Koula 4:36 - Mbede Lə Luba Kone Gə Sigi

³⁶ Jəjəb gə njeka̰ykulaje d-unda ri-a na Barənabas gə kɔr m-e na dəw gə njekula jingaw mə dəwje gə, n-to gə gəl kuji Lebi gə, ɓe lə-a Sipərə,

Testament ke Siki 1960 (Kabba Laka)

³⁶ Tokou ban Joseph, nè ke ndjè kouladjé ounda ria na Barnabas, yèn pana, Ngon ndedji, ke gel Lévi ke dèdè doudjè béh Chypre té,

Koula 4:36 ပူးပေါင်းရင်းမြစ်များ

Marəke 3:17

Jagə, Ja̰ je gə Jagə gə ngan lə Jebede, gə təl n-unda ri ndɔr dɔ-je gə na Bohanɛrəgɛs, kɔr m-e na ngan lə bangərang;

Koula 11:30

Logə ꞌmbo̰je ne le ɗaa d-ula ne Barənabas je gə Sɔl d-ar ngatɔgəje.

Koula 12:25

Logə Barənabas je gə Sɔl ꞌtɔl ta kula gə d-aw Jerujalɛm mb-ɛ ɗaa, ꞌtəl ɗe Antiyos gə Ja̰ gə d-unda ri-a na Marəke ji-je gə.

Koula 13:1

Mbo̰ naa lə njetakagəje gə mə ɓe gə Antiyos le pajambərəje gə njenetɔjije ꞌga̰ kəne: Barənabas, Simiyo̰ gə ꞌɓar-ɛ Nijɛr, Lusiyus gə ɓe lə-a Sirɛn, Manayɛn gə nje baa kuji lə Erɔdə njeko̰ ɓe ngaɓa Sɔl tɔ.

Koula 13:15

Logə ꞌtura torondu ngaɓa tar pajambərəje d-ila nangə ɗaa njeko̰ dɔ kəy nendoje ula pa ar-je na: Sisəy ngan ko̰-si, ɓo tar gə kar kula jingaw mə dəwje gə to ta-si gə nama ꞌpaje.

Koula 13:2

Logə d-aw ꞌpolo Luba ngaɓa ꞌtɔl mə-je ɓo ɗaa Njil Njerɔsangə na: Ɔrəje Barənabas je gə Sɔl undaje-je ɓədə mba kula gə m-ɓar-je mb-ɛ.

Koula 13:4

Barənabas je gə Sɔl le Njil Njerɔsangə ula-je to gə be ɗaa d-aw ꞌce mə ɓebo gə Seləsi ngaɓa d-al to mba kaw dɔ-je gə ɓe gə Sipərə.

Koula 15:12

Be ɓa bula dəwje tɔ̰y d-isi njḭng ɗaa Barənabas je Pɔl d-ɔr gəl netɔjije gə neje dang-dang gə kəm dəw o ndɔ kara ang tɔ̰y gə Luba ɗa ɗəw gə lə-je horo dəwje gə ꞌgərə Luba ang gə.

Koula 15:2

Ngaa Pɔl je gə Barənabas ꞌnjigi gə je go-e ang ɗaa ꞌma̰y gə je tar ya̰ kəne. Be ɓa d-un ɗəw d-ar Pɔl je gə Barənabas, gə nje gə kɛm horo-je gə kar-je d-aw Jerujalɛm d-aw d-inga njeka̰ykulaje gə ngatɔgəje ɔji dɔ tar gə nee le.

Koula 15:37

Be ɓa Barənabas njigi kuwa Ja̰ gə d-unda ri-a na Marəke ji-a gə,

Koula 15:39

Lo-e gə nee ɗaa məko̰ gə boy oso horo-je ar ꞌkay naa ɗəw. Be ɓa Barənabas ɔr Marəke, ar d-al to d-aw gə Sipərə.

Koula 21:16

Ngan njenendoje gə Sejare kara ꞌɗe gə si tɔ ɗaa j-aw kəy lə dəw kara gə ri-a na Naso̰ gə ɓe lə-a Sipərə, n-to ngon njenendo ləw baa ɗaa kəy lə-a ɓa d-a kar j-a to kəne.

Koula 21:3

Logə j-o ɓe gə Sipərə no-si gə ɗaa j-unja gə ɗəw gə dɔ gəl ngaɓa j-a ləl to dɔ-si gə Siiri, ɓa gə mba ce ne Tir gə d-a kɔr nekodoje nangə kəne.

Koula 27:4

J-ɔdə kəne əng ɗaa j-uwa mbo kar lo gə Sipərə mba ləl ula cila kəm-si.

Koula 9:27

Be ɓa Barənabas ɔr no-ɛ aw sə-a ɓə lə njeka̰ykulaje ngaɓa ɔr gəl ne gə ce dɔ-ɛ gə ɗəw boo le ar-je to gə Sɔl le o Mbayɓe, inga-a pa sə-a tar ngaɓa pa gə n-pa ne tar wəsəng Damasə gə ri Jeju.

1 Corinthiendjé 14:3

Ngaa dəw gə pa tar gə pajambərə le, pa ar ne dəwje singa nəm, n-ula ne jingaw mə-je gə, ngaɓa n-dəji-je ne nəm tɔ.

1 Corinthiendjé 9:6

Ose əji-je to gə, ꞌma sijee gə Barənabas ja gə kar-si baa ɓa ɗəw to ɔji dɔ-si mba kar j-a ɗa kula ang wa?

Galatedjé 2:1

Ɓal dɔg gə gir-e gə sɔɔ go-e gə ɗaa, m-ar-je gə Barənabas j-aw mə ɓe gə Jerujalɛm to gə ɗangə, m-uwa Titə kara ji-m gə tɔ.

Galatedjé 2:13

Jiibije gə kɛm kara ꞌɗa to gə ꞌne be, d-ar Barənabas kara ndəji kəm-je to ne njetar mula tɔ.

Galatedjé 2:9

Jagə je Sepas gə Ja̰ gə nay to dubu Mbo̰ naa lə njetakagəje ꞌgərə to gə Luba uwa sə-m nuji, ɗaa d-uwa ji kɔl je gə Barənabas tɔji ne mə kara mba kar-sijee gə j-a kaw ɓə lə dəwje gə ꞌgərə Luba ang, ɗaa ꞌjeje d-a kaw bə lə Jiibije.

Colossiendjé 4:10

Arisətarəkə gə d-uwa-a sə-m pa na m-o-si m-ar ꞌne, ngaɓa Marəke gə njenuji lə Barənabas kara nəm. ꞌNe le ꞌpa tar lə-a d-ar-si kede nam a ɓo n-ce dɔ-si gə nama uwa-aje gə maj-ɛ gə rɔ-si gə.