Koula 22:16 - Mbede Lə Luba Kone Gə Sigi

¹⁶ Ngaa ɓisine ꞌngə̰y mba ɗi cibi wa? Ḭ taar, ɓo ar ꞌɗa-i batɛm ngaɓa ꞌto go neɗaje gə kṵra̰y lə-i gə go ri-a gə a ɓar.

Testament ke Siki 1960 (Kabba Laka)

¹⁶ Di baa ao ngebe loshénè wa? Ï tarr, inga baptême, etoko né ke madjang loi ke dang deo bar ri Jésus té.

Koula 22:16 ပူးပေါင်းရင်းမြစ်များ

Jean 13:8

Piyɛr pa ar-ɛ na: A togo gɔl-m ꞌma wɔ̰y! Ɓədə be ang! Jeju ila-a kəne na: To gə ɓo m-togo gɔl-i ang nama a kinga ne kara ji-m gə ang.

Koula 2:21

Be ɓa dəw gə ɗa-ɗa gə ila ndu-e nangə ɓar ne ri Mbayɓe nama a kinga kaji.

Koula 2:38

Piyɛr pa ar-je na: ꞌTuruje kəji lə-si, ngaɓa na-na ja kara ar ꞌɗ-ɛ batɛm gə ri Jeju Kirisi, mba kar tar neɗa gə kṵra̰y ɔr ne dɔ-ɛ gə, ɗaa a kingaje nenuji lə Njil Njerɔsangə.

Koula 7:59

Logə d-aw ɗɔ Etiyɛn gə kɔr ər ɗaa, dəji Luba na: Mbayɓe Jeju ꞌta njil-im.

Koula 9:14

Ngaɓa buba njekapoloje d-un ndu d-ar-ɛ n-ɗe nee mba kar n-tuwa ne dəwje tɔ̰y gə ꞌɓar ri-i.

Koula 9:18

Dɔ kar-ɛ gə nee ja ne ce kəm-e gə to to gə nguway kənji be gə̰y nangə ɗaa n-təl n-o lo. Be ɓa n-ḭ taar ɗaa ꞌɗ-ɛ batɛm,

1 Corinthiendjé 1:2

J-a ɗa mbede nee j-ar Mbo̰ naa lə njetakagəje lə Luba gə to Kɔrɛnt, nje gə d-unda-je gə losang-ɛ gəl Kirisi Jeju gə, mba kar-je ꞌto njerɔsangəje gə go ɓar gə ꞌɓar-je, naa gə kara baa gə sijee tɔ̰y, gə lo tɔ̰y gə ꞌɓar ri Mbayɓe Jeju Kirisi gə to Mbayɓe lə-sijee gə lə-ꞌjejee tɔ.

1 Corinthiendjé 12:13

Mba mə Njil gə kara ɗəgədə nee ja sijee tɔ̰y gə ja to darɔ gə kara baa le, ꞌɗa-si batɛm tɔ̰y kəne, Jiibije, gə nje gə to Jiibije ang, gə ɓərəje, gə nje dɔ-je to doy, ngaɓa Njil gə kara nee le ja tɔl kunda lə-si tɔ̰y.

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

Galatedjé 3:27

sisəy tɔ̰y gə umje naa gə gə Kirisi ɗəw batɛm gə, ꞌtəlje taje ne naa gə Kirisi.

Ephésiendjé 5:26

n-tog-e ne gə man gə to gə tar, mba kunda-a gə losang-ɛ

Tite 3:5

ɗaa mba kula ɗa-si gə gadə-gadə ɓa n-aji ne si ang, ngaa to gə məmay lə-a gə n-togo-si ne ɗəw kuji gə sigi gə ngaɓa gə go Njil Njerɔsangə gə ar-si təbə gə sigi.

Ebərəje 10:22

Gəl-e gə nee ɓa, j-ulaje kudu-si gə kede gə mə gə tɔ joo ang, ngaa gə takagə gə tɔgərɔ, gə mə gə ꞌtogo kəji gə kṵra̰y kəne ngaɓa gə darɔ gə ꞌtogo gə man gə arə ngadə tɔ.

1 Piyɛr 3:21

To ndaji batɛm gə aji-si ɓogəne, gə to ɗəw gə ꞌtogo ne neje gə mina darɔ dəw gə ɗaga ang, ngaa, to kun gə dəw un rɔ-ɛ gə kəji gə may ar Luba, ɗəw ce buwa yo gə lə Jeju Kirisi.