Koula 26:22 - Mbede Lə Luba Kone Gə Sigi

²² Ngaa mbɔr dɔ Luba gə ngom-m ɓa saar ɓogəne m-ɗa tar naji lə ne gə Pajambərəje, gə Moyiji ꞌpa tar-ɛ kede to gə a ɗe le, no nganje gə no bubaje gə, lal pa tar gə ɗangə.

Testament ke Siki 1960 (Kabba Laka)

²² Mbata Allah oumam ke da sem nderèng ndò té ke bokonè, ma marr nèn ma mpa tar nadji nò dooudjé té ke ngadji ke tòkou dooudjé tò. Ma mpa tar dang ang, bè to tar kadaba ke prophètedjé ke Moïse pana a dé.

Koula 26:22 ပူးပေါင်းရင်းမြစ်များ

Matiye 26:24

ꞌMa gə Ngon lə dəw m-a kuy to to gə Mbede lə Luba pa. Ngaa tuji a kuba dəw gə a kun dɔ-m! May kar kuji ja kara d-uji-e ang.

Lugu 16:28

mba m-aw gə ngan ko̰-mje mi d-isi kəne əng. Kəm kar n-aw n-pa n-ar-je kede nam ɓa, mba kar ꞌjeje kara, ꞌɗe lo ko ꞌməsərə gə m-ar kəne nee ang.

Lugu 24:27

Ngaɓa, un kud-e dɔ Moyiji gə, ce ne dɔ pajambərəje gə tɔ̰y le, Jeju ɔr gəl neje gə mbede lə Luba pa tar-ɛ ɔji dɔ-ɛ, ar-je.

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Lugu 24:46

Ngaɓa n-pa n-ar-je na: To gə ꞌɗa mə mbede na: Kirisi le, a ko ꞌməsərə ngaɓa ndɔ gə njekum gə munda lə-a ɗaa, n-a ndol horo nje gə d-uy gə.

Jean 1:17

mba Luba ar torondu-e ɗe gə ɗəw gə lə Moyiji, ngaa tar gə tɔgərɔ gə mənuji ɗaa ɗe ɗəw gə lə Jeju Kirisi.

Jean 1:45

Pilibi inga Nataniyɛl ɗaa pa ar-ɛ na: Sijee j-inga dəw gə mbede lə Moyiji gə mbede lə pajambərəje ꞌpa tar lə-a, Jeju gə ɓe gə Najarɛd, gə to ngon lə Jəjəb le.

Jean 5:39

ꞌTənje mə mbedeje so-so, mba sisəy əjije to gə ɗəw gə kəne nama a kingaje təbə gə gə ndɔ gə ndɔ: Mbedeje gə nee le ja ɓa pa tar naji ɔji dɔ-m.

Jean 5:46

Be ɓa to gə ɓo ꞌtaje kagə Moyiji nama a taje kagə-m ꞌma tɔ, mba ne gə n-ɗa tar-ɛ mə mbede gə le ɔji dɔ-m ꞌma.

Koula 10:43

Pajambərəje tɔ̰y ja ꞌpa tar naji lə-a na: Dəw gə ta kag-ɛ nama mbɔr dɔ ri-a ja tar neɗaje gə kṵra̰y a kɔr ne dɔ-ɛ gə.

Koula 13:29

Be ɓa ꞌtɔl ne ta tarje tɔ̰y gə ꞌɗa mə mbede gə ɔji dɔ-ɛ ngaɓa d-ɔr nin-e kar kagə gə d-aw d-ila mə buwa yo gə.

Koula 24:14

M-pa gə ɗaga no-i gə: M-aw m-polo Luba lə ka-sijee gə ɗəw gə ꞌɓar-ɛ na dəwje gə d-unda rɔ-je ꞌgangə, m-ta kagə torondu tɔ̰y gə tarje tɔ̰y gə Pajambərəje ꞌɗa mə mbede gə,

Koula 26:17

M-ɔrə-i horo dəw mə ɓeje gə horo dəwje gə ꞌgərə Luba ang gə m-a kula-i ɓe lə-je,

Koula 26:6

Ngaɓa ɓogəne m-ar no ngɔ gangə tar gə ɔji dɔ nekunda mə gə Luba uwa dɔ gɔl-ɛ ar bɔ-sijee-je,

Koula 28:23

Go-e gə ɗaa d-ila ndɔ d-ar-ɛ ngaɓa ꞌɗe bula d-inga-a lo to-e gə. Logə n-ɔr gəl tar lə-a le ɗaa n-ɗa tar naji gə ɔji ɓeko̰ lə Luba ngaɓa n-sangə ɗəw torondu gə lə Moyiji ngaɓa gə mbede lə Pajambərəje, mba cɛdə ne singa-je ɔji dɔ Jeju, un kud-e gə ndɔɔ ja saar ce kar kumatagə.

Romaindjé 3:21

Ngaa ɓisine ɗaa Luba kila gadə-gadə lə-a gə ɗaga lal torondu to gə ꞌpa ne mə torondu ngaɓa pajambərəje kara ꞌpa ne nəm,

1 Corinthiendjé 15:3

Ne gə ꞌma m-inga ja, m-ar-si dɔngɔr: Gə go tar mə mbede gə ɗaa Kirisi uy mba neɗaje gə kṵra̰y lə-si;

1 Corinthiendjé 15:4

ꞌdub-e, ɗaa ndɔ gə njekum gə munda ɗaa n-ndol, to gə mbede pa,

2 Timoce 3:11

kəm-m gə d-ula ndoo, gə mɛr gə m-o kara o gə kəm-i nəm tɔ. Ne ur ti gə ɗa-m mə ɓe gə Antiyos, gə mə ɓe gə Ikoniyom, gə mə ɓe gə Lisətərə le o ja. D-ula kəm ndoo ya̰ ja ngaa m-uwa gədərə. Ngaɓa Mbayɓe ḭya̰-m kəne ang.

Apocalypse 11:18

Ɗaa, wungu ɗa dəwje gə ꞌgərə Luba ang gəl kuji dəwje gə, ngaa to gə wungu lə-i ɓa ɗe. To dɔ kar gangə tar dɔ nje gə d-uy gə, dɔ kar kuga ne dɔ ji lə ɓərə kulaje gə to gə pajambərəje gə njerɔsangəje gə nje ɓəəl ri-ije, nganje gə naa gə dəwje gə tɔgə, dɔ kar tuji gə ɔji dɔ nje gə ꞌtuji dɔ nangə nee.

Apocalypse 15:3

D-ɔsə pa lə Moyiji, ngon njekula lə Luba nəm ɓa d-osə pa lə Ngon badəm na: Mbayɓe Luba gə Njesingamongə, kula ɗa-i bo ngaɓa to ɓəəl ya̰! Mbay gə njeko̰ dɔ dəwje tɔ̰y, ɗəw lə-i to gadə-gadə ngaɓa to tɔgərɔ!

Apocalypse 20:12

Be ɓa m-o nje gə d-uy, bubaje gə nganje, d-ar gə ngal-je tar mbiwu no ngəndəng mbay gə ɗaa ꞌcɛ̰ mə mbedeje. Cibi ꞌɗəm ꞌcɛ̰ mə mbede gə ɗangə kara gə to gə mbede təbə, ɗaa ꞌgangə tar dɔ nje gə d-uy gə ɔji buwa kula ɗaje kula ɗa-je, gə go neje gə ꞌɗa mə mbedeje gə le.