Koula 27:1 - Mbede Lə Luba Kone Gə Sigi

¹ Logə d-un ɗəw kar-si j-al to j-aw Itali ɗaa d-um Pɔl je gə dəwje gə kɛm gə ꞌtuwa-je mə ji njekun dɔ njeɗɔje gə tɔl gə, njeɗɔje lə Ogusəd, ri-a na Juliyus.

Testament ke Siki 1960 (Kabba Laka)

¹ Tokou dèdè ndiki gè ta karedjè djao ke to ke Italie té, dèdè dare Paul ke mare ndjè kei kouladjé dji ndjè ngem ndjè pouroudjé té ke to ngä Auguste, ria na Julius.

Koula 27:1 ပူးပေါင်းရင်းမြစ်များ

Matiye 27:54

Njekun dɔ njeɗɔje gə tɔl gə nje gə d-ar sə-a mba ngəm ta Jeju le, d-o dɔ nangə gə yəgə gə neje gə nday le ɗaa ɓəəl unda-je bad gangə-je ngaɓa ꞌpa na: Dəw gə nee ɗaa, to Ngon lə Luba ja tɔgərɔ.

Lugu 23:47

Njekun dɔ njeɗɔje gə tɔl o ne gə nday le ɗaa ɔsə gaji Luba na: Tɔgərɔ ja, dəw gə nee le ɗaa to dəw gə dana gadə-gadə.

Lugu 7:2

Ngon njekula lə njekun dɔ njeɗɔje gə tɔl kara gə njigi-e ya̰ ja, rɔ-ɛ to-e asə yo.

Koula 10:1

Dəw kara ri-a na Kɔrənəy, to njekun dɔ njeɗɔje tɔl kara gə ꞌɓar-ɛ na kudu njeɗɔje gə Itali ɗaa n-isi Sejare.

Koula 10:22

D-ila-a kəne na: Kɔrənəy njekɔr no njeɗɔje gə tɔl, gə to dəw gə gadə gə ɓəəl Luba ngaɓa gəl kuji Jiibije tɔ̰y kara ꞌtura-a gə dəw gə gadə-gadə. Ɗaa anji gə njerɔsangə ɗe pa ar-ɛ na kar n-ɓar-i n-ar-i aw kəy lə-a aw pa tar neje nee le ar-ɛ n-o.

Koula 16:10

Logə Pɔl o ne lokiya gə to gə be ɗaa, ja sangə ɗəw mba kaw Masedowan gə tɔg-ɛ mba ja gərə to gə Luba ɓar-si kar j-aw j-ila mbərə tar lə Mbayɓe Jeju kəne.

Koula 18:2

Mə ɓebo gə nee le n-inga Jiibi kara ri-a na Akilas, to ngon njeɓe gə Po̰, je gə jene lə-a ri-a na Pirisika, d-ḭ ɓeko̰ gə Itali ɓisine ɓi, mba dɔ ndɔ-ɛje gə əng le mbay Kolodə un ndu mba kar Jiibije tɔ̰y d-ɔdə Rɔm gə gugu. Ɗaa Pɔl um gə je naa gə.

Koula 19:21

Logə neje nee nday ɗaa Pɔl gɔl mə kəji gə lə-a mba kaw Jerujalɛm ɗaa a nday gə mə ɓeko̰ gə Masedowan gə dɔ nangə gə Akayi. N-təl n-pa na: Ɓo m-aw Jerujalɛm nama may kar-m m-o Rɔm gə kəm ja tɔ.

Koula 21:32

Gə tɔg-ɛ ja n-odo njeɗɔje gə njekun dɔ njeɗɔje gə tɔl-tɔl n-um-je dɔ-ɛ gə ngaɓa d-a̰y ngɔdə gə dɔ-je gə. Logə d-o-je mbay lə njeɗɔje gə tɔl-tɔl dɔg le ɗaa, d-əw rɔ-je kunda Pɔl.

Koula 22:26

Gə go tar gə nee le ɗaa njekun dɔ njeɗɔje gə tɔl le ɔdə aw pa ar njekun dɔ njeɗɔje gə tɔl-tɔl dɔg na: Ɗi ngaa a ɗa wa? Dəw le to ngon njeɓe gə Rɔm.

Koula 23:11

Mə cil gə njekore go-e gə ɗaa, Mbayɓe ce dɔ Pɔl gə, pa na: Uwa jingaw mə-i gə, mba ɗəw kara baa to gə ꞌɗa ne tar naji lə-m Jerujalɛm le, a ɗa to to gə be ja tɔ a mə ɓe gə Rɔm gə.

Koula 23:17

Pɔl ɓar dəw kara horo njekun dɔ njeɗɔje gə tɔl gə pa ar-ɛ na: Aw gə ngon basa̰ nee ɓe lə njekun lə njeɗɔje gə tɔl-tɔl dɔg mba tar to t-ɛ gə əng kar n-pa n-ar-ɛ.

Koula 24:23

Ngaɓa n-un ɗəw n-ar njekun dɔ njeɗɔje gə tɔl mba kar ngəm Pɔl ngaa kar ḭya̰ ɗəw ar njeka-ɛje mba kar ꞌɗe ꞌla sə-a.

Koula 25:12

Be ɓa logə ndu Pɛsətus asə naa gə nje baa kulaje lə-a tɔ̰y ɗaa ɗe ila kəne na: ꞋI ꞌnjigi kaw no Sejar gə le ɗaa a kaw ja.

Koula 25:25

ꞌMa m-o to gə ne kara gə n-ɗa gə asə gangə ne tar yo dɔ-ɛ gə le godo ngaa ꞌne ja njigi kaw no Sejar gə ɗaa ꞌma kara m-njigi kula kəne tɔ.

Koula 27:11

Ngaa njekun dɔ njeɗɔje gə tɔl um m-e dɔ njeləl to gə je njeko̰ dɔ to gə, ɓoo tar lə Pɔl le ang.

Koula 27:43

Ngaa njekun dɔ njeɗɔje gə tɔl le njigi kaji Pɔl ɗaa ɔgə-je dɔ-ɛ gə. N-un ɗəw n-ar nje gə d-asə kalɛ man n-ar d-um man d-alɛ ꞌce ɗaga kede,

Koula 27:6

Lo-e gə nee ɗaa njekun dɔ njeɗɔje gə tɔl le inga to gə ḭ Alɛgəjandəri aw gə Itali ɗaa ar-si j-al.

Koula 28:1

Logə j-a ce ɗaga gə rɔ-si gə ta-si təb ɗaa ꞌpa d-ar-si na lo gə nee le to ngon gore gə ꞌɓar-ɛ Malətə.

Koula 28:16

Logə j-a ce Rɔm ɗaa d-ḭya̰ Pɔl d-ar uwa kəy to-e dang ngaɓa gə njeɗɔ gə to nje ka dɔ-ɛ tɔ.

Ebərəje 13:24

May kar oje njekɔr no-sijee tɔ̰y ar-mje gə njerɔsangəje tɔ̰y tɔ. Nje gə Itali d-o si.