Koula 23:9 - Mbede Lə Luba Kone Gə Sigi

⁹ D-uru ꞌkuwi to gə boy wu ɗaa njekɔr gəl toronduje gə kɛm gə ꞌto nje kar Parijiyɛ̰je d-uba nangə d-ḭ, ꞌma̰y tar gə singa ꞌpa na: Dəw gə ar nee le ne gə kṵra̰y kara ja kara j-o rɔ-ɛ gə ang, njil ose anji ɓa pa tar ar-ɛ kara dəw gərə ang.

Testament ke Siki 1960 (Kabba Laka)

⁹ Bana boula ï nya, mare ndjè da maketourou ndedjidjé ke horo Pharisiendjé té dï tarr, dèdè mmaitar ngeng, Djèdjè djo né ke madjang kada dò doou té nèn ang, djèdjè ngeré ang tokou ndii aséh ange pa sa tar wa?

Koula 23:9 ပူးပေါင်းရင်းမြစ်များ

Marəke 2:16

Ngaɓa, njekɔr gəl toronduje gə horo Parijiyɛ̰je gə, d-o to gə Jeju isi aw usa ne gə njembo̰ lar gədə ɓeje ngaɓa gə njeneɗaje gə kṵra̰y naa gə ɗaa, ꞌpa d-ar ngan njenendoje lə-a na: Mba ɗi ɓa n-usa ne gə njembo̰ lar gədə ɓeje gə njeneɗaje gə kṵra̰y naa gə wa?

Lugu 23:22

Gɔl munda lə-a ja cibi n-pa n-ar-je na: Ne gə kṵra̰y gə ban ɓa dəw nee le ɗa wa? M-inga ne kara be rɔ-ɛ gə ang, gə asə mba kar n-inga nee yo ang. Be nama, kunda ja baa m-a kar-je d-unda-a ɗaa, m-a kḭya̰-a kila-a taar.

Lugu 23:4

Pilad pa ar buba njekapoloje gə bula dəwje na: M-o gəl ne kara gə m-a kila ne tar dɔ dəw gə nee ang.

Lugu 5:30

Parijiyɛ̰je je gə njekɔr gəl toronduje ꞌyəngə tar ngaɓa ꞌpa d-ar ngan njenendoje lə-a na: Mba ɗi ɓa usa-je ne gə ay-je ne gə njembo̰ lar gədə ɓeje gə njeneɗaje gə kṵra̰y naa gə wa?

Jean 12:29

Bula dəwje gə d-ar lo-e gə ɓa ꞌtuga mbi-je d-o ne ndu le ꞌpa na to gə nji ɓa ndangə. Nje gə ɗangə tɔ ɗaa ꞌpa na to gə anji ɓa pa sə-a tar.

Koula 11:17

To gə ɓo Luba ja ar-je nekarə baa ɗəw kara baa to gə ar-sije gə ja ta kagə Mbayɓe Jeju Kirisi ɗaa ꞌma m-to na ja ɓa m-a kasə kila kagə no Luba gə wa?

Koula 22:6

Logə m-aw nja ɗəw boo ngaɓa m-nay dəb gə ɓe gə Damasə, gə kar gə ar dana gadə-gadə ɗaa ndogo gə boy ja ḭ dara ce bus baa ja, dəbə-m guburu ila-m dana.

Koula 22:7

M-ce m-oso nangə burugə ɗaa m-o ndu dəw pa na: Sɔl, Sɔl, ula kəm ndoo mba ɗi wa?

Koula 23:29

Lo-e gə nee ɗaa m-o to gə tar d-ila dɔ-ɛ gə le ɔji dɔ tar ma̰y gə ɗe go torondu lə-je ɓo tar kara gə asə kar n-inga ne yo ose d-a tɔ-ɛ gə kula lar le godo.

Koula 23:8

Mba Sadusiyɛ̰je le ꞌpa to gə, ce buwa yo gə godo nəm, gə anji godo, gə njil kara godo ngaa Parijiyɛ̰je na neje nee le ga̰ ja.

Koula 25:25

ꞌMa m-o to gə ne kara gə n-ɗa gə asə gangə ne tar yo dɔ-ɛ gə le godo ngaa ꞌne ja njigi kaw no Sejar gə ɗaa ꞌma kara m-njigi kula kəne tɔ.

Koula 26:31

d-ɔdə ɗaa ꞌpa tar horo naa gə na: Dəw nee le, ɗa ne kara gə asə yo ose asə tɔ-ɛ ne gə kula lar ang.

Koula 27:23

Anji lə Luba gə m-to njeka-ɛ gə m-aw m-pol-e ɗe ce dɔ-m gə cil nee,

Koula 5:39

a tuji, ngaa to gə ɓo ḭ rɔ Luba gə nama a kasəje mba tujije ang. Oje gə maj-ɛ ɓa na a kḭ kila-je ɗɔ gə Luba.

Koula 9:4

N-ce n-oso nangə ɗaa n-o ndu dəw pa ar-ɛ na: Sɔl, Sɔl, mba ɗi ɓa ula kəm-m ndoo wa?

1 Corinthiendjé 10:22

Ja njigi kɔsəje kudu nər mə lə Mbayɓe wa? J-uba singa j-unda-a wa?