Koula 28:20 - Mbede Lə Luba Kone Gə Sigi

²⁰ Gəl-e gə nee ɓa m-dəji ne ɗəw gə mba ko ne si ngaɓa gə mba pa kar-si to gə ɔji dɔ nekunda mə lə Ijirayɛl ɓa ɓogəne d-uwa-m ne gə kula lar.

Testament ke Siki 1960 (Kabba Laka)

²⁰ Tokou ban mbata tar nèn, mam ndoudjou ta kosè ke ta pa karesè, mbata to mbata tar mè ngebe lo Israël ke dèdè ntòm ke koulaa narè nèn.

Koula 28:20 ပူးပေါင်းရင်းမြစ်များ

Koula 10:29

Gəl-e gə nee ɓa logə ulaje ꞌɓar-mje ɗaa m-ma̰y tar ang ja, m-ḭ m-ɗe, be ɓa dɔ kar gə nee ɗaa m-dəji-si kar-si ꞌpaje gəl ne gə ꞌɓar-mje ne ar-mje m-ɗe le.

Koula 10:33

Be ɓa gə tɔg-ɛ baa ja m-ula m-ɓar-i ɗaa ꞌi kara ꞌɗa may ya̰ ja tɔ ɓa ḭ ꞌɗe nee. Ɓisine j-isi no Luba gə tɔ̰y ja mba ko tar gə Mbayɓe ula-i ne le.

Koula 21:33

Be ɓa njekun dɔ njeɗɔje nee le ula ji-a uwa Pɔl ɗaa un ndu kar ꞌtɔ-ɛ gə kula larje joo ngaɓa təl dəji-e se n-to na wa, cibi se ɗi ɓa n-ɗa wa?

Koula 23:6

Logə Pɔl gərə to gə dəwje gə mbo̰ naa le dəbəje gə kara to Sadusiyɛ̰je ngaɓa ye gə kara to Parijiyɛ̰je tɔ ɗaa, pa tar uru ne ꞌkuwi no ngɔ gangə tar gə lə Jiibije na: Ngan ko̰-m, ꞌma m-to Parijiyɛ̰, gə ngon kuji Parijiyɛ̰, mba tar nekunda mə gə tar ce buwa yo gə lə nje gə d-uy ɓa m-ar ne lo gangə tar nee.

Koula 24:15

ngaɓa m-unda mə-m dɔ Luba gə to to gə ꞌjejee kara d-unda ne mə-je be tɔ, ɗaa nje gə gadə-gadə gə nje gə gadə-gadə ang d-a ce buwa yo gə.

Koula 26:29

Pɔl ila kəne na: Nay njɛ̰ baa ose ya̰ kara m-dəji Luba mba kar ꞌi gə kar-i baa ang ngaa dəwje tɔ̰y gə d-o ndu-m ɓogəne kar ꞌtəl-je to gə ꞌma be lal kar ꞌtɔ si gə kula lar!

Koula 28:17

Ndɔ munda nday ɗaa Pɔl ɓar buba ɓeje lə Jiibije ngaɓa logə ꞌmbo̰ naa ɗaa n-pa tarje gə nee n-ar-je na: Ngan ko̰ naaje, m-ɗa ne kara gə kṵra̰y gə dəw mə ɓeje ang nəm, ɔji dɔ nejiɓe lə bɔ-sijee-je ang nəm ja d-uwa-m d-ila-m kəy kula gə Jerujalɛm ngaɓa d-ila mə ji nje gə Rɔm gə.

Ephésiendjé 3:1

Gəl-e gə nee ɓa, ꞌma Pɔl gə m-to kəy kula gə ɔji dɔ Kirisi Jeju mba sisəy gə ꞌtoje gə Jiibije ang le.

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Ephésiendjé 6:20

Tar gə May gə nee, gə m-to gə njekila mbər-e le ɓa ꞌtɔ-m ne gə kula lar; may kar-m m-pa tar-ɛ gə ɓəəl ang, ngaɓa gə go ɗəb-e gə may kar-m m-pa ne le ja tɔ.

Philippiendjé 1:13

Be ɓa, dəwje tɔ̰y gə d-aw ɗa kula kəy mbay gə, gə nje gə ɗangə tɔ̰y ja kara ꞌgərə to gə ꞌma le d-uwa-m d-ila-m kəy kula gə mba tar lə Kirisi.

Colossiendjé 4:18

ꞌMa Pɔl ja, m-ɗa mbede nee gə ji-m: m-o ne si. Ar-je mə-si ole dɔ-m gə lo to kəy kula gə. May kar mənuji nay gə si!

2 Timoce 1:10

Ɓisine ɗaa Luba tɔji mənuji nee le gə ɗaga ɗəw gə lə Njekaji-si Kirisi Jeju. Mba Kirisi Jeju ɗe guru singamongə yo rug-rug cibi ɓa ɗe gə Tar gə May mba kar dəwje d-inga nee təbə gə ɗəw Njil gə a ndum ang, ɗəw Tar gə May gə.

2 Timoce 2:9

Mba tar-ɛ ja m-o ne ko̰ saar, tɔ-m ne kula lar to to gə m-to dəw gə ɗa məyɛr be. Ngaa ꞌtɔ Tar lə Luba gə kula lar ang baa.

Pilimo 1:10

m-oso kul no-i mba ngon-m Onejim gə m-uj-e kəy kula gə,

Pilimo 1:13

M-njigi ngom-e rɔ-m gə nee mba kar n-ɗa kula tor-i gə, logə m-isi mə kəy kula gə mba Tar gə May.