Koula 22:20 - Mbede Lə Luba Kone Gə Sigi

²⁰ ngaɓa ndɔ gə d-aw d-ila məsə Etiyɛn, njetar naji lə-i nangə le, ꞌma ja kara m-ga̰ kəne nəm, m-njigi go-e nəm ngaɓa m-ngom kubuje lə njetɔl-ɛje nəm tɔ.

Testament ke Siki 1960 (Kabba Laka)

²⁰ Tokou mese ndjè tar nadji loi Etienne oula nange, ma marr lé té ndja tò, mam ndiki gè ke mam ngem koubou lo ndjè ke tòlè.

Koula 22:20 ပူးပေါင်းရင်းမြစ်များ

Lugu 11:48

Be ɓa, sisəy ja ꞌtoje njetar najije ngaɓa ꞌnjigije dɔ neje gə ka-sijee ꞌɗa, ꞌjeje gə ꞌto nje tɔl pajambərəje, ɗaa sisəy ngaa ꞌtoje njekunda dɔbarə-jeje!

Koula 26:10

Ye ɓa m-ɗa mə ɓe gə Jerujalɛm tɔ, logə buba njekapoloje d-un ndu d-ar-m nama m-tuwa njerɔsangəje bula m-um-je kəy kula gə ngaɓa ꞌnjigi mba tɔl-je nama ꞌma ja kara m-njigi gə je go-e tɔ.

Koula 6:5

Tar gə nee ləl bula dəwje tɔ̰y. Be ɓa ꞌmbərə Etiyɛn gə to njetakagə gə to ɓəəl ya̰ ngaɓa Njil Njerɔsangə kara ɗusu m-e nəm, gə Pilibi, gə Porokɔr, gə Nikanɔr, gə Timo, gə Parəmenas ngaɓa Nikola gə to ngon njeɓe gə Antiyos ɓa təl Jiibi.

Koula 7:58

d-ɔs-ɛ d-ila gir ɓe gə ɗaga ngaɓa ꞌtila-a gə kɔr ər. Njetar naj-ɛje le ꞌtɔr kubuje lə-je d-um ngira gɔl ngon basa̰ kara gə ri-a na Sɔl.

Koula 8:1

Be ɓa Sɔl njigi gə je go ꞌtɔl gə tɔl Etiyɛn le. Dɔ ndɔ-ɛ gə əng le nekəmandoo gə boy ja oso dɔ Mbo̰ naa lə njetakagəje gə d-isi Jerujalɛm ɗaa njeka̰ykulaje ja gə kar-je baa ꞌnay ngaa ꞌjejee tɔ̰y ja ꞌja̰rɛ̰ naa dɔ nangə gə Jude gə Samari.

Romaindjé 1:32

ꞌgərə-je ndu Luba gə maj-ɛ, to gə dəwje gə ꞌɗa neje gə to gə bənəng le d-asə kuy, ꞌɗa gə ɗa baa ang ngaa njeɗa-ɛje kara ꞌjejee d-um gə je naa gə kara baa.

Apocalypse 17:6

Ɗaa m-o jene gə ay məsə njerɔsangəje gə njetar najije lə Jeju ar ɗ-ɛ to gə kodo be. Logə m-o-e ɗaa lo tar igi-m sɛl.

Apocalypse 2:13

M-gərə lo gə isi kəne: lo-e nee le to dɔ ngəndəng mbay lə ꞌSu. Ngaa ꞌi le um mə-i dɔ ri-m gə jəb-jəb ngaɓa kagə-m gə ꞌta le uba ḭya̰ ang, dɔ ndɔje gə lə A̰tipas gə nje pa tar naji lə-m gə ngon kuji ja kara, ꞌtɔl-ɛ ɓe lə-si, lo gə ꞌSu isi kəne.