Koula 3:13 - Mbede Lə Luba Kone Gə Sigi

¹³ Luba lə ka-sijee, Luba lə Abəraham, Luba lə Ijagə gə Luba lə Jakobo le ɓa ula rɔnduba dɔ ngon njekula gə lə-a Jeju. ꞌNe gə ila-je mə ji dəwje gə ngaɓa ꞌmbad-ɛje no mbay Pilad gə njigi mba kɔr-ɛ kila-a taar.

Testament ke Siki 1960 (Kabba Laka)

¹³ Allah lo Abraham ke lo Isaac ke lo Jacob, Allah lo kadjèdjè òsou gadji Ngonè Jésus mbä, nè ke sésè wèèdjé ke mbetédjè nò Pilate té, tokou Pilate ndiki ta kïyè.

Koula 3:13 ပူးပေါင်းရင်းမြစ်များ

Matiye 11:27

Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Matiye 20:19

ngaɓa d-a kila-m mə ji dəwje gə ꞌgərə Luba ang gə, kar d-a kogo-m, d-a labə-m gə ndəy abəlay ngaɓa d-a ɓərə-m kagə dəsə gə; ndɔ gə njekum gə munda ɗaa m-a ndol.

Matiye 22:32

ꞌMa m-to Luba lə Abəraham, Luba lə Ijagə, gə Luba lə Jakobo. Luba to Luba lə nje gə d-uy ang, ngaa n-to Luba lə dəwje gə d-isi kəm baa.

Matiye 27:2

Logə ꞌtɔ-ɛ ɗɔdə ɗaa, d-aw sə-a d-aw d-ula-a ji njeko̰ ɓe gə ri-a na Pilad.

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Marəke 15:11

Ngaa buba njekapoloje ꞌsula dəwje kar ꞌdəji Pilad d-ar-ɛ ɔr Barabas ɓa ila-a taar.

Lugu 22:57

Ngaa Piyɛr ma̰y na: Jene, ꞌma m-gər-e ang.

Lugu 23:4

Pilad pa ar buba njekapoloje gə bula dəwje na: M-o gəl ne kara gə m-a kila ne tar dɔ dəw gə nee ang.

Lugu 6:37

ꞌGangəje tar dɔ dəwje gə ang, ɗaa Luba a gangə tar dɔ si ang tɔ; ilaje tar dɔ dəw gə ang, ɗaa Luba a kila tar dɔ-si gə ang; ɔrəje tar dɔ dəwje nama Luba a kɔr tar dɔ-si gə tɔ.

Jean 12:16

Dɔngɔr-ɛ le, ngan njenendoje lə-a ꞌgərə ne gə nee le ang baa, ngaa logə Jeju inga riɓar ɗɔdə ɗaa, mə-je ole to gə ne gə nee le ꞌɗa tar-ɛ mə mbede ɔji dɔ-ɛ, ɗaa ꞌɗa neje nee mb-ɛ ꞌne.

Jean 18:40

Be ɓa, ꞌtəl ꞌpa tar gə ndu-je gə boy wəəl na: Dəw gə nee ang baa, ngaa Barabas ɓa. Ngaa Barabas gə nee le to gə gayim.

Jean 19:11

Jeju ila kəne na: To gə ɓo Luba iya̰ ɗəw ar-i ang nama, a kaw gə singamongə dɔ-m gə kara ang baa. Be ɓa, dəw gə uwa-m ila-m ji-i gə le, tar neɗa gə kṵra̰y gə to ɓəəl ya̰ a kuwa dɔ-ɛ kunda-i.

Jean 19:12

Un kud-e kəne əng ɗaa, Pilad sangə ɗəw gə mba kḭya̰-a kila-a taar. Ngaa Jiibije ꞌpa tar gə ndu-je gə boy wəəl na: To gə ɓo ḭya̰-a ila-a tar nama ꞌto njekura lə Sejar ang. Dəw gə ɗa-ɗa gə ɗa rɔ-ɛ gə mbay nama to nje tɔsə ta Sejar.

Jean 19:15

Ngaa ꞌpa tar gə ndu-je gə boy wuu na: Kar ꞌtɔl-ɛ gə tɔl! Kar tɔl-ɛ gə tɔl! ꞌƁər-e kagə dəsə gə! Pilad pa ar-je na: Mbay lə-si le ɓa m-a tɔl-ɛ wa? Buba njekapoloje d-ila kəne na: Mbay lə-sijee gə ɗangə gə unda dɔ Sejar gə godo.

Jean 7:39

N-pa tar nee n-ɔji dɔ Njil gə nje ta kag-eje d-a kinga: To to gə be mba d-ula rɔnduba dɔ Jeju gə ang baa ɓi ɗaa Njil godo ɓi tɔ.

Koula 22:14

Ananiyas le təl pa na: Luba lə ka-sijee ɔr-i kede nam mba kar-i ꞌgərə mə njigi lə-a, mba kar-i o ne dəw gə gadə-gadə ngaɓa mba ko ne tarje gə t-ɛ gə;

Koula 24:14

M-pa gə ɗaga no-i gə: M-aw m-polo Luba lə ka-sijee gə ɗəw gə ꞌɓar-ɛ na dəwje gə d-unda rɔ-je ꞌgangə, m-ta kagə torondu tɔ̰y gə tarje tɔ̰y gə Pajambərəje ꞌɗa mə mbede gə,

Koula 3:12

Logə Piyɛr o be ɗaa təl un tar pa ar dəw mə ɓeje na: Sisəy dəwje gə Ijirayɛl mba ɗi ɓa oje ne gə nee le ɗaa lo tar igi si sɛl wa? Mba ɗi ɓa aje si be to to gə singamongə gə ḭ rɔ-sijee gə ose gə kila kuji dɔ Luba gə lə-sijee ja ɓa j-ar dəw nee le nja ne wa?

Koula 3:26

Luba ɔr ngon njekula lə-a ula ɓe lə-sisəy ja dɔngɔr, mba kar n-tɔr ndu dɔ si gə, gə mba kar na-na kara mbadə ne go neɗaje gə kṵra̰y lə-a.

Koula 4:27

Tɔgərɔ ja mbay Erɔdə je gə Po̰s Pilad d-um njuma mə naa gə mə ɓe gə nee, gə gəl kujije ngaɓa gə dəw mə ɓeje gə Ijirayɛl d-ila kagə no Jeju gə, ngon njekula gə lə-i njerɔsangə gə um ubu dɔ-ɛ gə.

Koula 4:30

Ula ji-i aji ne njerɔko̰je, gə ꞌɗa ne netɔjije gə neje dang-dang gə kəm dəw o ndɔ kara ang gə ri ngon njekula lə-i Jeju gə njerɔsangə.

Koula 7:32

To ꞌma Luba lə ka-sijee, Luba lə Abəraham, Luba lə Ijagə, gə Luba lə Jakobo. Moyiji isa ɗɛgə-ɗɛgə ɗaa asə mba tən ko ang.

Romaindjé 9:5

gə bɔ-sijee-je, ngaɓa ɗəw gə lə-je gə darɔ gə ɓa Kirisi gə to dəw dɔ neje tɔ̰y ɗe ne, may kar ndu tɔr to dɔ Luba gə gə ndɔ gə ndɔ. Oyo!

Ebərəje 2:9

Ngaa nje koso kul no anjije gə kur-e əw ɓəəl baa le, Jeju gə j-o rɔnduba gə d-ula dɔ gə, gə ɗɔy gə ꞌɗɔy-ɛ, mba ꞌməsərə yo gə n-o, be ɓa gə go mənuji lə Luba ɓa n-o ne yo gə rɔ-ɛ mba-si tɔ̰y.

Apocalypse 1:18

gə nje kisi kəm baa. M-uy ja, ɗaa oje m-isi kəm baa gə no ngaɓa m-uwa lakɛrɛ kar yo gə kar lo gə jabaw ji-m gə.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,