Koula 4:32 - Mbede Lə Luba Kone Gə Sigi

³² Dəwje bula gə ꞌta kagə le, kəji lə-je gə mə-je to kara baa. Dəw kara kara ɔr kəm nekinga lə-a ɓədə ang nəm, ngaa neje to kara baa horo-je gə.

Testament ke Siki 1960 (Kabba Laka)

³² Dooudjé toï ke wo mèdè té, dèdè disi ke mè kadaba ke kedji kadaba, ke doou kada pa ang, né ke to dja té to né la ndja. Dèdè mbòn né lodè toï naaté mbata dèdè toï.

Koula 4:32 ပူးပေါင်းရင်းမြစ်များ

Jean 17:11

Uma kud-e nee ɗaa m-ga̰ dɔ nangə gə nee ang ngaa; ꞌjejee ɗaa ꞌga̰ dɔ nangə gə nee, ngaa ꞌma ɗaa m-aw gə ɓə lə-i. Bɔy gə njerɔsangə, ri-i gə unda dɔ-m gə le ye ja ꞌngom neje mba kar ꞌto dəwje gə kara baa to gə sijee sə-i ja to gə kara baa be tɔ.

Koula 1:14

ꞌJejee nee tɔ̰y, d-uwa dɔ naa taar-taar ꞌdəji Luba gə mə kara, d-uwa dɔ naa gə jeneje gə kɛm, gə Məri gə ko̰ Jeju-je ngaɓa gə ngan ko̰ Jeju.

Koula 2:1

Logə ndɔ ɗa nay Pa̰təkɔdə asə ɗaa ꞌmbo̰ naa tɔ̰y lo kara baa.

Koula 5:12

Neje dang-dang gə kəm dəw o ndɔ kara ang gə netɔjije bula ce ta kəm dəw mə ɓeje gə ɗəw gə lə njeka̰ykulaje. ꞌJejee tɔ̰y, ndu-je asə naa ɗaa d-ar lo gə ꞌɓar-ɛ ta kəy lə Salomo.

Romaindjé 12:5

be ɓa sijee gə j-a bula le j-a to darɔ gə kara baa ɗəw gə lə Kirisi ngaɓa j-a to bar kəm rɔ naa gə yo gə nee.

1 Corinthiendjé 1:10

Ngan ko̰-mje, m-ula jingaw mə-si gə gə ri Mbayɓe lə-si Jeju Kirisi, mba kar ndu-si asə naa dɔ tar gə, may kar kay naa godo horo-si gə, ar-je kəji lə-si to kara baa ngaɓa njil-si kara baa nəm tɔ.

2 Corinthiendjé 13:11

Be ɓa, ngan ko̰-mje, ɗudu tar ɗaa, ꞌɗaje rɔləl, awje gə dɔ-si gə may pɛdə, gə ꞌkulje mə naa, ar-je kəji lə-si to kara baa, awje dan ɗɛgɛgɛ gə, ngaɓa Luba gə nje gəl njigi gə nje gəl ɗɛgɛgɛ a nay gə si.

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

1 Piyɛr 3:8

Ɗudu tar gə m-a pa ɓa nee: Ar-je kəji lə-si um go naa gə, umje mə-si naa gə, ꞌnjigije naa gə ngan ko̰ naaje ja, ꞌɗaje məmay gə naa, ulaje dɔ-si ngulum.

1 Piyɛr 4:11

Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.