Koula 6:14 - Mbede Lə Luba Kone Gə Sigi

¹⁴ Mba j-o gə mbi-si to gə n-pa na Jeju gə Najarɛd a tuji lo gə nee le ngaɓa a mbəl nejiɓeje gə Moyiji ḭya̰ ar-si le.

Testament ke Siki 1960 (Kabba Laka)

¹⁴ Mbata djèdjè djoè nè mpana Jésus ke Nazareth nèn a toudjou loou nèn, ke nè na tourou tar béh ke Moïse aredjè leo.

Koula 6:14 ပူးပေါင်းရင်းမြစ်များ

Matiye 26:61

ꞌNe gə n-ar nee le ɓa n-pa na n-a cḭ kəy lə Luba ɗaa ndɔ munda baa ja n-a təl kunda gugu.

Marəke 14:58

J-o tar t-ɛ gə n-pa na: M-a tuji kəy gə lə Luba gə dəwje ɗa nee ɗaa ndɔ munda ja m-a kunda ye gə ɗangə gə ji dəw a ɗa ang.

Lugu 21:24

D-a tɔl-je gə kiya bayi nəm, d-a kuwa-je ɓərə kaw gə je gəl kuji dəwje gə tɔ̰y, ɗaa njeba̰a̰je d-a lagə ɓe gə Jerujalɛm gə gɔl-je lag-lag saar, mba kar dɔ kar gə d-uwa d-ɔji ne dɔ gəl kuji dəwje asə.

Lugu 21:6

Neje tɔ̰y gə oje gə kəm-si gə to pə̰ nee le, mə ndɔje gə aw ɗe əng le, kɔr ər kara baa ja kara a nay dɔ mar-ɛ gə ang: d-a rundu neje tɔ̰y nangə pulug-pulug.

Jean 2:19

Jeju təl ila-je kəne na: ꞌTɔje kəy lə Luba gə nee le, ɗaa ndɔ munda ja ꞌma kar-ɛ təl ḭ tar gugu.

Jean 4:21

Jeju pa ar-ɛ na: Jene, ꞌta kagə-m, kar ɗe nama, a polo-je Bɔ dəwje dɔ mbal gə nee ang nəm Jerujalɛm ang nəm tɔ.

Koula 15:1

Dəwje gə kɛm d-ḭ Jude ꞌɗe ꞌtɔji ngan ko̰ naaje ne na: To gə ɓo unjaje bərə to gə torondu Moyiji pa le ang nama a kingaje kaji ang.

Koula 21:21

Be ɓa d-o tar-ɛ to gə ꞌi ꞌtɔji Jiibije gə d-isi horo dəwje gə ꞌgərə Luba ang mba kar d-uba torondu Moyiji d-ḭya̰, kar d-unja bərə nganje ang nəm ngaɓa kar nja go nejiɓeje gə ang.

Koula 25:8

Pɔl pa tar dɔ rɔ-ɛ gə na: M-ɗa ne gə kṵra̰y kara ɔji dɔ torondu lə Jiibije ang nəm, ɔji dɔ kəy lə Luba ang nəm ngaɓa ɔji dɔ Sejar ang nəm tɔ.

Koula 26:3

mba ꞌi ꞌgərə nejiɓeje lə Jiibije tɔ̰y gə maj-ɛ gə gəl ma̰y naa tar lə-je. Gəl-e gə nee ɓa m-ɗa-i, kɔgərɔ ja ore ur-i o ne tar lə-m.

Koula 28:17

Ndɔ munda nday ɗaa Pɔl ɓar buba ɓeje lə Jiibije ngaɓa logə ꞌmbo̰ naa ɗaa n-pa tarje gə nee n-ar-je na: Ngan ko̰ naaje, m-ɗa ne kara gə kṵra̰y gə dəw mə ɓeje ang nəm, ɔji dɔ nejiɓe lə bɔ-sijee-je ang nəm ja d-uwa-m d-ila-m kəy kula gə Jerujalɛm ngaɓa d-ila mə ji nje gə Rɔm gə.

Galatedjé 3:19

Torondu to mba ɗi wa? D-ar torondu or-e dɔ ndu kun gə d-uwa dɔ gɔl-ɛ mba kar kal tar kila ne rɔ-ɛ gə ɗaga saar mba kar gəl kuji gə d-uwa dɔ gɔl-ɛ le ɗe ne. Torondu gə d-ar anjije pa tar-ɛ gə ɗaga ɗəw gə lə nje gɔl tar.

Galatedjé 3:23

Kede nam ɓa kar takagə ɗe le, torondu uwa-si ɓərə mba takagə gə d-a kila dɔ-ɛ gə ɗaga le.