Koula 21:11 - Mbede Lə Luba Kone Gə Sigi

¹¹ Logə n-ɗe n-inga-si ɗaa n-ɔr gagəra lə Pɔl, n-tɔ ne gɔl-ɛ gə ji-a ngaɓa n-pa na: Oje tar gə Njil Njerɔsangə pa ɓa nee: Dəw gə nje gagəra nee le Jiibije d-a tɔ-ɛ to gə be ja tɔ a Jerujalɛm ngaɓa d-a kila mə ji dəwje gə ꞌgərə Luba ang gə.

Testament ke Siki 1960 (Kabba Laka)

¹¹ Tokou nè ndé ròdjè té nè noun ndar lo Paul ke nè nto né gòlè ke dja, nè mpana, Ndil ke madji toï pa ban, Tokou ban Juifdjé ke Jérusalem a tò doou ke ndjè ndar nèn ta kilè dji Gentildjé té.

Koula 21:11 ပူးပေါင်းရင်းမြစ်များ

Jean 18:1

Go tar gə n-pa ɗaa, Jeju ɔsə lo ce gə ngan njenendoje lə-a mba kaw tura man ər gə ꞌɓar-ɛ na Sedəro̰; ꞌne je gə ngan njenendoje lə-a d-aw mə ndɔ gə to lo-e gə nee le.

Koula 13:2

Logə d-aw ꞌpolo Luba ngaɓa ꞌtɔl mə-je ɓo ɗaa Njil Njerɔsangə na: Ɔrəje Barənabas je gə Sɔl undaje-je ɓədə mba kula gə m-ɓar-je mb-ɛ.

Koula 16:6

Dɔ ndɔ-ɛ nee le Njil Njerɔsangə ɔgə-je ɗəw kila mbərə tar dɔ nangə gə Aji. Be ɓa ꞌnday-je ɓeko̰je gə Piriji gə Galasi taar.

Koula 20:23

ne kara baa le, gə ɓeboje kara kara ja, Njil Njerɔsangə tɔji-m ngaɓa pa ar-m to gə d-a tɔ-m ngaɓa neməsərəje d-aw ngina-m.

Koula 21:33

Be ɓa njekun dɔ njeɗɔje nee le ula ji-a uwa Pɔl ɗaa un ndu kar ꞌtɔ-ɛ gə kula larje joo ngaɓa təl dəji-e se n-to na wa, cibi se ɗi ɓa n-ɗa wa?

Koula 21:4

Be ɓa j-isi kəne ndɔ siri mba j-inga ngan njenendoje kəne. Ngaɓa Njil ɔsə-je ar ꞌpa d-ar Pɔl mba kar aw Jerujalɛm ang.

Koula 22:25

Logə ꞌtɔ-ɛ mba kunda ɗaa Pɔl pa ar mbay lə njeɗɔje gə tɔl gə ar lo-e gə le na: Se ɗəw to kar d-unda ngon njeɓe gə Rɔm lal gangə tar dɔ-ɛ gə wa?

Koula 24:27

Logə ɓal joo nday ɗaa Pɔrsiyus Pɛsətus ngaɓa a ta toro Pilis. Pilis gə njigi may ta kəm Jiibije le ḭya̰ Pɔl gə kəy kula gə baa.

Koula 26:29

Pɔl ila kəne na: Nay njɛ̰ baa ose ya̰ kara m-dəji Luba mba kar ꞌi gə kar-i baa ang ngaa dəwje tɔ̰y gə d-o ndu-m ɓogəne kar ꞌtəl-je to gə ꞌma be lal kar ꞌtɔ si gə kula lar!

Koula 28:17

Ndɔ munda nday ɗaa Pɔl ɓar buba ɓeje lə Jiibije ngaɓa logə ꞌmbo̰ naa ɗaa n-pa tarje gə nee n-ar-je na: Ngan ko̰ naaje, m-ɗa ne kara gə kṵra̰y gə dəw mə ɓeje ang nəm, ɔji dɔ nejiɓe lə bɔ-sijee-je ang nəm ja d-uwa-m d-ila-m kəy kula gə Jerujalɛm ngaɓa d-ila mə ji nje gə Rɔm gə.

Koula 28:20

Gəl-e gə nee ɓa m-dəji ne ɗəw gə mba ko ne si ngaɓa gə mba pa kar-si to gə ɔji dɔ nekunda mə lə Ijirayɛl ɓa ɓogəne d-uwa-m ne gə kula lar.

Koula 28:25

Be ɓa d-aw d-ɔdə gə kəji lə-je gə um naa gə tɔ̰y ang le ɗaa, Pɔl ila tar dɔ mar-ɛ gə na: Tar gə Njil Njerɔsangə pa ar ka-sijee gə ndu Pajambərə Ejay le tɔgərɔ ja, tar gə na:

Koula 8:29

Njil pa ar Pilibi na: Aw gə kede mbɔr pusu kunda gə kən.

Koula 9:16

ɗaa m-a tɔj-ɛ ne ꞌməsərə gə ɗa-ɗa gə n-a ko mba ri-m.

Ephésiendjé 3:1

Gəl-e gə nee ɓa, ꞌma Pɔl gə m-to kəy kula gə ɔji dɔ Kirisi Jeju mba sisəy gə ꞌtoje gə Jiibije ang le.

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Ephésiendjé 6:20

Tar gə May gə nee, gə m-to gə njekila mbər-e le ɓa ꞌtɔ-m ne gə kula lar; may kar-m m-pa tar-ɛ gə ɓəəl ang, ngaɓa gə go ɗəb-e gə may kar-m m-pa ne le ja tɔ.

1 Timoce 4:1

Be ɓa Njil pa arə ngadə ja na: dɔ ndɔ gə gugu le, dəwje gə kɛm d-a tusu takagə lə-je kḭya̰ mba kuwa go kəji gə baa nəm gə netɔjije lə njilje gə kṵra̰y.

2 Timoce 2:9

Mba tar-ɛ ja m-o ne ko̰ saar, tɔ-m ne kula lar to to gə m-to dəw gə ɗa məyɛr be. Ngaa ꞌtɔ Tar lə Luba gə kula lar ang baa.

Ebərəje 10:34

Mba oje kəmtondoo lə nje gə to kəy kula gə, ngaɓa d-uwa si nemayje lə-si ꞌta kara to si ang nəm, mba ꞌgərəje to gə ingaje nemayje gə to ɓəəl gə a to gə ɓal-ɓal nam.

Ebərəje 3:7

Gəl-e gə nee ɓa, gə go tar gə Njil Njerɔsangə pa na: To gə ɓo oje ndu-e ɓogəne nama,

1 Piyɛr 1:12

Be ɓa ꞌkila gəl-e d-ar-je to gə neje nee le ɔji dɔ ꞌjejee ang, ngaa ɔji dɔ sisəy, ɓa ꞌto ne nje kula-ɛje. Ɓisine ɗaa nje gə d-aw d-ila mbərə Tar gə May ꞌpa tar neje nee le d-ar-si ɗəw gə lə Njil Njerɔsangə gə ḭ dara ngaɓa anjije ja kara ꞌsangə mba gərə tɔ.