Koula 3:25 - Mbede Lə Luba Kone Gə Sigi

²⁵ ꞌToje ngan lə pajambərəje ngaɓa gə kone gə Luba riya gə ka-sijee ngaɓa pa ne ar Abəraham na: Gəl kuji dəwje tɔ̰y dɔ nangə nee d-a kinga ndu tɔr ɗəw gə lə gəl kuji lə-i.

Testament ke Siki 1960 (Kabba Laka)

²⁵ Sésè etoidjé ngandjé lo prophètedjé, ke ngandjé lo tar ke Allah to are bòsésè mba, tokou nè mpa nare Abraham, Ke mè ngandjé té loi gel dooudjé toï ke nange nèn a kinga madji.

Koula 3:25 ပူးပေါင်းရင်းမြစ်များ

Lugu 1:72

Be ɓa, Luba ɗa ne məmay gə ka-sijee Cibi m-e ole ne dɔ kone lə-a gə to gə losang-ɛ.

Koula 13:26

Ngan ko̰-mje, sisəy gə gəl kuji Abəraham gə ngaɓa nje ꞌɓəəl Luba horo-si gə, tar kaji nee le, sijee ja ɓa Luba ula-a ne ar-si.

Koula 2:39

Mba Luba uwa dɔ gɔl-ɛ mba kar-sisəy, gə mba ngan-si, ngaɓa mba dəwje tɔ̰y gə d-isi əw, gə kɔr-je bula gə Mbayɓe Luba lə-si a ɓar-je.

Romaindjé 15:8

Mba m-pa na Kirisi təl njekula lə njekunja bərəje mba tɔji ne to gə Luba pa tar gə tɔgərɔ, ngaɓa mba tɔji ne to gə n-ar njang dɔ neje gə n-uwa dɔ gɔl-ɛ n-ar ka-sijee,

Romaindjé 4:13

Mba gə go ɗəw gə lə torondu ang, ngaa gə go ɗəw gə to gadə-gadə ɗəw takagə gə ɓa d-uwa ne dɔ gɔl dɔ nangə ja tɔ̰y gə nenduba d-ar Abəraham ose d-ar gəl kuji lə-a.

Galatedjé 3:16

Abəraham ɓa Luba uwa dɔ gɔl ndu kunje ar-ɛ gə gəl kuji lə-a. Mbede pa ɔji dɔ gəl kuji dəwje gə bula ang, ngaa ɔji dɔ gəl kuji gə kara baa ɗəgədə gə to Kirisi.

Galatedjé 3:29

Cibi, sisəy tɔ̰y ꞌtoje kar Kirisi, ɗaa ꞌtoje gəl kuji Abəraham, nendubaje gə ɗəw ndu kun gə Luba uwa dɔ gɔl-ɛ.

Galatedjé 3:8

Ye gə nee le ɓa, Mbede pa kede to gə Luba a ko dəwje gə ꞌgərə Luba ang gə dəwje gə gadə-gadə gə go ɗəw takagə. Luba pa Tar gə May nee le ar Abəraham kede: Gəl kuji dəwje tɔ̰y gə dɔ nangə nee d-a kinga ndu tɔr ɗəw gə lə-i.

Apocalypse 14:6

M-o anji gə ɗangə kara ḭ bagə midi-midi mə dara gə taar. N-aw gə Tar gə May gə gə ndɔ gə ndɔ kara mba kila mbər-e kar dəwje tɔ̰y gə d-isi dɔ nangə gə: gəl kuji ang nəm, gəl ka ang nəm, ndo̰ tar ang ngaɓa dəw mə ɓeje ang nəm tɔ.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.

Apocalypse 7:9

Go-e gə gugu, m-a lo m-o ɗaa, a o, bula dəwje gə bo ya̰ gə dəw kara kara a kasə tura-je ang, d-ḭ gə gəl kuji tɔ̰y, gə gəl kuji dəwje, dəw mə ɓeje bula ya̰, gə ndo̰ tarje d-ar no ngəndəng mbay gə gə no ngon badəm gə, d-ula-je kubuje gə ngal yududu gə nda. D-uwa kam kagə ji-je gə,