Koula 6:3 - Mbede Lə Luba Kone Gə Sigi

³ Gəl-e gə nee ɓa, ngan ko̰-mje, ꞌmbərə-je jingawje siri horo-si gə, nje gə ꞌpa tar naji lə-je gə maj-ɛ, gə Njil kəm karə ɗusu mə-je mba kar-si j-um kula nekay nee le mə ji-je gə.

Testament ke Siki 1960 (Kabba Laka)

³ Tokou ban ngakömdjé, esangidjé dooudjé shiri horosè té ke dooudjé pa tar lodè madji, ke mèdè dousou ke Ndil ndja ke kemkarè tò, dèdè ke djèdjè djase bardè ke daka ta da koula nèn.

Koula 6:3 ပူးပေါင်းရင်းမြစ်များ

Matiye 23:8

Ngaa sisəy le, ar-je ɓar-si ꞌɓəə-mje ang; mba dəw kara baa ɗəgədə to njenetɔji lə-si, ɗa sisəy tɔ̰y ꞌtoje ngan ko̰ naaje.

Jean 21:23

Lo-e gə nee ɗaa, tar ḭ bib oso horo ngan ko̰ naaje na ngon njenendo gə nee le a kuy ang. Bənəng ja kara, Jeju pa ar-ɛ na n-a kuy ang ɓa m-pa bənəng ang baa; ngaa pa na: To gə ɓo m-njigi kar-ɛ n-aw kəm baa saar kar-m m-təl ɗe, ngaa se ɔs-i kəne na ɗi wa?

Koula 1:15

Dɔ ndɔ-ɛje gə əng le ngan ko̰ naaje d-asə tɔl gə dɔg joo be ꞌmbo̰ naa ɗaa Piyɛr uba nangə ḭ taar horo-je gə ngaɓa un tar pa na:

Koula 1:21

Be ɓa horo nje gə ꞌɗe gə si naa gə dɔ ndɔ gə Mbayɓe Jeju ga̰ ne gə si,

Koula 10:22

D-ila-a kəne na: Kɔrənəy njekɔr no njeɗɔje gə tɔl, gə to dəw gə gadə gə ɓəəl Luba ngaɓa gəl kuji Jiibije tɔ̰y kara ꞌtura-a gə dəw gə gadə-gadə. Ɗaa anji gə njerɔsangə ɗe pa ar-ɛ na kar n-ɓar-i n-ar-i aw kəy lə-a aw pa tar neje nee le ar-ɛ n-o.

Koula 15:23

ꞌƊa mbede to gə be d-ar-je na: Ngan ko̰-si, njeka̰ykulaje gə ngatɔgəje ꞌɗa mbede d-ar-sisəy ngan ko̰ naaje gə to Jiibije ang gə gə d-isi Antiyos, gə dɔ nangə gə Siiri gə Silisi. J-o si ɓa.

Koula 16:2

Ngan ko̰ naaje gə Lisətərə gə nje gə gə Ikoniyom ꞌpa tar naji lə-a may ya̰.

Koula 2:4

Be ɓa Njil Njerɔsangə ɗe ɗusu mə-je tɔ̰y ar ꞌtəl ꞌpa ndo̰ tarje gə ɗangə dang-dang gə Njil le ar-je mba kar ꞌpa.

Koula 22:12

Dəw kara ri-a na Ananiyas, to dəw gə ila kuji dɔ ne gə lə Luba gə ɗəw torondu ngaɓa Jiibije gə Damasə kara ꞌpa tar naji lə-a may ya̰ tɔ,

Koula 28:14

mə ɓebo gə nee le j-inga ngan ko̰ naaje kəne ɗaa ꞌdəji si kar j-isi gə je ndɔ siri ɓa. Be ngaɓa j-aw ne gə Rɔm.

Koula 6:2

Be ɓa nje gə dɔg gə gir-je gə joo le mbo̰ bula bo ngan njenendoje tɔ̰y ngaɓa pa d-ar-je na: Kar j-uba kula pa tar lə Luba j-iya̰ mba kay nekusa le to gə maj-ɛ ang.

Koula 6:5

Tar gə nee ləl bula dəwje tɔ̰y. Be ɓa ꞌmbərə Etiyɛn gə to njetakagə gə to ɓəəl ya̰ ngaɓa Njil Njerɔsangə kara ɗusu m-e nəm, gə Pilibi, gə Porokɔr, gə Nikanɔr, gə Timo, gə Parəmenas ngaɓa Nikola gə to ngon njeɓe gə Antiyos ɓa təl Jiibi.

Koula 6:6

Go-e gə ɗaa d-unda-je no njeka̰ykulaje gə d-ar d-o-je ɗaa ꞌdəji Luba ngaɓa ꞌtəl d-ila ji-je dɔ-je gə.

Koula 9:30

Logə ngan ko̰ naaje d-o tar-ɛ ɗaa d-ɔr-ɛ d-aw sə-a Sejare ngaɓa d-ar-ɛ n-aw Tarəsə.

1 Corinthiendjé 12:8

Njil ar dəw gə kara tar kəm karə; ar dəw gə kən gusutar gərə ne, gə go Njil gə kara baa nee le ja;

1 Corinthiendjé 16:3

Logə m-a kaw nama, nje gə a tɔrəje-je mba kar d-aw gə nekarə baa lə-sisəy Jerujalɛm le, m-a ɗa mbede kar d-uwa ji-je gə,

Ephésiendjé 5:18

Ayje kodo mbə ang, na a kila-si dan kaya gə. Ngaa ar-je Njil ɓa ta lo mə-si gə ladə-ladə;

1 Timoce 5:10

may kar neɗaje lə-a gə may to ɗaga pay-pay kəm dəwje gə: ɗəw siri ngan-ɛ gə gə maj-ɛ, ɗəw kuwa mbaje gə, ɗəw togo gɔl njetakagəje, ɗəw la gə nje gə d-isi dan nekəmtondoo gə, ɗəw ɗa ne gə may gə lo-e lo-e.

Jacques 1:17

Nekarə nuji gə may unda mar-ɛje tɔ̰y gə nekarə baa gə may ɔr sṵra̰ le ḭ dara rɔ bɔ-sijee gə nje gəl lokarə gə mbəl rɔ-ɛ ang ose ne gə tɔji mbəl rɔ lə-a godo.

3 Jean 1:12

Dəwje tɔy ja ngaɓa tar gə tɔgərɔ gə dɔ-ɛ ja kara pa tar naji lə Demetəriyus; sijee kara ja pa tar naji lə-a nəm tɔ, ngaɓa ꞌi ja kara ꞌgərə to gə tar naji lə-si to ne gə tɔgərɔ.