Koula 5:13 - Mbede Lə Luba Kone Gə Sigi

¹³ Ngaa dəw gə ɗangə kara kara ɗe oso dɔ-je ang ngaa dəw mə ɓeje d-ɔsə gaji-je to ɓəəl.

Testament ke Siki 1960 (Kabba Laka)

¹³ Mare doou kada ke horo dooudjé té ase mbòna ke ndjè kouladjé ang, a dooudjé pitidè nya.

Koula 5:13 ပူးပေါင်းရင်းမြစ်များ

Lugu 19:48

Ngaa ꞌgərə gusu gə d-a ɗa ne ang, mba dəw mə ɓeje ꞌtunga mbi-je gə dɔ tar gə lə-a.

Jean 12:42

Ngaa, horo njekɔr no dəwje gə ja kara, dəwje bula ya̰ ꞌta kag-ɛ, ngaa ꞌɓəəl mba Parijiyɛ̰je gə d-a kḭ tɔbə-je kəy nendo gə lə-je le ɗaa, ꞌpa tar lə-a gə ɗaga no dəwje gə ang.

Jean 19:38

Go-e gugu ɗaa, Jəjəb gə Arimate gə to ngon njenendo lə Jeju, ɓəəl Jiibije ɗaa, ɗe gə go ngə̰y ɓa inga Pilad dəji-e kar iya̰ ɗəw ar-ɛ un nin Jeju. Ɗaa Pilad iya̰ ɗəw ar-ɛ tɔ. Be ɓa Jəjəb ɗe un nin le.

Jean 9:22

Nje kuj-eje ꞌpa tar to gə benəng mba ꞌɓəəl Jiibije. Jiibije d-o mə naa gə kede ɗɔdə mba kar to gə ɓo dəw kara pa na Jeju to gə Kirisi nama d-a tɔb-ɛ kəy nendo gə lə-je.

Koula 19:17

Ne gə nee le dəwje tɔ̰y gə d-isi Epɛs ꞌgərə, Jiibije gə dəwje gə ꞌgərə Luba ang gə ar ɓəəl unda-je badə gangə-je ɗaa d-ila riɓar dɔ ri Mbayɓe Jeju gə.

Koula 2:47

D-ɔsə gaji Luba ngaɓa kula ɗa-je ləl dəw mə ɓeje tɔ̰y nəm tɔ. Be ɓa gə ndɔ-ndɔ ja Mbayɓe ila kɔr dəwje gə d-inga kaji dɔ-je gə taar-taar.

Koula 4:21

ꞌTəl ꞌɗa singa dɔ-je gə to gə ɗangə ngaɓa d-ḭya̰-je mba d-inga ɗəw kila tar dɔ-je gə ang, mba dəw mə ɓeje nəm, ngaɓa tɔ̰y ja d-ɔsə gaji Luba mba ne gə ce dɔ njerɔko̰ gə nee le.

Koula 5:26

Be ɓa nje ka dɔ kəy lə Lubaje gə njekɔr no-je d-ɔdə ꞌɗe gə je mondong baa mba ꞌɓəəl dəw mə ɓeje gə d-a kḭ cila-je gə kɔr ərje.

Koula 5:5

Logə Ananiyas o tarje gə nee le ɗaa ce oso ngaɓa kəm lə-a ɔr tɔ. Dəwje tɔ̰y gə d-ar lo-e gə le ɓəəl unda-je gangə-je.

2 Corinthiendjé 10:15

Be ɓa, sijee j-uwa kulaje gə dəw gə ɗangə ɗa j-ɔsə ne rɔ-si j-ar al dɔ lo ang. Ngaa ne kunda mə lə-sijee le, to gə ɓo takagə lə-sisəy ɓar mii nama, sijee ja ɗa kula karə təl to ɓəəl ya̰ horo-sisəy gə ja ɓi, lal kal ne dɔ ɗəw nim lə-sijee.