Koula 3:26 - Mbede Lə Luba Kone Gə Sigi

²⁶ Luba ɔr ngon njekula lə-a ula ɓe lə-sisəy ja dɔngɔr, mba kar n-tɔr ndu dɔ si gə, gə mba kar na-na kara mbadə ne go neɗaje gə kṵra̰y lə-a.

Testament ke Siki 1960 (Kabba Laka)

²⁶ Allah ke are Ngonè ï tarr, noulè ròsè té dongor, ta da madji kesè, ta télsè kada kada toï ta kïya né ke madjang losè.

Koula 3:26 ပူးပေါင်းရင်းမြစ်များ

Matiye 1:21

N-a kuji ngon gə jingaw ɗaa, a kunda ri-a na Jeju mba ꞌne ja ɓa n-a kaji dəwje lə-a dɔ neɗa gə kṵra̰y gə.

Matiye 15:24

Jeju təl ila kəne na: Luba ula-m horo badəmje gə d-igi gə to ngan Ijirayɛlje.

Lugu 24:47

Ɗaa, d-a kila mbərə turu kəji gə kar kɔr tar neɗa gə kṵra̰y gə ri-a dɔ gəl kuji dəwje gə tɔ̰y, a kun kud-e mə ɓe gə Jerujalɛm gə.

Jean 4:22

Sisəy ꞌpoloje ne gə ꞌgərəje ang baa; Sijee ɗaa, ne gə j-a gərə ɓa j-a polo, mba kaji ḭ ɓə lə Jiibije.

Koula 1:8

Ngaa sisəy a kingaje singa lə Njil Njerɔsangə gə a ɗe dɔ-si gə ɗaa a toje njetar najije lə-m mə ɓe gə Jerujalɛm, gə dɔ nangə gə Jude, mə ɓe gə Samari ngaɓa saar ce ne ko̰ nangə gə njal.

Koula 13:26

Ngan ko̰-mje, sisəy gə gəl kuji Abəraham gə ngaɓa nje ꞌɓəəl Luba horo-si gə, tar kaji nee le, sijee ja ɓa Luba ula-a ne ar-si.

Koula 2:24

N-uy ɓa Luba ndol-e ɔr-ɛ ne ji yo gə mba ɗəw gə yo a ko̰ ne ɓe dɔ-ɛ gə godo.

Koula 2:32

Jeju gə nee le uy ɓa Luba ar-ɛ ndol ɗaa sijee j-a to njetar naj-ɛje.

Koula 26:20

ngaa m-pa tar turu kəji gə mbəl kəji təl gə rɔ Luba gə, gə ɗa kul-ɛ gə dana gadə m-ar nje gə Damasə kede ngaɓa nje gə Jerujalɛm, gə nje gə dɔ nangə gə Jude tɔ̰y, ngaɓa dəwje gə ꞌgərə Luba ang nəm tɔ.

Koula 3:13

Luba lə ka-sijee, Luba lə Abəraham, Luba lə Ijagə gə Luba lə Jakobo le ɓa ula rɔnduba dɔ ngon njekula gə lə-a Jeju. ꞌNe gə ila-je mə ji dəwje gə ngaɓa ꞌmbad-ɛje no mbay Pilad gə njigi mba kɔr-ɛ kila-a taar.

Koula 3:15

Ar-je ꞌtɔl nje gəl kisi kəm baa ngaɓa Luba təl ndol-e horo nje gə d-uy gə ɗaa sijee j-a to njetar naj-ɛje.

Koula 3:20

Be ɓa Mbayɓe a kar-si ndɔ kar kuwa kɔr ngaɓa ula Jeju, Kirisi gə Luba uwa dɔ gɔl-ɛ kede le.

Koula 3:22

Moyiji pa na: Mbayɓe Luba lə-si a kɔr pajambərə gə to to gə ꞌma be kara horo ngan ko̰-si gə ɗaa a koje ndu-e dɔ ne tɔ̰y gə n-a pa kar-si.

Koula 3:25

ꞌToje ngan lə pajambərəje ngaɓa gə kone gə Luba riya gə ka-sijee ngaɓa pa ne ar Abəraham na: Gəl kuji dəwje tɔ̰y dɔ nangə nee d-a kinga ndu tɔr ɗəw gə lə gəl kuji lə-i.

Romaindjé 1:16

Mba m-ɗa rɔ kul ɔji dɔ Tar gə May ang, mba to singamongə lə Luba mba kar dəw gə ɗa-ɗa gə takagə nama aji ne, Jiibi ja dɔngɔr, ngaɓa dəw gə to Jiibi ang tɔ.

Romaindjé 15:29

M-gərə to gə Kirisi a tɔr ndu dɔ-m gə gə maj-ɛ mba kar m-aw ɓə lə-si.

Romaindjé 15:8

Mba m-pa na Kirisi təl njekula lə njekunja bərəje mba tɔji ne to gə Luba pa tar gə tɔgərɔ, ngaɓa mba tɔji ne to gə n-ar njang dɔ neje gə n-uwa dɔ gɔl-ɛ n-ar ka-sijee,

Ephésiendjé 1:3

May kar ndu tɔr to kar Luba, Bɔ Mbayɓe lə-sijee Jeju Kirisi, gə ar ndu tɔrje ɓədə-ɓədə gə ɗəw njil gə ḭ mə dara gə kuja naa dɔ sijee gə ɗəw gə lə Kirisi,

1 Piyɛr 1:3

Ndu tɔr to dɔ Luba gə Bɔ Mbayɓe lə-si Jeju Kirisije gə, gə go məmay lə-a gə boy ɓa uji si ne to gə sigi, ɗəw ce buwa yo gə lə Jeju Kirisi horo nje gə d-uy gə, mba kar j-unda ne mə-si dɔ kisi kəm baa gə,

1 Piyɛr 3:9

Dəw ɗa si kṵra̰y nama ꞌɗ-ɛje kṵra̰y ba̰a̰ mar-ɛ gə ang nəm, ngaɓa ꞌtaji-si kara ꞌtəl ꞌtajije dəw toro mar-ɛ gə ang, sisəy ɗaa ndu ɓa ꞌtɔrje dɔ dəw gə, mba ye ɓa ꞌɓar-si mb-ɛ, mba kar ingaje ndu tɔr gə neduba.

Jude 1:24

ꞌNe gə n-asə ngom-si kar ꞌtugaje jigi osoje ang, kar-si ar-je gə no riɓar gə lə-a gə rɔ gə may pɛdə, gə rɔləl le,