Koula 3:6 - Mbede Lə Luba Kone Gə Sigi

⁶ Ngaa Piyɛr pa ar-ɛ na: Lar ose maa kara godo ji-m gə, ngaa ne gə to ji-m gə nee ja m-ar-i, gə ri Jeju Kirisi gə Najarɛd, ḭ taar ɓo ꞌnja.

Testament ke Siki 1960 (Kabba Laka)

⁶ Pierre pana, Narè aséh lor to djim té ang, a né ke to djim té ma mari, ke ri Jésus Christ ke Nazareth, ï tarr, ndja.

Koula 3:6 ပူးပေါင်းရင်းမြစ်များ

Matiye 10:9

Unje maa ose lar nda, ose mbɛl ulaje ji ngira gə lə-si ang,

Matiye 7:22

Dɔ ndɔ gangə tar nama dəwje bula d-a pa kar-m na: Mbayɓe, Mbayɓe, j-a pa tar lə Luba gə ri-i ang wa? J-a tɔbə njilje gə kṵra̰y gə ri-i ngaɓa j-a ɗa nemisije dang-dang gə ri-i ang wa?

Marəke 14:8

N-ɗa ne gə asə kar-ɛ; n-um ubu dɔ-m gə kede nam ɓa kar ndɔ kila-m mə buwa gə asə ɓi.

Marəke 16:17

Oje netɔji gə a kuwa go nje d-a ta kagə le ɓa nee: D-a tɔbə njilje gə kṵra̰y gə ri-m; d-a pa tar gə ndo̰ tarje gə sigi;

Jean 19:19

Pilad ar ꞌɗa bəgərə d-unda taar kagə dəsə gə, d-unja ne kəne na: Jeju gə Najarɛd, mbay lə Jiibije.

Koula 10:38

Luba ar Jeju gə Najarɛd singamongə ɗəw gə lə Njil Njerɔsangə n-nja ne gə lo-lo ɗa ne may ngaɓa n-aji ne dəwje tɔ̰y gə ꞌSɛ̰ngərɛ̰ uwa-je ɓərə gə, mba Luba nay sə-a.

Koula 16:18

N-ɗa to gə be ja ndɔ bula. Mə Pɔl ḭ sə-a bububu ɗaa turu kəm-e pa ar njil le na: M-un ɗəw gə ri Jeju Kirisi kar-i ꞌce mə jene gə gugu. Logə n-pa be ɗaa njil le ce dɔ kar-ɛ gə nee ja.

Koula 2:22

Dəwje gə Ijirayɛl, oje tar gə nee: Jeju gə Najarɛd le to dəw gə Luba ɔr-ɛ, ngaɓa ɗa nemisi, gə neje dang-dang gə kəm dəw o ndɔ kara ang, gə netɔjije ɗəw gə lə-a horo-si gə ar ꞌgərəje.

Koula 2:36

May kar dəwje gə Ijirayɛl tɔ̰y ꞌgərə gə maj-ɛ to gə Jeju gə ꞌɓərə-eje kagə dəsə gə le, Luba unda-a gə Mbayɓe ngaɓa gə Kirisi tɔ.

Koula 3:16

Dəw gə ar aw o-eje gə ꞌgər-eje nee le, mbɔr dɔ takagə ri Jeju, ri gə nee le ja ɓa ar-ɛ singa ngaɓa ta kagə Jeju ja ɓa n-aji ne barang kəm-si gə tɔ̰y nee.

Koula 3:5

Ɗaa ꞌne kara kəm-e tɔbə-je kadə-kadə ja tɔ ngaa n-unda m-e mba kinga ne ji-je gə.

Koula 3:7

Go-e gə ɗaa Piyɛr ula ji-a uwa ji kɔl-ɛ ar-ɛ n-ḭ taar ngaɓa gə lo-e gə əng ja ngira gɔl-ɛje tudu wara-wara,

Koula 4:10

Sisəy tɔ̰y gə dəw mə ɓeje gə Ijirayɛl, ne kara gə kar-si ꞌgərəje ɓa nee: Gə ri Jeju Kirisi gə Najarɛd ja dəw gə ar no-si gə nee le aji ne. Jeju Kirisi gə ꞌɓərə-eje kagə dəsə gə ngaɓa Luba ndol-e ar-ɛ n-ce horo nje gə d-uy gə le.

Koula 4:7

D-ɔr Piyɛr je gə Ja̰ d-unda-je no-je gə ngaɓa ꞌdəji-je tar na: Gə singamongə gə ɗa ose gə ri na ɓa ꞌɗaje ne ne gə nee le wa?

Koula 9:34

Piyɛr pa ar-ɛ na: Ene, Jeju Kirisi aji-i, ḭ tar ɓo ꞌi ja ꞌkə ndag lə-i, ɗaa n-uba nangə warang n-ḭ tɔ.

1 Corinthiendjé 4:11

Saar dɔ kar gə nee ja kara j-isi dan labə gə, kunda tɔl si, j-aw kudu-si dum, ꞌkunda si mbɔgə-mbɔgə, ja to nje kaw taarje;

2 Corinthiendjé 6:10

d-ula wungu mə-si gə, ngaa rɔ-si ləl-si gə ndooje tɔ̰y, j-unda dəwje dan may gə ja ngaa d-o si gə njendooje, d-o si to gə dəwje gə ne lə-je godo, ngaa ja to bawje.

2 Corinthiendjé 8:12

To gə ɓo dəw gə kəji lə-a to gə maj-ɛ, ɓa un ne gə ji-a gə ar nama, Luba ɓar Tar gə May dɔ-ɛ gə, ɓo ɔji dɔ ye gə godo ji-a gə ang baa.

2 Corinthiendjé 8:9

Be ɓa, sisəy ꞌgərə-je mənuji lə Mbayɓe lə-sijee Jeju Kirisi, gə to baw ja ngaa, ɗa rɔ-ɛ gə njendoo mba kar ɗəw ndoo gə lə-a ɗaa sisəy a toje nebawje.

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

1 Piyɛr 4:10

Mba na-na kara Luba ar-ɛ gusu ɗəw mənuji gə, ɗaa gusu gə Luba ar-si le, ꞌɗaje ne ne ar-je gə nje gə kɛm tɔ. Be ɓa a toje njengom ne mənujije ɓədə-ɓədə gə Luba ar-si.