Koula 23:1 - Mbede Lə Luba Kone Gə Sigi

¹ Kəm Pɔl to gə dɔ nje gə no ngɔ gə nda̰a̰ ngaɓa pa na: Ngan ko̰-mje, m-nja no Luba gə gə kəji gə may ja saar ce ɓogəne.

Testament ke Siki 1960 (Kabba Laka)

¹ Paul aa ndjè gange sariadjé nya pana, Ngakömdjé, ma misi kem Allah té ke kedji ke madji nderèng bokonè.

Koula 23:1 ပူးပေါင်းရင်းမြစ်များ

Matiye 5:22

Ngaa ꞌma, m-a pa kar-si: Dəw gə wungu to-e dɔ ngon ko̰-ɛ gə nama tar a kuwa dɔ-ɛ. Ngaɓa dəw gə taji ngon ko̰-ɛ na to mbə nama d-a kaw sə-a no nje gə no ngɔ gangə tar gə lə Jiibije. Dəw gə ɓar ngon ko̰-ɛ ɛbɛ nama d-a kila kəm pər gə.

Koula 22:1

Ngan ko̰-mje gə bɔy-jeje, ꞌtuga-je mbi-si oje ne tar gə m-njigi pa kar-si dɔ kar gə nee mba ma̰y ne tar dɔ rɔ-m gə.

Koula 22:30

Lokar-ɛ ɗaa ꞌnjigi gərə gəl ne Jiibije d-ila ne tar dɔ Pɔl gə le ɗaa, d-ɔr-ɛ ngaɓa d-un ɗəw d-ar buba njekapoloje gə nje gə no ngɔ gangə tar gə lə Jiibije tɔ̰y mba kar ꞌmbo̰ naa, ngaɓa d-aw gə Pɔl no-je gə.

Koula 22:5

Buba njekapolo kara to njetar naji lə-m tɔ ngaɓa ngatɔgəje tɔ̰y nəm, ɓa ꞌɗa mbede d-un ne ɗəw d-ar-m ɔji dɔ ngan ko̰ naaje gə mə ɓe gə Damasə, mba kar-m m-aw kəne ɓo m-tɔ-je m-ɗe gə je Jerujalɛm mba kar ꞌbɛ̰ ta-je.

Koula 23:15

Ɓisine ɗaa sisəy le, may kar-si ꞌpaje ngadə ar-je njekun dɔ njeɗɔje gə tɔl-tɔl dɔg le to gə ndu-si asə naa gə nje gə no ngɔ gangə tar gə lə Jiibije mba kar ꞌɗe sə-a to to gə a kaw tən-je tar le gə maj-ɛ koje ɗaa sijee j-a kum ba̰a̰ mba tɔl-ɛ nam ɓa kar-ɛ n-ce rɔ-si gə ɓi.

Koula 23:20

N-pa na: Jiibije d-unda ndu-je naa gə mba dəji-i kar bara nama aw gə Pɔl no ngɔ gangə tar gə lə Jiibije, to to gə d-a kaw ɗa tar lə-a be.

Koula 23:28

Be ɓa m-njigi gərə gəl ne gə d-ila ne tar dɔ-ɛ gə ɗaa m-aw sə-a no ngɔ gangə tar gə lə-je.

Koula 23:6

Logə Pɔl gərə to gə dəwje gə mbo̰ naa le dəbəje gə kara to Sadusiyɛ̰je ngaɓa ye gə kara to Parijiyɛ̰je tɔ ɗaa, pa tar uru ne ꞌkuwi no ngɔ gangə tar gə lə Jiibije na: Ngan ko̰-m, ꞌma m-to Parijiyɛ̰, gə ngon kuji Parijiyɛ̰, mba tar nekunda mə gə tar ce buwa yo gə lə nje gə d-uy ɓa m-ar ne lo gangə tar nee.

Koula 24:16

Gəl-e gə nee ɓa ꞌma kara m-ula rɔ-m ndubu gə dɔ karje tɔ̰y mba kar dəw ila tar dɔ kəji gə lə-m no Luba gə ngaɓa no dəwje gə ang.

Koula 6:15

Dəwje tɔ̰y gə d-isi no ngɔ gangə tar gə lə Jiibjije le kəm-je nunga-a pal-pal ɗaa d-o ngo no-ɛ ta naa gə ngo no anji.

1 Corinthiendjé 4:4

ngaa ɔji dɔ ꞌye gə nən ɓa d-o-m ne gə dəw gə gadə-gadə ang, nje gangə tar dɔ-m gə to Mbayɓe.

2 Corinthiendjé 1:12

Mba gəl ne gə sijee j-unda ne kar-si le, to gə tar naji gə mə kəji lə-si gə to nee: sijee ja nja pa nja gə horo dəwje gə dɔ nangə gə nee, ngaɓa horo-sisəy gə ja dɔ ngɔ, gə kɔsə rɔ ang, ngaɓa gə karə ngadə gə ḭ rɔ Luba gə; ɗaa mənuji lə Luba ɓa ɔr no-si ɓo kəm karə gə darɔ gə ang

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

2 Timoce 1:3

M-təl gə oyo m-ar Luba gə m-pol-e gə kəji gə arə ngadə to to gə ka-mje gə kede le, ngaɓa logə m-aw m-dəji Luba taar-taar ja nama m-ila ri kəne, cil gə kar;

Ebərəje 13:18

ꞌDəjije Luba mba sijee, mba j-a gərə to gə kəji lə-sijee to gə maj-ɛ, gə mə-si gə njigi mba nja gə maj-ɛ dan neje gə tɔ̰y.

1 Piyɛr 3:16

ɗaa ꞌpaje gə ndu gɔsə gə kul yururu gə kila kuji, ar-je kəji gə may ɓa uwa mə-si, mba kar lo gə d-aw ꞌpa gə si kəne nama, rɔ kul ɗa ne nje pa tarje gə kṵra̰y dɔ pa nja-si gə may gə ɗəw gə lə Kirisi.