Koula 5:16 - Mbede Lə Luba Kone Gə Sigi

¹⁶ Dəw bulaje d-ḭ mə ɓeboje gə to mbɔr Jerujalɛm gə, ꞌɗe gə njerɔko̰je ngaɓa dəwje gə njilje gə kṵra̰y ula kəm-je ndoo nəm ɗaa, tɔ̰y ja d-inga kaji.

Testament ke Siki 1960 (Kabba Laka)

¹⁶ Dooudjé ke béh ngosiba ke Jérusalem mbòna to, dèdè doto ndjè rò toodjé ke ndjè ndildjé ke madjang, ke ròdè toï dé madji.

Koula 5:16 ပူးပေါင်းရင်းမြစ်များ

Matiye 2:16

Logə mbay Erɔdə o to gə njenegərəje d-ər-e ɗaa, wungu ḭ sə-a ar-ɛ n-un ndu n-ar tɔl nganje gə jingaw gə ɓal-je joo gə nangə mə ɓe gə Bɛdəlɛhɛm ngaɓa mə ɓeje gə mbɔr-ɛ gə nəm, gə go ɓal nganje gə njenegərəje d-ɔji d-ar-ɛ le.

Matiye 4:24

No kula lə Jeju oso dɔ nangə gə Siiri ja tɔ̰y. ꞌƊe gə dəwje tɔ̰y gə rɔko̰je bula ula kəm-je ndoo gə naməje dang-dang, nje gə njilje gə kṵra̰y ula gərəng mə-je gə, njeməngərəje, gə nje gə dəbə rɔ-je uy ɗaa n-aji-je.

Matiye 8:16

Kar kumatagə ɗaa, ꞌɗe gə dəwje bula gə njilje gə kṵra̰y ɗa ɓe mə-je gə. Logə Jeju pa tar ja ɗaa njilje le ce, ar nj-ɛje d-inga kaji.

Lugu 5:17

Ndɔ kara be, Jeju aw tɔji ne dəwje. Parijiyɛ̰je gə njekɔr gəl toronduje d-isi mbɔr-ɛ gə. D-ḭ ngan ɓeje gə dɔ nangə gə Galile, gə dɔ nangə gə Jude, gə mə ɓebo gə Jerujalɛm. Singamongə lə Mbayɓe nay gə Jeju ar-ɛ aji ne dəwje.

Lugu 6:18

Dəwje tɔ̰y nee le ꞌɗe mba ko tar lə Jeju ngaɓa ꞌɗe mba kar n-ɔr rɔko̰je lə-je. Jeju aji nje gə njilje gə kṵra̰y d-ula kəm-je ndoo.

Lugu 9:11

Logə bula dəwje d-o tar-ɛ ɗaa, d-ɔr go-je d-aw d-inga-a. Jeju uwa-je gə rɔ-ɛ gə ngaɓa pa tar ɓeko̰ lə Luba ar-je nəm, gə aji njerɔko̰je nəm tɔ.

Jean 14:12

Tar gə tɔgərɔ ja, m-pa m-ar-si, dəw gə ta kagə-m nama ye kara a ɗa kulaje gə ꞌma m-ɗa nee le tɔ; n-a ɗa yeje gə bo ya̰ unda mar-ɛje ja cibi, mba m-aw gə rɔ Bɔy gə.

Koula 4:30

Ula ji-i aji ne njerɔko̰je, gə ꞌɗa ne netɔjije gə neje dang-dang gə kəm dəw o ndɔ kara ang gə ri ngon njekula lə-i Jeju gə njerɔsangə.

Koula 5:15

Dəwje d-aw gə njerɔko̰je d-umje mə ndagəje gə gə mə tuwaje gə mbɔr ɗəw boo mba kar ɓo Piyɛr aw nday nama njil-e baa ja kara um dɔ dəw gə kara horo-je gə.

Koula 5:17

Be ɓa buba njekapolo gə nje gə ꞌga̰ sə-a tɔ̰y gə to dəwje lə Sadusiyɛ̰je, d-uba nangə d-ḭ, ɗaa nər mə ɗusu mə-je

1 Corinthiendjé 12:9

ar dəw gə ɗangə kar takagə, Njil gə kara baa nee le ja, ar dəw gə kən, gusu gə kar kaji dəwje, ɗəw gə lə Njil gə kara baa ɗəgədə nee le ja;

Jacques 5:16

ꞌPaje tar neɗa gə kṵra̰y lə-si gə ɗaga no naa gə ɗaa dəjije Luba ɔji dɔ naa gə yo gə nee, mba kar ajije ne. Dəji Luba lə dəw gə gadə-gadə le, ɓar mii ngaɓa tɔg-e to ya̰ tɔ.