Koula 5:5 - Mbede Lə Luba Kone Gə Sigi

⁵ Logə Ananiyas o tarje gə nee le ɗaa ce oso ngaɓa kəm lə-a ɔr tɔ. Dəwje tɔ̰y gə d-ar lo-e gə le ɓəəl unda-je gangə-je.

Testament ke Siki 1960 (Kabba Laka)

⁵ Tokou Ananias wo tar nèn, nè noso nange, nè noei. Tòkou bel da dèdè toï ke do tar nèn.

Koula 5:5 ပူးပေါင်းရင်းမြစ်များ

Koula 13:11

Ɓisine ji Mbayɓe to dɔ-i gə, kəm-i a tɔ ngaɓa a ko kar ang kur-i əw ɓəl. Gə tɔg-ɛ be ɗaa lo ndul gə cil ciməri d-ḭ ꞌdəbə dɔ-ɛ gə ar n-turu rɔ-ɛ gə yo gə nee, n-sangə dəwje gə d-a kuwa ji-a.

Koula 2:43

Na-na kara ɓəəl lə Luba ɗusu m-e ngaɓa Luba un njeka̰ykulaje ɗa neje dang-dang gə kəm dəw o ndɔ kara ang bula gə netɔjije.

Koula 5:13

Ngaa dəw gə ɗangə kara kara ɗe oso dɔ-je ang ngaa dəw mə ɓeje d-ɔsə gaji-je to ɓəəl.

1 Corinthiendjé 4:21

Ɗi ɓa ꞌnjigije wa? ꞌNjigije kar m-aw gə guru ɓa ji-m gə, ose gə njigi gə kəji gə kul yururu wa?

2 Corinthiendjé 13:10

Gəl-e gə nee ɓa, m-godo ɓi ja m-ɗa mbede nee le mba kar logə m-a ce nama, m-ɗa m-ar kədərə ang, gə go singa gə Mbayɓe ar-m ɓa tɔji-si ne kar-si awje ne kəm-si gə kede ɓo mba tuji-si ne ang.

2 Corinthiendjé 13:2

Logə m-ga̰ ne horo-si gə gə njekum gə gɔl joo ja m-pa tar-ɛ nam, ngaɓa ɓogəne m-godo horo-si gə kara m-təl m-pa ja cibi m-ar nje gə kede, ꞌto gə njeneɗaje gə kṵra̰y ngaɓa gə nje gə kɛm ja tɔ̰y: To gə ɓo m-ce ɓə lə-si nama m-a kɔr kəm dəw ang.

2 Corinthiendjé 7:11

Be ɓa, oje neje gə kəmtondoo gə nje kara baa gə may ta kəm Luba gə, uji mə-sisəy gə le ɓa nee: kisi kəgəgə, pa tar dɔ rɔ gə, rɔ kul neɗa gə kṵra̰y, ɓəəl, tar ko-m gə o̰-sisəy, tar ɗa kula gə o̰-sisəy, kɔsə ne gə kṵra̰y ngərəng. Sisəy ꞌtɔjije gə darɔ-si ja to gə ꞌtoje dəwje gə may pɛdə mə neje gə nee le.

Apocalypse 11:13

Dɔ kar-ɛ gə əng ja, dɔ nangə yə to gə boy ɗaa ɓebo gə ꞌkay dana lo dɔg le, dəb-e gə be kara unda nangə mburugu ɗaa dəwje tɔl-tɔl dɔg lo siri d-uy dan nangə gə yə gə nee le. Nje gə ꞌce ta yo gə ɗaa ɓəəl unda-je badə gangə-je, ar-je d-ula ne rɔnduba dɔ Luba gə nje kisi dara.

Apocalypse 11:5

To gə ɓo dəw gə njigi mba ɗa gə je məyɛr nama, pər ce ta-je gə ɗaa ro njeba̰a̰je lə-je rug-rug. Oyo, to gə ɓo dəw gə njigi mba ɗa-je məyɛr nama, may kar yo gə to gə be ja tɔl-ɛ.