Koula 26:19 - Mbede Lə Luba Kone Gə Sigi

¹⁹ Gəl-e gə ne ɓa mbay Agiripa, m-ɗa dɔ ngangə gə ne gə ḭ dara gə m-o lokiya gə le ang,

Testament ke Siki 1960 (Kabba Laka)

¹⁹ Tokou ban, Mbaibé Agrippa, ma mbeté ta ko tar ni ke ï dara dé ang.

Koula 26:19 ပူးပေါင်းရင်းမြစ်များ

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Koula 26:2

Ɔji dɔ neje tɔ̰y gə Jiibije d-ila ne tar dɔ-m gə le ꞌma ja kara to nokarə lə-m ɓogəne kar m-pa tar no-i ꞌi mbay Agiripa gə m-ta ne dɔ rɔ-m,

Koula 26:20

ngaa m-pa tar turu kəji gə mbəl kəji təl gə rɔ Luba gə, gə ɗa kul-ɛ gə dana gadə m-ar nje gə Damasə kede ngaɓa nje gə Jerujalɛm, gə nje gə dɔ nangə gə Jude tɔ̰y, ngaɓa dəwje gə ꞌgərə Luba ang nəm tɔ.

Galatedjé 1:16

ꞌNe ja n-tɔji-m ngon-e mba kar-m m-ila mbərə lə-a m-ar dəwje gə ꞌgərə Luba ang, be ɓa, m-dəji tar ndəji dəw ang;