Koula 20:7 - Mbede Lə Luba Kone Gə Sigi

⁷ Ndɔ dɔmasi le j-a mbo̰ naa mba cɛdə mbə, ɗaa Pɔl uwa gə je dɔ naa saar unda ngang-ɛ dan lo gə mba lo kar-ɛ nama a kɔdə kaw.

Testament ke Siki 1960 (Kabba Laka)

⁷ Ndò té ke dongor ke to ndò shiri, tokou djèdjè mbòna naaté ta kon mourou, Paul pa tar kedè. Nè nedji mèa té ta kao bara. Nè mpa tar nderèng loou oso kon yènènè.

Koula 20:7 ပူးပေါင်းရင်းမြစ်များ

Marəke 16:9

Jeju ce buwa yo gə gə ndɔ dɔmasi gə ndɔɔ-sḭ, N-ce n-ar Məri gə Magədala gə n-tɔbə njilje gə kṵra̰y siri m-e gə ja o-e kede.

Lugu 22:19

Cibi, Jeju un mbə, ɗaa ar oyo Luba ngaɓa uwa cɛdə dana ula ar-je pa ne tar t-ɛ gə na: ꞌYe gə nee to gə darɔ-m gə m-un m-ar-sisəy. ꞌƊaje ne gə nee le oleje ne mə-si dɔ-m gə.

Lugu 24:35

Ɗaa, ꞌjejee d-ɔr gəl neje gə nday dɔ-je gə ɗəw boo ngaɓa gə kəm-je gə unja dɔ-ɛ gə lo gə n-cɛdə mbə dana n-kay-je tɔ.

Jean 20:1

Dɔmasi ɗaa, Məri gə Magədala ce gə lo gə to pi-pi aw dɔbarə gə ɗaa, o to gə pil ər gə to ta dɔbarə gə le d-uwa d-ila mbɔr kara.

Jean 20:19

Kar kumatagə, dɔ ndɔ-ɛ gə nee gə to gə dɔngɔr ndɔ gə mə dɔmasi gə le ngan njenendoje ꞌɓəəl Jiibije ɗaa lo gə d-isi kəne le d-udu ta ɗəw dɔ-je gə badə ja ngaa Jeju ɗe ar dan-je gə dana, ɗaa pa ar-je na: Ɗɛgɛgɛ nay gə si!

Jean 20:26

Ndɔ ji nay joo go-e ɗaa, ngan njenendoje lə-a ꞌga̰ to gə ɗangə mə kəy gə ngaɓa Toma kara ga̰ gə je tɔ. Ta kəy udu badə ja ngaa Jeju ɗe ar dan-je gə dana ɗaa pa ar-je na: Ɗɛgɛgɛ nay gə si!

Koula 16:10

Logə Pɔl o ne lokiya gə to gə be ɗaa, ja sangə ɗəw mba kaw Masedowan gə tɔg-ɛ mba ja gərə to gə Luba ɓar-si kar j-aw j-ila mbərə tar lə Mbayɓe Jeju kəne.

Koula 2:42

Be ɓa gə ndɔ-ndɔ ja ꞌɗe d-ar njeka̰ykulaje ꞌndo-je ne, gə ꞌɗa mə kara, ꞌcɛdə mbə naa gə nəm ngaɓa ꞌdəji Luba naa gə nəm tɔ.

Koula 2:46

Gə ndɔ-ndɔ ja d-um mə-je naa gə d-isi mə kəy gə lə Luba, d-usa ne naa gə kara baa mə kəyje gə lə-je ngaɓa d-usa ne gə rɔləl nəm gə mənda nəm tɔ.

Koula 20:11

Logə n-təl n-aw mə kəy gə taar le ɗaa n-cɛdə mbə n-usa, cibi n-təl n-pa tar kur-e əw saar n-ce ne ta dɔɔɓe gə ɓa n-ɔdə n-aw.

Koula 20:31

Gəl-e gə nee ɓa may kar-si isije kəm baa, ar-je mə-si ol-e to gə ɓal munda ja, kar-a gə cil, m-əw rɔ-m ang, m-ndəji-si kara gə kara, gə man no kəm gə.

Koula 20:5

ꞌJejee nee le d-un ɗəw kede ɗaa d-aw ngina si Torowas.

Koula 20:9

Be ɓa ngon basa̰ kara, ri-a na Ətikus isi kəm bolo kəy gə ɗaa, n-cibi n-rongə mba Pɔl pa gə je tar kur-e əw ya̰, ɗaa ngon basa̰ le ce bolo kəy gə taar gə njekum gə munda le oso. Logə ꞌɗe d-un-e ɗaa, n-uy.

Koula 28:23

Go-e gə ɗaa d-ila ndɔ d-ar-ɛ ngaɓa ꞌɗe bula d-inga-a lo to-e gə. Logə n-ɔr gəl tar lə-a le ɗaa n-ɗa tar naji gə ɔji ɓeko̰ lə Luba ngaɓa n-sangə ɗəw torondu gə lə Moyiji ngaɓa gə mbede lə Pajambərəje, mba cɛdə ne singa-je ɔji dɔ Jeju, un kud-e gə ndɔɔ ja saar ce kar kumatagə.

1 Corinthiendjé 10:16

Ngo nekay kar ndu tɔr gə ja tɔr ndu si kəne le, to gə kum naa gə gə məsə Kirisi ang wa? Mbə gə j-a cɛdə le, to gə kum naa gə gə darɔ Kirisi ang wa?

1 Corinthiendjé 15:10

Ngaa gə go mənuji lə Luba ɓa m-to ne ne gə m-to ɓogəne, ngaɓa mənuji gə m-inga le to ne gə baa ang, m-ɗa kula m-unda-je tɔ̰y, gə go singa-m ꞌma ang ngaa gə go mənuji gə Luba ɓa nay sə-m.

1 Corinthiendjé 16:2

May kar na-na ja kara horo-sisəy gə, dɔngɔr ndɔ gə mə dɔmasi gə ja, un ne asə dɔ singa mə kəy gə lə-a ila gə lo-e, mba kar ꞌngina ndɔ ɗe lə-m ɓa ꞌmbo̰ ne ang.

2 Timoce 4:2

Dɔ ndɔ gə may ose may ang kara, ꞌpa tar lə Luba dɔ-i gə kede, ḭ gə je, ꞌndangə-je ɓo ꞌndəji-je gə kore ur, ngaɓa ꞌtɔji-je ne.

Apocalypse 1:10

Dɔ ndɔ gə lə Mbayɓe ɗaa, Njil Luba ɗe yiil isi dɔ-m gə, ɗaa m-o ndu dəw ɓar go-m gə gugu ɓolong to gə kuul be,