Koula 21:34 - Mbede Lə Luba Kone Gə Sigi

³⁴ Ngaa horo bula dəwje gə le d-uru ꞌkuwi gə yo gə nee ar n-asə gərə gəl ne kara gə ꞌɗa ne ne le ang, ɗaa n-un ndu-e mba kar d-aw sə-a mə ndogo bɔrɔ gə.

Testament ke Siki 1960 (Kabba Laka)

³⁴ Mare dooudjé ke horo dooudjé té ke baya baya pa tar kada, maredjé pa tar dang, tokou ban mbata nè nase geré gel tar ang mbata boula nya, nè mpa ta kare dao ke Paul kei té lo ndjè pouroudjé.

Koula 21:34 ပူးပေါင်းရင်းမြစ်များ

Koula 19:32

Dəwje d-uru ꞌkuwi gə yo gə nee baa mba ꞌgərə dɔ ji-je ang ngaɓa dəwje bula ja gərə gəl ne gə ꞌmbo̰ ne naa le ang.

Koula 21:37

Logə d-a kaw kandə sə-a gə mə ndogo bɔrɔ gə ɗaa Pɔl pa ar njekun dɔ njeɗɔje gə tɔl-tɔl dɔg le na: Ɗəw to kar m-pa tar kara m-ar-i wa? N-təl n-ila kəne na: ꞌGərə ndo̰ tar gərɛk wa?

Koula 22:24

Be ɓa mbay lə njeɗɔje gə tɔl-tɔl dɔg le un ɗəw ar d-ar Pɔl andə mə ndogo bɔrɔ gə ngaɓa kar ꞌlab-ɛ gə ndəy ɓa gə mba gərə ne gəl ne gə d-uru ne ꞌkuwi kəm tar dɔ-ɛ to gə be le.

Koula 22:30

Lokar-ɛ ɗaa ꞌnjigi gərə gəl ne Jiibije d-ila ne tar dɔ Pɔl gə le ɗaa, d-ɔr-ɛ ngaɓa d-un ɗəw d-ar buba njekapoloje gə nje gə no ngɔ gangə tar gə lə Jiibije tɔ̰y mba kar ꞌmbo̰ naa, ngaɓa d-aw gə Pɔl no-je gə.

Koula 23:10

Logə ma̰y tar le aw mongə ya̰ ɗaa, njekun dɔ njeɗɔje gə tɔl-tɔl dɔg le ɓəəl na d-a kḭ tuga Pɔl jag-jag ɗaa un ɗəw ar njeɗɔje mba kar d-ɔr-ɛ horo-je gə ɓo d-aw sə-a mə ndogo bɔrɔ gə.

Koula 23:16

Be ɓa ngon lə ko̰ nan Pɔl o tar ba̰a̰ gə d-a kum le ɗaa ɔdə aw mə ndogo bɔrɔ gə le, aw pa tar-ɛ ar Pɔl.

Koula 23:32

Lokar-ɛ ɗaa d-ḭya̰ njekundaje ngaa d-ar-je d-aw gə Pɔl ngaa njeɗɔje d-ɔsə ꞌtəl d-aw mə ndogo bɔrɔ gə gugu.

Koula 25:26

M-o ne kara gə arə ngadə gə m-a ɗa mbede gə kar yejeje ɔji dɔ-ɛ ang; gəl-e gə nee ɓa m-ar-ɛ n-ɗe no-si gə, ngaɓa no-i ꞌi mbay Agiripa gə mba kar gə go tarje gə a dəji-e nama m-a kinga ne ne gə m-a ɗa mbede gə.