Koula 27:12 - Mbede Lə Luba Kone Gə Sigi

¹² Ngaɓa kəm kay le to gə maj-ɛ kəm kar kəne nay kuli ang ɗaa nje gə kɛm bula ja na kəm kar-si j-aw dɔ-si gə Penisi, kəm kay gə Kərɛd kəm-si gə dɔ kɔl gə əər lo kuru nangə gə lə kar ngaɓa dɔ gəl gə lo kuru nangə gə lə mba kar nay kul nday dɔ-si gə kəne.

Testament ke Siki 1960 (Kabba Laka)

¹² Mbata mbòr man béh té nèn to madji ta kisi kendé nai koul té ang, mare dooudjé wota ndiki gè ta ndja do tòkou man té, dèdè dedji dase ta téh Phénix té, ke mbòr man nange té ke Crète ke wo loou ke ber ke kade na té, ke loou ke tarr ke kade na té, ta kisi nou nai koul té.

Koula 27:12 ပူးပေါင်းရင်းမြစ်များ

Koula 2:11

gə Jiibije ngaɓa njetəl Jiibije, gə ngan njeɓeje gə Kərɛd gə Arabəje, j-o ndu-je d-ɔsə gaji neɗa mayje lə Luba gə ndo̰ tar kuji-si.

Koula 27:13

Logə ləl ḭ dɔ kɔl ula piyaa be ɗaa d-o to gə d-asə mba tɔl ta ne gə ꞌgɔl le gə maj-ɛ. Be ɓa ꞌtudu to d-ila taar ɗaa d-uwa mbo kar lo gə Kərɛd.

Koula 27:21

Ləw baa ja j-usa ne ang. Be ɓa Pɔl ar taar horo-je gə pa ar-je na: Əy ngan ko̰-mje to gə oje tar ta-m gə ɓa ar-si j-ɔdəje Kərɛd ang nama tuji gə nee le a ce be ang.

Koula 27:7

Asə ndɔ bula ja to aw jan-jan baa ngaɓa j-ula rɔ-si ndubu ya̰ ɓa j-a ce ne dəbə Nidə, mba ləl ɔgə ɗəw ce kəne ɗaa j-uwa mbo kar Kərɛd dɔ-si gə mə mbo gə Saləmone.

Koula 27:8

J-a ɗa ya̰ ɓa j-uwa mbo kar ɓe nee le j-a ce nee lo gə ꞌɓar-ɛ Kəm kay gə may gə to əw ang gə Laje.

Tite 1:12

Dəw kara horo-je gə to pajambərə lə-je ja pa na: Dəw mə ɓeje gə Kərɛd ꞌto njetar gə ɗəgərəje ja jaga-jaga, ꞌnay to to gə daje gə muu gə njekusa ngan mar-jeje, gə ꞌto njedabəje gə nekusa ja baa uwa mə-je.

Tite 1:5

ꞌMa m-iya̰-i mə ɓe gə Kərɛd mba kar-i ꞌgɔl kɛsə kulaje gə nay, cibi gə go ndu-m gə m-un m-ar-i le ɗaa kar-i ꞌmbərə dəwje unda-je gə ngatɔgəje mə ɓeboje gə kara kara,