Koula 24:5 - Mbede Lə Luba Kone Gə Sigi

⁵ J-inga dəw gə ar nee le gə dəw gə kṵra̰y gə nje kɔsə gəl ɓɛlɛ horo Jiibije gə tɔ̰y gə dɔ nangə nee, njekɔr no dəwje gə d-unda rɔ-je gangə gə ꞌɓar-je gə dəwje gə Najarɛd,

Testament ke Siki 1960 (Kabba Laka)

⁵ Mbata djèdjè djo doou nèn tokou ndjè né da ke madjang, ke nda ta kare tar ï horo Juifdjé té toï dò nange té nèn toï. Nè nto tòkou doou ke ndjè tòdjou deo mare dooudjé ke to Nazaréendjé.

Koula 24:5 ပူးပေါင်းရင်းမြစ်များ

Matiye 10:25

Ne gə kəm kar ngon njenendo ɗa, ɗaa ndəji kəm njenetɔji, ngaɓa ngon njekula ɗaa ndəji kəm ɓəə-eje tɔ. D-unda ri njekəy na to Bɛləjebul, gə to mbay lə njilje gə kṵra̰y ngaa kandə ɓa nje gə kəy lə-a d-a kunda ri-je to gə be ang wa?

Matiye 2:23

ɗaa ɓe gə ɓar-ɛ Najarɛd ɓa n-aw n-isi kəne, bənəng ɓa gə mba kar tar gə pajambərəje lə Luba ꞌpa le aw ne lo-e gə na: D-a ɓar-ɛ dəw gə Najarɛd.

Marəke 1:24

Jeju gə Najarɛd, ɗi ɓa ꞋI njigi wa? Se ꞌi ɗe mba tuji-si ngaa wa? M-gərə to gə ꞌto Njerɔsangə lə Luba.

Lugu 23:19

Barabas le, d-uwa-a d-ila-a kəy kula gə mba bunga̰ dəwje um-je mə ɓe gə ar d-al tar ta njeko̰ ɓeje gə, ngaɓa tɔl dəw tɔ.

Lugu 23:2

D-un kudu gangə tar kunda t-ɛ gə na: J-inga dəw gə nee le ar aw sula dəw mə ɓeje lə-si gə mba kar d-ila karəw gə njeko̰ ɓeje, mba kar-je d-uga lar gədə ɓe lə mbay Sejar ang, ngaɓa ɓar rɔ-ɛ gə Kirisi, dəw gə d-um ubu dɔ-ɛ gə, ngaɓa gə mbay nəm tɔ.

Lugu 23:25

N-ḭya̰ Barabas gə nje kɔsə dəwje kum-je neɗa gə kṵra̰y gə, gə nje tɔl dəw gə dəji-e le ngaa n-ila-a taar, ɗaa n-uwa Jeju n-ula-a mə ji-je gə kar ꞌɗa sə-a ne gə mə-je njigi.

Lugu 23:5

Ngaa d-ar dɔ gɔl-je gə njiriri ꞌpa na: N-sula dəw mə ɓeje mba kar-je d-al tar gə go ɗəw netɔji lə-a gə n-un kud-e dɔ nangə gə Galile gə saar n-ce nee dɔ nangə gə Jude, ɗaa ɓisine n-ɗe ne mə ɓe gə Jerujalɛm nee ngaa.

Koula 15:5

Be ɓa dəwje lə Parijiyɛ̰je gə njetakagəje, d-ḭ ꞌpa na may kun ndu kar dəwje gə ꞌgərə Luba ang d-ila kuji dɔ torondu gə lə Moyiji, gə d-unja bərə ɓa.

Koula 21:28

d-uru ne ꞌkuwi na: Ijirayɛlje ꞌce-je, oje dəw gə njetɔji ne gə lo-lo kar dəwje tɔ̰y, tila ne kəm dəw mə ɓeje nəm, tila ne kəm torondu nəm ngaɓa kəm lo gə nee nəm ngaɓa n-ɗe gə dəwje gə ꞌgərə Luba ang mə kəy polo Luba gə mba kar lo gə to losang-ɛ nee le mina ne.

Koula 22:22

D-o-je ndu-e saar ꞌce-je ne dɔ tar gə nee gə le. Ngaa d-ila ndu-je nangə ɓolong, ꞌpa na: Dəw gə be le kəm tɔl-ɛ gə tɔl ɓo kəm kḭy-a̰ kəm baa ang.

Koula 24:14

M-pa gə ɗaga no-i gə: M-aw m-polo Luba lə ka-sijee gə ɗəw gə ꞌɓar-ɛ na dəwje gə d-unda rɔ-je ꞌgangə, m-ta kagə torondu tɔ̰y gə tarje tɔ̰y gə Pajambərəje ꞌɗa mə mbede gə,

Koula 24:4

Ngaa mba kar m-jɔg-i ɓi-ɓi ang ɗaa m-ɗa-i kɔgərɔ kar-i ꞌtuga mbi-i o ne tar lə-si.

Koula 25:7

Be ɓa logə Pɔl ɗe ɗaa, Jiibije gə d-ḭ Jerujalɛm le d-ila tarje gə to ɓəəl to ɓəəl ja bula dɔ-ɛ gə ngaa d-asə kɔr kud-e ang.

Koula 26:5

To gə ɓo ꞌnjigi ɗa tar naj-ɛ nama ꞌgərə-mje kede ləw baa, m-to Parijiyɛ̰, m-to kara lə dəwje gə d-uwa tar nepolo lə-sijee d-ar-ɛ kədərə ya̰.

Koula 28:22

Ngaa j-a njigi ko tar gə ɔji dɔ kəji lə-i, mba j-a gərə to gə mbo̰ naa lə njekunda rɔ-je gangə-je gə nee le d-ila kagə no-ɛ gə gə lo tɔ̰y ja.

Koula 5:17

Be ɓa buba njekapolo gə nje gə ꞌga̰ sə-a tɔ̰y gə to dəwje lə Sadusiyɛ̰je, d-uba nangə d-ḭ, ɗaa nər mə ɗusu mə-je

Koula 6:13

ꞌƊe gə dəwje d-ar ꞌgangə tar d-unda t-ɛ gə na: Dəw gə ar nee le pa tar gə kṵra̰y dɔ lo gə to gə losang-ɛ gə jaga-jaga gə dɔ torondu Moyiji nəm tɔ.

1 Corinthiendjé 11:19

Mba kəm kar kay naa to horo-si gə ja tɔ ɓa, d-a gərə ne nje gə d-uwa gədərə ta nena gə.

1 Corinthiendjé 4:13

ꞌpa tar lə-si kṵra̰y kara, j-ula jingaw mə-je gə; j-a təl to dɔ yibi kəm dəwje gə dɔ nangə nee, j-a to ya̰ neje tɔ̰y, saar ɓisine.

1 Piyɛr 2:19

Dəw gə ɗa-ɗa ja ɓa d-ula kəm-e ndoo dɔ buguru baa ngaa ila m-e dɔ mar-ɛ gə mba to nje ɓəəl Luba nama, to ne gə may ja.