Koula 20:32 - Mbede Lə Luba Kone Gə Sigi

³² Ngaɓa ɓogəne m-iya̰ si mə ji Luba gə, gə tar mənuji gə lə-a, gə a kar-si singa kar tɔgə dɔ takagə gə ngaɓa gə go tar lə-a ja na kar-si ne neduba horo dəwje tɔ̰y gə ꞌto gə losang-ɛ.

Testament ke Siki 1960 (Kabba Laka)

³² Loshénè ma mïyasè dji Allah té ke tar tokou mè madji la, nè ke nase ta karesè ta tokou, ke ta karesè né ndouba ke horodè té toï ke Allah bardè ke daka mbata la ndja.

Koula 20:32 ပူးပေါင်းရင်းမြစ်များ

Marəke 10:17

Logə Jeju oso ɗəw boo mba kaw ɗaa, jingaw kara a̰y ngɔdə ɗe um məkəji-e nangə no-ɛ gə, ngaɓa təl dəji-e na: Njenetɔji, ꞌi gə to dəw gə may, ɗi ɓa m-a ɗa mba kinga ne təbə gə gə ndɔ gə ndɔ wa?

Jean 15:3

Sisəy le, ar-je ngadə nam, mba tar gə m-pa m-ar-si.

Jean 17:17

Unda-je gə losang-ɛ gə ɗəw tar gə tɔgərɔ gə lə-i: Tar lə-i le to tar gə tɔgərɔ.

Koula 11:23

Logə n-ce Antiyos gə to gə n-o mənuji lə Luba ɗaa n-ɗa rɔləl ngaɓa n-ula jingaw mə-je gə mba kar d-um mə-je dɔ Mbayɓe gə.

Koula 14:23

D-unda ngatɔgəje d-ar-je gə Mbo̰ naa lə njetakagəje kara kara ngaɓa go-e gə ɗaa ꞌtɔl mə-je ɓo gə ꞌdəji Luba ngaɓa d-um-je mə ji Mbayɓe gə to gə ꞌta kag-ɛ le.

Koula 14:26

D-ḭ kəne ɗaa ꞌtəl d-al to d-aw Antiyos, lo gə d-ila-je mə ji Luba gə njemənuji gə nam ɓa, d-ar d-aw mba kula gə ꞌɗa-je nee le.

Koula 14:3

Ngaa d-isi kuru-je əw Ikoniyom, ꞌpa tar gə dɔ Mbayɓe gə ngadə-ngadə, ɗaa ye kara ɗa tar naji ɔji dɔ tar mənuji lə-a, ar netɔjije gə neje dang-dang gə kəm dəw o ndɔ kara ang ce ɗəw gə lə-je.

Koula 15:40

Pɔl kara ɔr Silas ɗaa aw tɔ, logə ngan ko̰ naaje d-ila-a mə ji Mbayɓe gə njemənuji gə.

Koula 20:24

Ngaa kara ja kara m-o təbə lə-m gə ne gə to ɓəəl ta kəm gə ang, may kar m-tɔl ta ngɔdə lə-m ngaɓa ta kula gə m-inga ji Mbayɓe Jeju gə, gə to kila mbərə Tar gə May kar mənuji lə Luba.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Koula 9:31

Mbo̰ naa lə njetakagəje gə Jude tɔ̰y, gə Galile gə Samari le dɔ-ɛ to ləl pɛ, inga singa, gə n-nja dan ɓəəl Mbayɓe gə ngaɓa uji mar-ɛ gə kede-kede ɗəw gə lə Njil Njerɔsangə.

Romaindjé 8:17

Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.

1 Corinthiendjé 1:2

J-a ɗa mbede nee j-ar Mbo̰ naa lə njetakagəje lə Luba gə to Kɔrɛnt, nje gə d-unda-je gə losang-ɛ gəl Kirisi Jeju gə, mba kar-je ꞌto njerɔsangəje gə go ɓar gə ꞌɓar-je, naa gə kara baa gə sijee tɔ̰y, gə lo tɔ̰y gə ꞌɓar ri Mbayɓe Jeju Kirisi gə to Mbayɓe lə-sijee gə lə-ꞌjejee tɔ.

1 Corinthiendjé 6:10

nje ɓogoje nəm, nje gə ɓo neje uwa-je ɓərə gə nəm, mbə kodoje nəm, njetaji kilje ose njekunda bagəraje, ꞌjejee tɔ̰y nee le, d-a kuwa ɓeko̰ lə Luba gə nenduba ndɔ kara ang.

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

1 Corinthiendjé 6:9

ꞌGərəje ang baa wa? Nje ɗa ne dɔ buguruje le d-a kuwa ɓeko̰ lə Luba gə nenduba ang. Ərəje rɔ-si dɔ-ɛ gə ang: njekayaje nəm, nje polo magəje nəm, nje ɓogo lo toje nəm, njetəl rɔ-je gə jeneje nəm, jingawje gə njeto gə naaje nəm,

Ephésiendjé 1:14

gə to gə nenduba lə-sijee gə Luba ɔsə gə kɔrə, ngəbə ne ndɔ gə n-a kar-si j-inga kɛs-e gə nay tɔ̰y, lo gə j-a kinga ne kaji gə dɔbo̰ kar j-ɔsə ne pa j-ila ne riɓar dɔ-ɛ gə.

Ephésiendjé 1:18

May kar n-cɛ̰ kəji negərə lə-si n-ila tagə n-ar-si ꞌgərəje ɗi ɓa to gə ne kunda mə gə to ɔji dɔ nje gə n-ɓar-je, ɗi ɓa to gə nenduba lə-a gə gar-ɛ godo, gə to gə nebaw gə ri-a ɓar gə n-uwa dɔ gɔl-ɛ n-ɔji dɔ njerɔsangəje,

Ephésiendjé 4:12

mba tɔji ne ne njerɔsangəje kar ꞌto ne ngan njekulaje gə may pɛdə mba kar darɔ Kirisi ərə ne ɓər-ɓər,

Ephésiendjé 4:16

Ɗəw gə lə-a ꞌne, ngaɓa mbɔr dɔ lokurugo̰je tɔ̰y ɗaa, darɔ ja tɔ̰y nam ta naa gə to ne kara baa, ngaɓa mbara rɔ kara kara tɔ̰y ja ɗa kula ar darɔ le tɔgə ne dan njigi gə.

Ephésiendjé 5:5

Mba, may kar ꞌgərəje gə maj-ɛ, njekaya gə ɗa-ɗa ose njewə̰rə̰ kaya ose ɓərə lə ɓo neje, gə to gə nje polo magə le, nenduba lə-a godo mə ɓeko̰ gə lə Kirisi je gə Luba.

Colossiendjé 1:12

Cibi ꞌɗaje oyo Bɔ dəwje gə rɔləl, gə ɗa ar asə kingaje ne neduba gə njerɔsangəje dan lokarə gə.

Colossiendjé 2:7

ꞌmaaje ngira-si rɔ-ɛ gə ngaɓa ubaje singa, ar-je njang dɔ takagə gə gə go ɗəb-e gə ꞌtɔji-si, cibi ꞌɗaje Luba oyo jaga-jaga ja.

Colossiendjé 3:24

mba Mbayɓe ja a kar-si nekuga dɔ ji gə nenduba. Ɗaa ꞌɗaje kula lə Kirisi Mbayɓe.

Ebərəje 10:14

Mba gə go nepolo gə kara baa ja n-təl ne njekɔr ne tar neɗa gə kṵra̰y dɔ-je gə gə dəwje gə may pɛdə gə dɔbo̰.

Ebərəje 13:9

May kar ḭya̰je ɗəw ar netɔjije dang-dang gə dəw gərə gəl-e ang baa ja turu dɔ-si ang. Mba may kar mənuji ɓa ula jingaw mə-si gə, ɓo nekusa le asə ɗa ne kara kar njekusa-je ang.

Ebərəje 2:11

Mba ꞌne ja ɓa n-togo-je n-ar d-ar ngadə ngaɓa ꞌjejee gə d-ar ngadə le, ngira-je kara baa ja. Gəl-e gə nee ɓa n-ɓar-je ngan ko̰-e nama rɔ kul uwa-a ang,

Ebərəje 9:15

Gəl-e gə nee ɓa n-to ne nje gɔl tar lə kone gə sigi, ɓa gə mba kar kuy lə-a ja tar neɗaje gə kṵra̰y gə gəl kone gə dɔngɔr gə ɔr ne dɔ nje gə ꞌɓar-je gə, d-inga ne nenduba gə d-uwa dɔ gɔl-ɛ gə a to saar gə no.

Jude 1:1

ꞌMa Jude, gə m-to ngon njekula lə Jeju Kirisi nəm, ngaɓa m-to ngon ko̰ Jagə, m-ɗa mbede nee m-ar-sisəy gə Luba gə Bɔ njigi-si, ɓar-si ngaɓa ngom-si mba Jeju Kirisi.

Jude 1:20

Ngaa sisəy gə m-njigi-si ya̰ le, ꞌtɔsəje kəm-si dɔ takagə lə-si gə to losang-ɛ. ꞌDəjije Luba ɗəw gə lə Njil Njerɔsangə.