Koula 21:3 - Mbede Lə Luba Kone Gə Sigi

³ Logə j-o ɓe gə Sipərə no-si gə ɗaa j-unja gə ɗəw gə dɔ gəl ngaɓa j-a ləl to dɔ-si gə Siiri, ɓa gə mba ce ne Tir gə d-a kɔr nekodoje nangə kəne.

Testament ke Siki 1960 (Kabba Laka)

³ Tokou djèdjè djao Chypre djèdjè ndai er ke gèl, djao Syrie té, djèdjè ntéh daka Tyr té, mbata loou té ke noun a da kòrou né koto toï ke mè to té.

Koula 21:3 ပူးပေါင်းရင်းမြစ်များ

Matiye 11:21

Nekəmandoo to kar ꞌi ɓe gə Korajɛ̰! Nekəmandoo to kar ꞌi gə ɓe gə Bɛdəsayida! Mba nemisije gə ꞌɗa horo-si gə to gə ɓo neje nee le ꞌɗa mə ɓe gə Sido̰ gə mə ɓe gə Tir nama, ləw baa nee le, d-a turu kəji ɗəw kula kubu ndoo gə d-uji gə bḭ gum, d-a rɔgə rɔ-je bu gə.

Matiye 4:24

No kula lə Jeju oso dɔ nangə gə Siiri ja tɔ̰y. ꞌƊe gə dəwje tɔ̰y gə rɔko̰je bula ula kəm-je ndoo gə naməje dang-dang, nje gə njilje gə kṵra̰y ula gərəng mə-je gə, njeməngərəje, gə nje gə dəbə rɔ-je uy ɗaa n-aji-je.

Lugu 10:13

Nekəmandoo to kar ꞌi ɓe gə Korajɛ̰! Nekəmandoo to kar ꞌi ɓe gə Bɛdəsayida! Mba nemisije gə ꞌɗa horo-si gə le, to gə ɓo neje nee le ꞌɗa mə gə ɓe gə Tir gə mə ɓe gə Sido̰ nama, ləw baa nee le, d-a turu kəji lə-je, kula kubu ndoo gə d-uji gə bḭ gum, gə rɔgə rɔ-je bu gə.

Lugu 2:2

Dɔngɔr tura dəwje nee le to dɔ ndɔ gə Kiriniyus to ne njeko̰ ɓe dɔ nangə gə Siiri.

Koula 11:19

Nje gə ꞌja̰rɛ̰ naa mba nekəmtondoo gə ce dɔ-je ɔji dɔ Etiyɛn le d-a̰y saar ꞌce Penisi, gə Sipərə ngaɓa ꞌce ɓebo Antiyos tɔ ɗaa ꞌpa tar neje nee le d-ar dəwje gə ɗangə ang ngaa ꞌpa d-ar Jiibije ja baa.

Koula 12:20

Mə Erɔdə o̰-ɛ dɔ njeɓeje gə Tir gə, gə nje gə Sido̰. Ngaa d-um mə-je naa gə ꞌɗe d-inga ngaɓa logə ꞌgɔlje tar gə ngon njekula gə mə kəy gə lə Erɔdə, gə ri-a na Balasətus ɗa ar ꞌgɔlje gə Erɔdə le d-ar ɗɛgɛgɛ to ne horo-je gə mba nekusa ta dəwje nee tɔ̰y le ḭ mə ɓe gə lə mbay le.

Koula 13:4

Barənabas je gə Sɔl le Njil Njerɔsangə ula-je to gə be ɗaa d-aw ꞌce mə ɓebo gə Seləsi ngaɓa d-al to mba kaw dɔ-je gə ɓe gə Sipərə.

Koula 15:23

ꞌƊa mbede to gə be d-ar-je na: Ngan ko̰-si, njeka̰ykulaje gə ngatɔgəje ꞌɗa mbede d-ar-sisəy ngan ko̰ naaje gə to Jiibije ang gə gə d-isi Antiyos, gə dɔ nangə gə Siiri gə Silisi. J-o si ɓa.

Koula 15:39

Lo-e gə nee ɗaa məko̰ gə boy oso horo-je ar ꞌkay naa ɗəw. Be ɓa Barənabas ɔr Marəke, ar d-al to d-aw gə Sipərə.

Koula 15:41

ꞌNday gə ɗəw dɔ nangə gə Siiri gə Silisi d-ula jingaw mə Mbo̰ naaje lə njetakagəje.

Koula 18:18

Pɔl isi kəne ɗa ndɔ bula ja cibi. Go-e gə ngaɓa ḭya̰ ngan ko̰ naaje, al to aw gə ɓeko̰ gə Siiri naa gə kara baa gə Pirisika je gə Akilas. ꞌCe Sa̰kəre ɗaa Pɔl ar-je ꞌgisa dɔ-ɛ kəne mba un ndu-e.

Koula 21:16

Ngan njenendoje gə Sejare kara ꞌɗe gə si tɔ ɗaa j-aw kəy lə dəw kara gə ri-a na Naso̰ gə ɓe lə-a Sipərə, n-to ngon njenendo ləw baa ɗaa kəy lə-a ɓa d-a kar j-a to kəne.

Koula 21:2

Lo-e gə nee le j-inga to gə aw nday gə Penisi ɗaa j-al j-aw ne.

Koula 21:7

J-a ləl to j-a ce mə ɓe gə Tir ɓa j-ḭ kəne j-aw Tolemɛ, j-o ngan ko̰-si kəne ngaɓa j-isi gə je ndɔ kara.

Koula 27:4

J-ɔdə kəne əng ɗaa j-uwa mbo kar lo gə Sipərə mba ləl ula cila kəm-si.

Koula 4:36

Jəjəb gə njeka̰ykulaje d-unda ri-a na Barənabas gə kɔr m-e na dəw gə njekula jingaw mə dəwje gə, n-to gə gəl kuji Lebi gə, ɓe lə-a Sipərə,