Koula 7:52 - Mbede Lə Luba Kone Gə Sigi

⁵² Pajambərə lə Luba gə ɗa ɓa ka-sijee d-ula kəm-e ndoo ang wa? ꞌTɔlje nje gə d-ila mbərə ɗe lə dəw gə gadə-gadə kede nam ngaɓa sisəy gə ɓogəne ilaje tar dɔ-ɛ gə ɓa ar-je ꞌtɔl-ɛ le.

Testament ke Siki 1960 (Kabba Laka)

⁵² Prophètedjé ke da, kasésè ngädè ke tar ang wa? Dèdè ntòl dèdè ke mpa tar ke daka dongor kèté ke nè kada ke gaté gaté nao ndé. Nè ke sésè ndokèdjé, etòlèdjé loshénè bai.

Koula 7:52 ပူးပေါင်းရင်းမြစ်များ

Matiye 5:12

ꞌƊa-je rɔləl ngaɓa ar-je rɔ-si ndɔɔ, mba ne dɔ ji lə-si a bo ya̰ mə dara gə, pajambərəje lə Luba gə kede ja kara d-ula kəm-je ndoo to gə be tɔ.

Lugu 6:23

Ɗaje rɔləl dɔ ndɔ-ɛ gə nee le ngaɓa talje ꞌmajagəra, mba nekuga dɔ ji lə-si a bo ya̰ mə dara gə; mba bɔ-sijee ɗa to gə bənəng ja kede gə pajambərəje lə Luba tɔ.

Jean 16:10

ɔji dɔ neɗa gə dana gadə-gadə ɗaa m-aw gə rɔ Bɔy gə ɗaa a ko-mje ang saar;

Koula 2:23

Dəw gə nee, gə Luba ila-a mə ji-si gə le, Luba gərə neje gə a ɗa-je sə-a kede nam ɓa ar-je dəwje gə ꞌɓəəl Luba ang ꞌɓər-e kagə dəsə gə d-ar-ɛ n-uy.

Koula 22:14

Ananiyas le təl pa na: Luba lə ka-sijee ɔr-i kede nam mba kar-i ꞌgərə mə njigi lə-a, mba kar-i o ne dəw gə gadə-gadə ngaɓa mba ko ne tarje gə t-ɛ gə;

Koula 3:18

Ngaa Luba tɔl ta ne gə ye pa kede ləw baa gə ndu pajambərəje lə-a tɔ̰y, tar gə ɔji dɔ ko məsərə lə Kirisi lə-a le.

Koula 3:24

Pajambərəje tɔ̰y gə pa tar-ɛ, un kud-e dɔ Samɛl gə nje ta tor-eje kara d-ila mbərə gə ɔji dɔ ndɔje nee le.

Koula 4:10

Sisəy tɔ̰y gə dəw mə ɓeje gə Ijirayɛl, ne kara gə kar-si ꞌgərəje ɓa nee: Gə ri Jeju Kirisi gə Najarɛd ja dəw gə ar no-si gə nee le aji ne. Jeju Kirisi gə ꞌɓərə-eje kagə dəsə gə ngaɓa Luba ndol-e ar-ɛ n-ce horo nje gə d-uy gə le.

1 Thessaloniciendjé 2:15

ꞌJejee gə nee ja ꞌtɔlje Mbayɓe Jeju, gə pajambərəje, ngaɓa d-ulaje kəm sijee ndoo, ꞌtaje kəm Luba ang, ꞌtoje njeba̰a̰je lə dəwje tɔ̰y.

2 Timoce 3:4

d-a to nje ce gəl ngan marəje-je, d-a to nje wunguje, ɗaa kunda kar a tɔ kəm-je sḭ nəm ɓa d-a njigi rɔləl gə darɔ gə ɓa ya̰ kunda njigi Luba;

1 Piyɛr 1:11

Njil Kirisi gə to mə-je gə le, pa ar-je kede nam to gə Kirisi a ko ꞌməsərə ngaɓa rɔnduba a kore go-e. Be ɓa Pajambərəje nee le ꞌsangə ɗəw gə mba gərə dɔ ndɔ gə neje nee le a ɗe ne ngaɓa a to to gə ban wa?

1 Jean 2:1

Ngan-m gə gɔ-gɔ, m-ɗa mbede nee m-ar-si mba kar ꞌɗaje neɗa gə kṵra̰y ang. Ngaa to gə ɓo dəw oso dan neɗa gə kṵra̰y gə nama, njetadɔ-si ga̰ no Bɔ dəwje gə, Dəw nee le to Jeju Kirisi, n-to dəw gə gadə-gadə.

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.