Damasə.