Koula 8:12 - Mbede Lə Luba Kone Gə Sigi

¹² Ngaa logə ꞌtaje kagə Pilibi gə ila mbərə Tar gə May gə ɔji dɔ ɓeko̰ lə Luba gə ri Jeju Kirisi ar-je ɗaa, jingawje gə jeneje d-ar ꞌɗa-je batɛm.

Testament ke Siki 1960 (Kabba Laka)

¹² A gè té dèdè do mèdè té tokou Philippe pa tar ke madji lo béh ko lo Allah ke ri Jésus Christ, dèdè dinga baptême, dingaodjé ke dènèdjé tò.

Koula 8:12 ပူးပေါင်းရင်းမြစ်များ

Matiye 28:19

Awje, ɓo ꞌturuje gəl kuji dəwje tɔ̰y gə ngan njenendoje ngaɓa ꞌɗaje-je batɛm gə ri Bɔ, gə Ngon, gə Njil Njerɔsangə,

Lugu 9:2

N-ula-je mba kar d-ila mbərə ɔji dɔ ɓeko̰ lə Luba ngaɓa d-aji ne njerɔko̰je.

Lugu 9:60

Ngaa Jeju ila-a kəne na: Ḭya̰ nje gə d-uy ar-je ꞌdubu yo lə-je, ɗaa ꞌi le aw ila mbərə ɓeko̰ lə Luba.

Koula 1:3

Be ɓa go kuy gə lə Jeju ɗaa ꞌjejee gə nee ja ɓa Jeju tɔji rɔ-ɛ kəm-je gə gə ɗəwje dang-dang mba tɔji-je ne to gə n-aw kəm baa. Cibi ɓa ndɔje gə kɛm n-ce ta kəm-je gə nda̰-nda̰ ja ndɔ dɔg sɔɔ ngaɓa n-pa tar ɓeko̰ lə Luba n-ar-je nəm.

Koula 11:20

Ngaɓa horo-je gə le dəwje gə kɛm gə d-ḭ Sipərə gə Sirɛn ꞌɗe Antiyos ꞌpa d-ar Gərɛgəje tɔ ngaɓa d-ila ne mbərə Tar gə May lə Mbayɓe Jeju d-ar-je nəm.

Koula 18:8

Be ja kara Kirisəpus gə to nje ka dɔ kəy nendo lə Jiibije ta kagə Mbayɓe gə njeməkəyje lə-a tɔ̰y. Ngaɓa dəwje gə Kɔrɛnt bula gə d-o tar gə Pɔl pa kara ꞌta kagə Mbayɓe ar ꞌɗa-je batɛm.

Koula 19:5

Gə go tar gə nee le ɗaa d-ar ꞌɗa-je batɛm gə ri Mbayɓe Jeju.

Koula 2:38

Piyɛr pa ar-je na: ꞌTuruje kəji lə-si, ngaɓa na-na ja kara ar ꞌɗ-ɛ batɛm gə ri Jeju Kirisi, mba kar tar neɗa gə kṵra̰y ɔr ne dɔ-ɛ gə, ɗaa a kingaje nenuji lə Njil Njerɔsangə.

Koula 2:41

Nje gə takagə tar gə Piyɛr pa le ꞌɗa-je batɛm ngaɓa dɔ ndɔ-ɛ gə əng kɔr dəwje tɔl-tɔl dɔg lo munda oso dɔ-je gə.

Koula 20:21

m-pa gə ɗaga m-ar Jiibije gə dəwje gə ꞌgərə Luba ang mba kar turu kəji gə rɔ Luba gə ngaɓa ꞌta kagə Mbayɓe lə-si Jeju.

Koula 20:25

Ngaɓa ɓisine oje: M-gərə to gə a təl koje kəm ang gə dɔbo̰, sisəy tɔ̰y gə m-pa tar ɓeko̰ lə Luba horo-si gə.

Koula 28:31

n-ila mbərə tar ɓeko̰ lə Luba ngaɓa n-tɔji ne ɔji dɔ Mbayɓe Jeju Kirisi gə ɓəəl kara ang ngaɓa d-ɔg-ɛ ang tɔ.

Koula 5:14

Jingawje gə jeneje bula gə takagə Mbayɓe le kɔr-je oso dɔ mar-ɛ gə kede-kede.

Koula 8:4

Nje gə ꞌja̰rɛ̰ naa le d-aw gə lo-lo d-ila mbərə Tar gə May.

Romaindjé 10:10

Mba dəw gə ta kagə m-e gə ja ɓa to dəw gə gadə-gadə, ngaɓa dəw gə t-ɛ ce ja ɓa inga kaji.

1 Corinthiendjé 11:11

Be ɓa, no Mbayɓe gə le, kar horo jene ti gə ngab-ɛje ang nəm, horo jingaw kara a ti gə jene lə-a ang nəm tɔ.

Galatedjé 3:28

Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.

1 Piyɛr 3:21

To ndaji batɛm gə aji-si ɓogəne, gə to ɗəw gə ꞌtogo ne neje gə mina darɔ dəw gə ɗaga ang, ngaa, to kun gə dəw un rɔ-ɛ gə kəji gə may ar Luba, ɗəw ce buwa yo gə lə Jeju Kirisi.