Koula 5:31 - Mbede Lə Luba Kone Gə Sigi

³¹ Luba unda-a dɔ ji kɔl-ɛ gə, gə Mbay ngaɓa gə Njekaji dəwje, mba kar Ijirayɛlje ꞌturu ne kəji lə-je ngaɓa gə mba kar tar neɗa gə kṵra̰y ɔr ne dɔ-je gə.

Testament ke Siki 1960 (Kabba Laka)

³¹ Allah wèè ke tarr do dji kòlè té ta karè nisi mbai ke ndjè kadji, ta kare dooudjé lo Israël ta mbeté kedji né da ke madjang, ke ta kïya né ke madjang lodè.

Koula 5:31 ပူးပေါင်းရင်းမြစ်များ

Matiye 1:21

N-a kuji ngon gə jingaw ɗaa, a kunda ri-a na Jeju mba ꞌne ja ɓa n-a kaji dəwje lə-a dɔ neɗa gə kṵra̰y gə.

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Marəke 2:10

Be ɓa, mba kar-si ꞌgərəje to gə ꞌma gə Ngon lə dəw le m-aw gə singamongə dɔ nangə gə nee mba kɔr tar neɗaje gə kṵra̰y dɔ dəwje gə.

Marəke 4:12

mba kar D-a ne nda̰a̰ ja kara d-o ang, D-o tar ja kara, ꞌgərə m-e ang, Na d-a kḭ mbəl kəji lə-je kar d-ḭ d-ɔr tar dɔ-je gə.

Lugu 2:11

Ɓogəne, mə ɓe gə lə mbay Dabidi, d-uji njekaji-si, ꞌne gə n-to Kirisi, Mbayɓe.

Lugu 24:47

Ɗaa, d-a kila mbərə turu kəji gə kar kɔr tar neɗa gə kṵra̰y gə ri-a dɔ gəl kuji dəwje gə tɔ̰y, a kun kud-e mə ɓe gə Jerujalɛm gə.

Jean 4:42

Ɗaa ꞌpa d-ar jene le na: Mba tar lə-i gə ꞌpa ɓa sijee j-a ta ne kag-ɛ ang baa. Sijee ja j-o tar lə-a gə mbi-si ɗaa j-a gərə to gə n-to njekaji dəwje to gə tɔgərɔ ja.

Koula 11:18

Logə d-o-je tar le to gə be ɗaa məko̰ lə-jə unda nangə bɛm ar d-ɔsə gaji Luba na: Be ɓa dəwje gə ꞌgərə Luba ang kara Luba ar-je ɗəw mbəl kəji mba kar d-inga ne təbə tɔ.

Koula 13:23

Be ɓa gəl kuji gə Dabidi ɓa Luba uwa dɔ gɔl Jeju ar d-uji-e gə njekaji dəwje gə Ijirayɛl.

Koula 2:33

Luba un-e unda-a dɔ ji kɔl-ɛ gə, ɗaa n-inga Njil Njerɔsangə gə Luba uwa dɔ gɔl-ɛ le ngaɓa n-ar-ɛ ɗe dɔ-si gə ɗaa oje gə kəm-si nəm gə mbi-si nəm tɔ.

Koula 2:36

May kar dəwje gə Ijirayɛl tɔ̰y ꞌgərə gə maj-ɛ to gə Jeju gə ꞌɓərə-eje kagə dəsə gə le, Luba unda-a gə Mbayɓe ngaɓa gə Kirisi tɔ.

Koula 2:38

Piyɛr pa ar-je na: ꞌTuruje kəji lə-si, ngaɓa na-na ja kara ar ꞌɗ-ɛ batɛm gə ri Jeju Kirisi, mba kar tar neɗa gə kṵra̰y ɔr ne dɔ-ɛ gə, ɗaa a kingaje nenuji lə Njil Njerɔsangə.

Koula 3:15

Ar-je ꞌtɔl nje gəl kisi kəm baa ngaɓa Luba təl ndol-e horo nje gə d-uy gə ɗaa sijee j-a to njetar naj-ɛje.

Koula 3:19

Be ɓa ꞌturuje kəji lə-si gə ꞌmbəlje mə-si ɓo ar-je Luba bɔrə ne neɗa gə kṵra̰y lə-si gə kɔrɔ.

Koula 3:26

Luba ɔr ngon njekula lə-a ula ɓe lə-sisəy ja dɔngɔr, mba kar n-tɔr ndu dɔ si gə, gə mba kar na-na kara mbadə ne go neɗaje gə kṵra̰y lə-a.

Koula 4:11

ꞌNe ja: N-to kɔr ər gə sisəy nje kunda kəyje unje ilaje kɔrɔ, Ngaa n-təl to gə ye gə kil kəy gə.

2 Corinthiendjé 2:10

Ngaɓa, dəw gə ɔrəje tar dɔ-ɛ gə nama, ꞌma kara m-ɔr tar dɔ-ɛ gə tɔ. Be ɓa, to gə ꞌma m-ɔr tar dɔ ne gə nama, m-ɗa mba sisəy no Kirisi gə,

Ephésiendjé 1:7

Gə ɗəw gə lə-a gə mbɔr dɔ məs-e ɓa uga dɔ sijee, ɔr tar neɗaje gə kṵra̰y lə-si dɔ-si gə, gə go mənuji lə-a gə ɗusu lo njḭ-njḭ,

Philippiendjé 3:20

Kar-sijee ɗaa, ɓe lə-si to dara; lo gə j-a ngina Mbayɓe Jeju Kirisi ɓa gə Njekaji-si kəne,

Colossiendjé 1:14

Mbɔr dɔ-ɛ ꞌne ja ɓa j-inga ne kaji ngaɓa tar neɗaje gə kṵra̰y ɔr ne dɔ-si gə.

Tite 1:4

Titə, ngon mə-m gə ɗəw takagə le-si naa gə kara baa: may kar Luba gə Bɔ je gə Jeju Kirisi gə njekaji-si d-ar-i mənuji gə ɗɛgɛgɛ.

Tite 2:10

gə kar ꞌmbɔlɛ ne kara gə ɓogo ang, ngaa d-a tɔji to gə ꞌto dəwje gə may, be ɓa dəwje d-a kula ne rɔnduba dɔ tar gə lə Luba gə njekaji-si.

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 2:10

Be ɓa ꞌne gə neje tɔ̰y ɗe ɗəw gə lə-a ngaɓa neje tɔ̰y to ɔji dɔ-ɛ, cibi n-ar ngan-ɛ bula d-inga rɔnduba ɗaa nje gəl kaji lə-je n-ar-ɛ ɗe gə dəw gə may pɛdə ɗəw ko ꞌməsərə gə.

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

2 Piyɛr 1:11

Be ɓa ɓeko̰ lə Mbayɓe lə-si gə Njekaji-si Jeju Kirisi gə to gə ndɔ gə ndɔ le, d-a kɔr t-ɛ kila bəndəng kar-si.

2 Piyɛr 2:20

Be ɓa to gə d-ɔr rɔ-je mə neje gə mina gə dɔ nangə nee gə go ɗəw gərə gə ꞌgərə Jeju Kirisi gə Mbayɓe lə-si ngaɓa gə Njekaji-si nam, ngaɓa ꞌtəl d-andə kəne to gə sigi d-ar o̰ dɔ-je nama, a to gə je kṵra̰y ya̰ unda ye gə dɔngɔr.

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.

1 Jean 4:14

Cibi sijee le, j-o ngaɓa j-a pa tar naji to gə Bɔ dəwje ula Ngon gə to Njekaji dəwje dɔ nangə nee.

Jude 1:25

ꞌne gə Luba gə gə kar-ɛ baa gə n-to njekaji-si ɗəw gə lə Jeju Kirisi, Mbayɓe lə-si, may kar riɓar, gə ri mbay, gə singa ko̰ɓe gə singamongə to k-ɛ lo kuma kudu ne gə, ɓisine ngaɓa gə, gə ndɔ gə ndɔ! Oyo!

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,