Koula 26:11 - Mbede Lə Luba Kone Gə Sigi

¹¹ Ngaɓa taar-taar ja gə mə kəy nendo lə Jiibije kara kara tɔ̰y ja m-aw m-bɛ̰ ta-je, m-uwa-je gə singa m-ar ꞌtaji Luba d-ar al dɔ lo. Logə wungu uru-m mu dɔ-je gə nama m-ula kəm-je ndoo saar mə ɓeboje gə dɔɔɓe gə.

Testament ke Siki 1960 (Kabba Laka)

¹¹ Mam ntoundadè gar baya mè kei Allah té toï, mam nda ngeng ta karedè mpa tar sä dò Allah té, ke mbata ongou dam nya kedè mam ngädè ke tar sar ntéh béh ke nange té ke dang.

Koula 26:11 ပူးပေါင်းရင်းမြစ်များ

Matiye 10:17

Aje rɔ-si rɔ dəwje gə, mba d-a kaw gə si no ngɔ gangə tar gə lə Jiibije nəm ɓa d-a kunda-si gə abəlay kəy nendo gə lə-je.

Marəke 13:9

Unda-je kəm karə dɔ darɔ-sisəy gə ja; D-a kaw gə si no ngɔ gangə tarje gə, ngaɓa d-a kunda-si gə kɔb mə kəy nendo gə, d-a kaw gə si no njeko̰ ɓeje gə, no mbayje gə mba tar lə-m kar to tar naji no-je gə.

Marəke 3:28

Tɔgərɔ, m-pa m-ar-si, to gə neɗaje gə kṵra̰y tɔ̰y ja d-a kɔr tar-ɛ dɔ dəwje gə ngaɓa tar taji gə ꞌtaji Luba kara nəm;

Lugu 15:17

Be ɓa, n-əji tar m-e gə na: Njekulaje kandə ɓa kəy lə bɔy d-usa ne d-ḭya̰ gə nangə gə baa, ɓa m-isi m-uy yo ɓo nee wa!

Lugu 21:12

Ngaa nam ɓa kar neje nee nday nama, d-a tuwa-si mba kula kəm-si ndoo, d-a kun dɔ-si mə kəy nendoje gə, d-a tuwa-si kum-si kəy kula gə, d-a kaw gə si no mbayje gə, gə no njeko̰ ɓe gə mba tar lə-m.

Lugu 6:11

Wungu ɗusu mə njekɔr gəl toronduje gə Parijiyɛ̰je. ꞌPa tar horo naa gə na ɗi ɓa n-a ɗaje gə Jeju nee wa?

Koula 13:45

Ngaa logə Jiibije d-o bula dəwje ɗaa mə ɗa-je ar ꞌtəl pa tar ꞌtila ne kəm tar lə Pɔl ngaɓa ꞌtaji Luba nəm.

Koula 18:6

Ngaa d-ɔsə ngərəng ngaɓa ꞌtaji Luba ɗaa Pɔl uwa kubu sugu bugu-bugu ngaɓa pa ar-je na: Tar məsə-si a kuwa dɔ sisəy ja ɓo ɔr-m ꞌma ang ngaa, un kud-e ɓogəne ja m-a turu kəm gə ɓə lə dəwje gə ꞌgərə Luba ang.

Koula 22:19

Ɗaa ꞌma m-pa na: Mbayɓe, ꞌjejee ja kara ꞌgərə to gə m-aw gə kəy nendo kəy nendo lə Jiibije m-tuwa nje gə ꞌta kag-i m-kunda-je ngaɓa m-um-je kəy kula gə,

Koula 22:5

Buba njekapolo kara to njetar naji lə-m tɔ ngaɓa ngatɔgəje tɔ̰y nəm, ɓa ꞌɗa mbede d-un ne ɗəw d-ar-m ɔji dɔ ngan ko̰ naaje gə mə ɓe gə Damasə, mba kar-m m-aw kəne ɓo m-tɔ-je m-ɗe gə je Jerujalɛm mba kar ꞌbɛ̰ ta-je.

Koula 9:1

Dɔ ndɔ-ɛje gə nee le ɗaa kəji sangə ɗəw mba tɔl ngan njenendoje lə Mbayɓe uwa mə Sɔl ɓi. Be ɓa n-aw n-inga buba njekapolo,

Jacques 2:7

ꞌJejee le ja ɓa ꞌtaji ri gə may pɛdə gə to dɔ-si gə le ang wa?

2 Piyɛr 2:16

ngaa Balam təl inga kuga kal tar gə darɔ-ɛ ja, ar ngon da gə pa tar ndɔ kara ang ja, pa tar ar pajambərə nee le unda ne ngangə neɗa mbə lə-a.