Koula 22:1 - Mbede Lə Luba Kone Gə Sigi

¹ Ngan ko̰-mje gə bɔy-jeje, ꞌtuga-je mbi-si oje ne tar gə m-njigi pa kar-si dɔ kar gə nee mba ma̰y ne tar dɔ rɔ-m gə.

Testament ke Siki 1960 (Kabba Laka)

¹ Ngakömdjé ke bòmdjédèdè, woidjé tar ke ma mpa maresè bokonè ta ngem rom.

Koula 22:1 ပူးပေါင်းရင်းမြစ်များ

Lugu 12:11

Logə d-a kuwa-si kaw gə si mə kəy nendo gə, no nje gangə tar gə ose no njeko̰ ɓeje nama, ꞌnoje rɔ-si mba gusu gə a paje ne tar ang, ɓa ɔji dɔ tar gə a paje ang nəm tɔ;

Lugu 21:14

Undaje mə-si to gə sisəy ɓa a kəji-je tar gə a paje gə mba ta ne dɔ rɔ-si ang.

Koula 13:26

Ngan ko̰-mje, sisəy gə gəl kuji Abəraham gə ngaɓa nje ꞌɓəəl Luba horo-si gə, tar kaji nee le, sijee ja ɓa Luba ula-a ne ar-si.

Koula 19:33

Be ɓa Alɛgəjandərə gə Jiibije ɔs-ɛ gə kede-kede le d-ar-ɛ ce ar no dəwje gə ngaɓa un ji-a bil, cibi sangə ɗəw mba ma̰y tar dɔ rɔ-ɛ gə kəm dəw mə ɓeje gə.

Koula 23:1

Kəm Pɔl to gə dɔ nje gə no ngɔ gə nda̰a̰ ngaɓa pa na: Ngan ko̰-mje, m-nja no Luba gə gə kəji gə may ja saar ce ɓogəne.

Koula 23:6

Logə Pɔl gərə to gə dəwje gə mbo̰ naa le dəbəje gə kara to Sadusiyɛ̰je ngaɓa ye gə kara to Parijiyɛ̰je tɔ ɗaa, pa tar uru ne ꞌkuwi no ngɔ gangə tar gə lə Jiibije na: Ngan ko̰-m, ꞌma m-to Parijiyɛ̰, gə ngon kuji Parijiyɛ̰, mba tar nekunda mə gə tar ce buwa yo gə lə nje gə d-uy ɓa m-ar ne lo gangə tar nee.

Koula 24:10

Go-e gə ngaɓa njeko̰ ɓe ɗa ji-a un ne ɗəw ar Pɔl kar-ɛ pa tar ɗaa Pɔl pa na: M-gərə to gə asə ɓalje bula ja ꞌto nje gangə tar dɔ gəl kuji gə nee gə ɗaa m-ḭya̰ mə-m yag ja mba pa tar ta ne dɔ rɔ-m.

Koula 25:16

Be ɓa m-ila-je kəne m-pa na, dəwje gə Rɔm le, nam ɓa kar d-ila dəw mə ji nje gə d-aw sə-a gə tar gə nama, d-ar d-inga naa d-o tar le kəm naa gə ngaɓa dəw gə d-ila tar dɔ-ɛ gə le kara d-ḭya̰ ɗəw d-ar pa tar dɔ rɔ-ɛ gə tɔ ɓa.

Koula 25:8

Pɔl pa tar dɔ rɔ-ɛ gə na: M-ɗa ne gə kṵra̰y kara ɔji dɔ torondu lə Jiibije ang nəm, ɔji dɔ kəy lə Luba ang nəm ngaɓa ɔji dɔ Sejar ang nəm tɔ.

Koula 26:24

Logə n-aw n-pa tar neje nee le n-ta ne dɔ rɔ-ɛ to gə be ɗaa, Pɛsətus pa tar gə singa na: ꞌTo mbə, Pɔl! ꞌGərə ne ya̰ ɗaa tur-i ila-i mbə gə baa!

Koula 28:17

Ndɔ munda nday ɗaa Pɔl ɓar buba ɓeje lə Jiibije ngaɓa logə ꞌmbo̰ naa ɗaa n-pa tarje gə nee n-ar-je na: Ngan ko̰ naaje, m-ɗa ne kara gə kṵra̰y gə dəw mə ɓeje ang nəm, ɔji dɔ nejiɓe lə bɔ-sijee-je ang nəm ja d-uwa-m d-ila-m kəy kula gə Jerujalɛm ngaɓa d-ila mə ji nje gə Rɔm gə.

Koula 7:2

Etiyɛn ila kəne na: Sisəy ngan ko̰-mje gə bɔ-sijee, oje tar gə nee! Logə ka sijee Abəraham isi ne dɔ nangə gə Mejopotami nam ɓa kar-ɛ aw ɗa ɓe Hara̰ le, Luba gə njerɔnduba kila rɔ-ɛ ar Abəraham,

Romaindjé 2:15

ꞌtɔji-je ɗəw kula ɗa-je to gə torondu le d-unja dɔ ɓəngərə-je gə kəy; kəji lə-je kara ɗa tar naj-ɛ tɔ, ngaɓa kəji tar lə-je ila tar dɔ-je gə ose ɔr tar dɔ-je gə ore go na-na.

1 Corinthiendjé 9:3

Dəwje gə d-ila tar dɔ-m gə le, oje tar gə m-a pa dɔ rɔ-m gə ɓa nee:

2 Corinthiendjé 12:19

Ləw baa ja le, sisəy əjije to gə j-aw sangə mba to gadə-gadə no sisəy gə. Sisəy gə ja njigi-si ya̰ le, sijee le ja pa tar no Luba gə, gə no Kirisi gə mba kar takagə lə-sisəy mongə ne.

2 Corinthiendjé 7:11

Be ɓa, oje neje gə kəmtondoo gə nje kara baa gə may ta kəm Luba gə, uji mə-sisəy gə le ɓa nee: kisi kəgəgə, pa tar dɔ rɔ gə, rɔ kul neɗa gə kṵra̰y, ɓəəl, tar ko-m gə o̰-sisəy, tar ɗa kula gə o̰-sisəy, kɔsə ne gə kṵra̰y ngərəng. Sisəy ꞌtɔjije gə darɔ-si ja to gə ꞌtoje dəwje gə may pɛdə mə neje gə nee le.

Philippiendjé 1:17

ngaa nje gə kɛm d-ila mbərə lə Kirisi le gə kəji tɔsə tar; neje gə uwa mə-je kar ꞌɗa le, kud-e arə ang ngaɓa d-əji to gə d-ila neməko̰ dɔ kuwa gə d-uwa-m d-ila-m kəy kula gə nəm.

Philippiendjé 1:7

To gə dɔ gɔl-ɛ ja mba kar ꞌma m-əji tar gə to gə be dɔ-si gə tɔ̰y, mba mə-m uy dɔ-si ang, mba m-ar njang ngaɓa m-ɗa ɗɔ mba Tar gə May gə m-ila mbər-e le ɗaa ɓogəne gə m-to kəy kula gə kara sisəy ingaje sə-m mənuji lə Luba naa gə kara baa.

2 Timoce 4:16

Dɔngɔr tar gə m-ma̰y dɔ rɔ-m gə no ngɔ gangə tar gə le, dəw kara kara ila gəl-m gə ang, dəwje tɔ̰y ja ꞌmbadə-m. Ɗaa may kar tar-ɛ uwa dɔ-je ang!

1 Piyɛr 3:15

Ngaa ꞌsangəje dɔ ɓəngərə-si mba Kirisi, may kar isije kəgəgə mba pa tar dɔ rɔ-si kar dəw gə ɗa-ɗa gə dəji tar ne kunda mə gə lə-si,