Koula 6:5 - Mbede Lə Luba Kone Gə Sigi

⁵ Tar gə nee ləl bula dəwje tɔ̰y. Be ɓa ꞌmbərə Etiyɛn gə to njetakagə gə to ɓəəl ya̰ ngaɓa Njil Njerɔsangə kara ɗusu m-e nəm, gə Pilibi, gə Porokɔr, gə Nikanɔr, gə Timo, gə Parəmenas ngaɓa Nikola gə to ngon njeɓe gə Antiyos ɓa təl Jiibi.

Testament ke Siki 1960 (Kabba Laka)

⁵ Tar ke dèdè mpa nèl dooudjé ke baya baya toï. Dèdè mmar Etienne, doou ke dousou ke ko mè té ke Ndil ke madji toï, dèdè mmar Philippe, ke Prochore, ke Nicanor, ke Timon, ke Parménas, ke Nicolas, doou ke Antioche ke ao tourou rè Juif.

Koula 6:5 ပူးပေါင်းရင်းမြစ်များ

Matiye 23:15

Nekəmandoo to kar-sisəy, njekɔr gəl toronduje gə Parijiyɛ̰je gə njetar mulaje! Mba a̰yje ngɔdə ulaje ngangə babo kadə gə gəl nangə mbugu gə mba kinga dəw kara kar-ɛ to nje ta kagə-si, cibi, lo gə ingaje nj-ɛ nam ɗaa, ꞌtəl ꞌɗa-ɛje gə nje kuba tuji dan pər gə gɔl joo unda sisəy.

Koula 11:19

Nje gə ꞌja̰rɛ̰ naa mba nekəmtondoo gə ce dɔ-je ɔji dɔ Etiyɛn le d-a̰y saar ꞌce Penisi, gə Sipərə ngaɓa ꞌce ɓebo Antiyos tɔ ɗaa ꞌpa tar neje nee le d-ar dəwje gə ɗangə ang ngaa ꞌpa d-ar Jiibije ja baa.

Koula 11:20

Ngaɓa horo-je gə le dəwje gə kɛm gə d-ḭ Sipərə gə Sirɛn ꞌɗe Antiyos ꞌpa d-ar Gərɛgəje tɔ ngaɓa d-ila ne mbərə Tar gə May lə Mbayɓe Jeju d-ar-je nəm.

Koula 11:22

Tar lə-je oso mbi Mbo̰ naa lə njetakagəje gə Jerujalɛm ɗaa d-ula Barənabas d-ar-ɛ aw saar Antiyos le.

Koula 11:24

Mba n-to dəw gə may, gə Njil Njerɔsangə ɗusu m-e gə takagə. Be ɓa bula dəwje d-asə mbagə d-un go Mbayɓe.

Koula 11:26

logə n-inga-a ɗaa n-ɔr-ɛ n-ɗe sə-a Antiyos ɗaa d-isije kəne ɓal kara ja dɔngɔ, mbo̰je naa gə Mbo̰ naa lə njetakagəje ngaɓa ꞌtɔji-je ne bula dəwje. Be ɓa Antiyos gə nee ja d-unda ri ngan njenendoje na njetakagə Kirisije kəne dɔngɔr.

Koula 11:27

Dɔ ndɔ-ɛje gə əng le, pajambərəje d-ḭ Jerujalɛm d-aw Antiyos.

Koula 13:1

Mbo̰ naa lə njetakagəje gə mə ɓe gə Antiyos le pajambərəje gə njenetɔjije ꞌga̰ kəne: Barənabas, Simiyo̰ gə ꞌɓar-ɛ Nijɛr, Lusiyus gə ɓe lə-a Sirɛn, Manayɛn gə nje baa kuji lə Erɔdə njeko̰ ɓe ngaɓa Sɔl tɔ.

Koula 15:22

Be ɓa njeka̰ykulaje, gə ngatɔgəje gə mbo̰ naa lə njetakagəje tɔ̰y ja d-um kəji lə-je naa gə mba tɔr dəwje horo-je gə, kum-je dɔ Pɔl je gə Barənabas gə, gə Judas gə ꞌɓar-ɛ Barəsabas je gə Silas, gə to dəwje gə pa nja-je to gə maj-ɛ horo ngan ko̰ naaje gə mba kula-je Antiyos.

Koula 2:4

Be ɓa Njil Njerɔsangə ɗe ɗusu mə-je tɔ̰y ar ꞌtəl ꞌpa ndo̰ tarje gə ɗangə dang-dang gə Njil le ar-je mba kar ꞌpa.

Koula 21:8

Lo kar-ɛ ngaɓa j-ɔdə j-aw Sejare ɗaa j-aw kəy lə Pilibi gə njekila mbərə Tar gə May, gə to kara lə diyakərəje gə siri le ɓa j-a to kəne.

Koula 22:20

ngaɓa ndɔ gə d-aw d-ila məsə Etiyɛn, njetar naji lə-i nangə le, ꞌma ja kara m-ga̰ kəne nəm, m-njigi go-e nəm ngaɓa m-ngom kubuje lə njetɔl-ɛje nəm tɔ.

Koula 6:10

Ngaa singa-je asə ang mba n-pa tar le gə kəm karə ɗəw gə lə Njil.

Koula 6:3

Gəl-e gə nee ɓa, ngan ko̰-mje, ꞌmbərə-je jingawje siri horo-si gə, nje gə ꞌpa tar naji lə-je gə maj-ɛ, gə Njil kəm karə ɗusu mə-je mba kar-si j-um kula nekay nee le mə ji-je gə.

Koula 6:8

Etiyɛn le mənuji gə singamongə ɗusu m-e ɗaa ɗa neje dang-dang gə kəm dəw o ndɔ kara ang gə netɔjije gə boy-boy horo dəw mə ɓeje gə.

Koula 7:1

Buba njekapolo pa na: To gə be ja wa?

Apocalypse 2:15

Ɗəw kara baa, ɓə lə-i kara, nje gə naaje ꞌcḭya̰ dɔ netɔji gə lə dəwje lə Nikola tɔ.

Apocalypse 2:6

Ngaa, ne gə to may ɔji dɔ-i ɓa nee: Rɔ-i ad-i dɔ kula ɗa gə lə dəwje lə Nikola to gə ꞌma be tɔ.